قصة ولادتي ب البرنس إياد

[تراتيل]

السلام عليكم ورحمة الله وبركاته

جيت لكم بقصة ولادتي .. الغريبه والعجيبه ..

انا كنت من اللي بيولدون في صفر لكن مشيئة الله فوق كل التوقعات ..

ولدت في 1/ 3 /1433 يوم الثلاثاء

طبعا قبلها باسبوع كنت رايحه لمستشفى الحبيب على اساس كان فيني طلوق منتظمه وقويه

ولما وصلت المستشفى اختفى كل شيء والله ولا كان فيني شيء ابدا طبعا الطلوق كانت مستمره من اربع ساعات وكل مالها تزيد .. ويوم وقفنا عن باب الطوارئ الا طار الطلق

قلت مو مشكله ادخل واشوف وش القصه .. دخلت وسوو تخطيط وقالت فيه طلق بسسس باااارد

ظفيت قشي ورجعت البيت هذا الكلام كان يوم الاثنين جاء يوم الجمعه ..

الا احس بطلق اقووووى ما اقدر امشي منه ومنتظم قلت الحمدلله جاء الفرج

بس هالمره مارحت للحبيب رحت لمستفى قريب من البيت وقالت الرحم 2 سم والطلق بارد

يلا تنويم .. قلت لا مابي قالت اجل على مسؤليتك تطلعين قلت اوكي مو مشكله وطلعت

طبعا المره الاولى يوم اروح للحبيب كانت السداده حقت عنق الرحم نازله اللي هي افراز لزج ومعه مثل خيط الدم وانتم بكرامه

المره الثانيه يوم رحت كان مع الطلق افرازات غليظه تروووع تنزل قطع

عاد يوم جا يوم الثلاثاء صليت العصر وجلست اهوجس ورا ما اروح مع اميمتي للحبيب انا تعديت التاسع وبصراحه مليت ودي اولد

المهم واروح البس عبايتي واقرد امي نروح وطول الطريق امي تضحك علي تقول ماهقيت وراك ولاده اللي فيها ولاده ماتسولف خخخخخخ

وصلنا الحبيب الساعه 7 جت باكستانيه والله ما اذكر اسمها بس اجوديه وحطوا التخطيط وقالت مافيه ولاده طلق بااارد ---> اقرف مخي هالطلق البارد

قلت لها طيب شوفي بنت ولا ولد لانهم يقولون البنت طلقها بارد قالت مو مبين مقفل رجليه ..!!

وساااعه وهي تسوي لي اشعه صوتيه يمين ومره يسار تحت وفوووق وتضغط على السر والله كل ماضغطت احس بالم مو طبيعي ..

الزبده قالت لاتروحين برجع (( والله انها غبيه الحين رابطيني في السرير بهالتخطيط وتقول لاتروحين )) هع

المهم وتجي الباكستانيه تركض قالت معليش انا يوم شفت الصور لقيت ان المويه 2 ومفروض ماتنقص عن 8 قلت لها طيب انتي تو تقولين مافيه مويه تنزل يوم قلت احس برطوبه دخلتي عموود وش طوله قلتي مافيه شيء ( طبعا العمد هذا كان طرفه بني يوم دخلته قالت ان تغير لونه للاسود معناه ان فيه مويه تنزل ) ودخلته مرتين طلع بني ماتغير ...

الزبده قالت تنويم قلت اوكي وغيروا لبسي ورقوني للولاده من الساعه تسع ونص بصراحه

ماكانها غرفة ولاده اول ولاده لي كانت في مستشفى حكومي وتعرفون كيف غرفهم لكن هذي جدا مرتبه ..

المهم من تسع ونص وانا اقلب راسي للساعه عشر وربع طفشت جت وعطتني الحقنه اللي تسهل البطن وهي عطتني اياها ولا ماعطت اصلا البطن فاضي عقب الغداء ما اكلت شيء

جت الساعه عشر اخصائيه سوريه وش حليلها قالت ان الاستشاريه قالت بتعطيني طلق
وسالتني اذا في ولادتى الاولى معطيني فقلت ايه لكن كان الرحم مفتوح 3 سم وحطوه في المغذي

قالت الحين رحمك بس 2 ومن جيتي مازاد انا بعطيك تحميله وبحاول اسوي لك تحفيز كل ساعتين قلت مو مشكله ..

الا والله وتطلع ابره وش كبرها قلت لها كل هذي بتدخل طبعا الحرمه احسها نقدت علي هع

قالت هذا انبوب فيه جل راح يوسع عنق الرحم وادعي انك ماتحتاجين لواحد ثاني

توكلت على الله وبدينا الاجراءات عقب ماطلعت خذيت المصحف اللي بجنبي وقعدت اقراء

خلصت سورة البقره ماجاني طلق ولا شيء يعني الساعه 11 ومافيه بوادر ولاده

جت الدكتوره على 11 ونص انا بداني الالم وسوت تحريض وطلعت بعدها صار يزيد الالم

الساعه 1 جت مره ثانيه قالت 3 سم طبعا الالم صار لايطاق وعطتني مسكن

الساعه 2 صار مفتوح 4 سم على الساعه 3 جت قالت الحين 6 سم وبيزيد عليك الالم نصيحه خذي ابرة الظهر لان شكلك مطوووله ...

