استفسار عن سكر الحمل ونسبته في فترة الحمل

[كل شي ولا دمعه امي]

السلام عليكم ورحمة الله وبركاته
يابنات تكفون الي عندها معلومه لاتبخل عليه الله يحرم وجهها عن النار الي ترد على
انا حامل في بدايه الخامس ورحت ساويت تحليل في مستشفي حكومي
وطلع عندي سكر في البول وطلبت الدكتوره مني تحليل دم للسكر في اليوم الثاني وانا صايمه وتحليل ثاني بعد مايعطوننا العلاج الي زي الميرندا وساويته وطلعت النتيجه ان فيه سكر تقول 4و8 وحولته طلع 151 قالت نسبته بسيطه امشي على الحميه وبعد اسبوعين بنعيد التحليل ونشوف اذا فادتك الحميه استمري عليها واونبدا بالانسولين طبعا بغيت اخبل لان الحمد لله ماهو في عايلتنا وانا والله اكلي قليل
خرجت من عندها ورحت مستشفي خاص وكنت صايمه وساوولي تحليل سكر طلع 85 وبعد ماافطرت بساعتين حللت طلع 105 الحمد لله قالت الدكتوره زي الفل مافيك شي هل تتوقعون ان تحليل المستشفيات الخاصه تكون صح لاني بصراحه صلحت التحليل الاول وانا زعلانه من اولادي الله يصلحهم
واليوم الي بعده كنت هديت شوي بالله من صار لها كذا وهل النسبتين عاليه
طولت عليكم بس مره قلقانه لان الدكتوره بشرتني ااني حامل ببنت بعد اربعه اولاد
والف شكر للجميع

[ملكة المشاعر]

والله ماعمرو سار معايا كدا

ان شاء الله البنات يفيدوكي

ان شاء الله مايكون فيكي شي

[احب القمرا]

انا بشهر ثاني عندي الم زي الم الدوره هل هو طبيعي

[دموع الملائكه]

حبيبتي لالا تخافي انا حملي الاول نفسك بالضبط وسويت نفس التحاليل لماكنت صيمه طلع عندي نسبه بسيطه قالت الدكتوره اتبعي الحمايه وبعد شهر بنعيد التحليل وعدت التحليل طلع سليمه والحمدلله
بس حتى لما ولدت صرت اعمل الحمايه لاني خايفه يجيني السكر لان الدكتوره قالت لو ماتبعتي الحمايه احتمال في المستقبل يجيك والحمدلله انا اللحين حامل بالثاني وخذت تحليل طلع سليمه والله يفكك من هالمرض وتكوني حتى انتي سليمه ويفك جميع المؤمنين

[كل شي ولا دمعه امي]

الله يعطيكم العافيه
وبالنسبه للاخت الي فيها الم زي الم الدوره تراه طبيعي

[تراتيل]

مراحب اختي


ان شاء الله مافيك سكر وحتى لو كان فيك سكر حمل سوي حميه احسن

لان سكر الحمل يروح بعد الولاده اشوف امي كيذا جاها سكر حمل وسوت حميه

ولما ولدت الحمدلله راح عنها ولا اخذت ابر انسولين ولا غيره

الله يهون عليك يارب

[حلا بنت القصيم]

والله ياخيتوو انا بدايه مشوواري لاكن ماحبيت اطلع وادخل وانا ما ادعيلك
الله يقومك بسلامه ويحفظلك جنينك
ياارب

وترقن وترزق كل محرررررررومه

[كل شي ولا دمعه امي]

مشكورين الله يعطيكم العافيه
الحمد لله عدت التحليل بعد اسبوعين ولا فيه شي