يسعد اوقاتكم حبيباتي
حالي مثل الكثير بالحيرة باختيار مستشفى للمتابعة او الولاده
انا حاليا بأول الثامن الله يتمم و يسهل علي و عليكم يارب
رحت كذا مستشفى و مستوصف للمتابعه عشان اقرر
الروضة / مانع الدمام / مستوصف الاهلي ودار العافيه
و هم مارسيت على بر
بتجارب قريباتي خلاص
رسيت على مستشفى اسطون
و رحت اليوم لمتابعه الشهر الثامن
دخلت عند الدكتورة دعاء طيوبه و ارتحت لها
و بولد عندها اذا الله اراد
طبعا على حسابي فسعر الكشفيه 100 ريال
و التحاليل 260 ريال شامله
ماعندهم حاليا نظام متابعه و ولادة كـ باكج فمعناها
كل مرة بدفع للكشفيه و المختبر لو استدعى الامر
مثل ما احنا عارفين مع الشهر الثامن تصير المتابعه مرتين بالشهر
و التاسع حسب الحاله البعض اسبوعيا و البعض كل اسبوعين
فقالت تعالي الاسبوع الجاي عشان نتايج التحاليل و يكون الدخول كمراجعه
طلعت و رحت مكتب الخروج عشان اتأكد من الاسعار
الولادة الطبيعيه / 5000 ريال- شامل اقامة ليلتين
الولادة القيصرية /10250 ريال- شامل اقامة 4 ليالي
ابرة الظهر لوحدها / 1000
الاسعار للغرفة المشتركة
للخاصه زيادة 200 لليلة
للسويت 450 لليلة- اوسع شوي من الخاصه و فيها طقم كنب
للرويال سويت 1700 لليلة- نفس السويت و اضافه له غرفة جلوس للضيوف
شيكت التواليت و انتو بكرامه نظيف وفيه فوط صحية بس شكلها حي الله شي
فقلت القائمة اللي جهزتها لشنطة المستشفى مابلغي منها شي
بالذات اني دقيقه ووسواسيه شوي بهالامور الصحية بالذات
لو ابي مرافق اضيف 150 لليلة و يجيبون له سرير
و سألت الدكتورة لو ابي احد معاي وقت الولادة قال عادي لو ست اما قوزك صعبه
فقلت بس هذا اللي ابيه ابي امي معاي
ان شاء الله اكون فدتكم شوي
و ياريت اللي جربت اسطون تفيدنا اكثر