قلت لا والف لا الا ابرة الظهر .. طبعا هذا كله من توصيات الوالده الله يطول عمرها

من دخلت قالت لا يلعبون عليك ترا المستشفيات الخاصه بيقولون خذيها حتى لو ما احتجتيها

خخخخخ المهم ويزيد الالم وكل شوي اسال القابله اللي عندي ماصار الطلق حامي وهي تقول لا للحين طلق بارد ..

المهم في هالاثناء وبعد دقايق من كلام الاخصائيه الا والله احس ماعاد اقدر قلت برووح الحمام

والله وتنزرني القابله قالت لا هذي ولاده مافيه حمام وتختبص وتتصل على الاستشاريه ويجون يركضون اربع معها طبعا قلت لكم طلقي بارد يعني مافيه اذا جت الطلقه ادفعي واذا راحت وقفي

هنا انا توهقت تقولي ادفعي اقولها مافيه طلق ما اقدر ..

جت وحده وتحاول تساعدني تضغط خفيف على بطني والاستشاريه تقول بووووش

وانا ادفع وربي شاهد ان مافيه طلق .. بس ادفع لاني احس بكتله بتطلع مني ..

دقايق الا والحروووس شرررف كللوووووويش وينطلونه على بطني بصراحه احساس رااائع

لان في ولدي الاول اقولها تكفين بشوووف وجهه قالت لا بعدين في هذا حطوه على بطني

الحمدلله ولدت .. لكن ظلت فيه مشكله المشيمه مانزلت من الساعه اربع وربع يحاولون ينزلونها للساعه خمس مانزلت

قالت لازم نسوي تنظيف لان لو ماسويناه الحين راح يتقفل الرحم ويسبب لك نزيف

قلت مو مشكله قالت ترا تخدير كامل قلت توكلت على الله سالتني قالت تبين اخيط لك ولا ماتبين قلت وشووو بعد تشققوني تسالون اذا ابي خياطه اكيد ابي ههههههههه طبعا عييت احط هااللي يسبب هلوسه انا خلقه اهلوس من الوجع لو احطه يمكن اجيب العيد ..

ودخلوني العمليات اول مره بحياتي ادخلها ..

اتذكر قبل يخدروني قالت لي حقت التخدير ترا بتحسين بلسعات خفيفه عادي قلت طيب عقبها والله ماعاد ادري وين ارضي صحيت على الساعه سبع ونص في غرفه ثانيه

جلست فيها لحد الساعه تسع وودوني غرفتي ..

وحطوا ممرضه خاصه لي ووحده للبيبي .. وطبعا اشوفه قدامي في الشاشه

التجربه بشكل عام حلوووه لكن فيه اشياء اكتشفت انها مو صحيحه من خلال تجربتي في هالحمل

يعني مو كل شيء نسمعه او نقراه بيكون صحيح وكل وحده حملها يختلف عن الثانيه

اول حملي قالوا اللي تتنسى على حالي بتجيب بنت وانا طول نساتي اكل شوكولاتات وصار ولد

قالوا اللي البنت طلقها بارد والولد حامي صدقتهم في ولدي الاول لكن في الثاني لا كان بارد

قالوا المستشفيات الخاصه يحطون خيوط ماتذوب وهذا الحمدلله يارب وماشاء الله تبارك الله

خيوطي طاحت في 15 يوم عكس ولدي الاول .. حكومي وماطاحت الا بعد 30 يوم

واللي عرفته انه على العنايه والاهتمام ..

واهم شيء الاكل الصحي .. والراحه النفسيه ..

طبعا انا ولدت على حساب التامين كان شامل لكل شيء ..

اللي ولدتني الاستشاريه صوفيا بخاري باكستانيه جدا جدا رائعه ..

خياطتها حلوه .. تعاملها راقي .. معها مترجمه لانها ماتتكلم عربي ..

رحت لها بعد ولادتي ونفس الشيء تعاملها ماتغير انسانه جدا راقيه ..

في الاخير دعواتكم ان ربي يسخر لي زوجي ويصلح عيالي

والله يهون على كل حامل ومايخيب التعب يارب

[يمكـ دروبي]

الحمد لله على سلامتك
والف مبرررررررررروك ..
الله يسخر لك زوجك ويصلح لك عيالك ..

[تراتيل]

اللهم امين وياك يارب

الله يهون عليك ويفرح نظرتك ولا يخيب التعب

منووووره

[اللهم لك الحمد]

الف مبروك

مشالله ربي سهلها عليك

دعوااتك لي تكون ولادتي سهله

[عيون حبيبي]

الحمد لله على سلامتك
والف مبرررررررررروك ..
الله يسخر لك زوجك ويصلح لك عيالك ..

[شهرزاااد]

الف مبروووووووووك
والحمد لله على سلامتك وسلامة البيبي

[na3ooma]

الف مبروك حبيبتي يتربى في عزك وعز ابوه
وانا باذن الله ولادتي في الحبيب ...وجربتهم من قبل بعملية اجهاض واحسن من كدا كادر طبي وممرضات مافي ماشاء الله عليهم.
الله يسخر لنا احسن خلقه ويسهل علينا

[آجمل شيء]

مبروك ماشاءالله

عقبالنا

اي حبيب تقصدين الريان او الملك فهد ؟

[الأميره وبس]

الف مبروك والحمد لله ع سلامتك

[أصآآيل]

الف الف مبروووووووووووووك والحمد لله على سلامتك