ورجعت المشاكل بين أمي وأبوي

[المحتارة=(]

بنات ..

السلام عليكم

اليوم أمي وأبوي تمشكلوا بعد وهوشة كبرت ..

والسبب .. اني طلبت ليلة أمس من أبوي أنزل للسوبر ماركت عشان أتقضى .. وبالقوة وافق .. وثاني يوم الصباح قال ليه تتأخرين عن السوق وقام يهاوشني ( مع اني ما تأخرت كانت الساعة 10 ونص الصبح ) ويوم جيت بأروح قال من بيروح معك قلت أمي .. قال لا ما تروح !! قلت معقول بأروح لحالي !! وأكيد هي تبي اغراض ثانية .. قال : أمك تبيك تخليك تدشرين وتدجين بالسوق !!!

رحنا وحنا نتهزأ .. ربع ساعة والله ورجعنا

الا وكمل هواشه لنا .. وتلفظ علينا ألفاظ ( أنا وأمي ) .. وكل اتهامه ان أمي تعلمني شلون أصيع بالسوق !!!

أنا ما قصرت .. قمت أرفع صوتي أتهاوش مع أبوي وأدعي عليه وأتحسب قدامه ... واستغفر الله لعنته وأنا مدري .. كنت أدافع عن نفسي وأدافع عن أمي

وآخر كلمة قالها : انت ما تعرفين أصلا أنا مب مخليها على ذمتي الا عشانك .. ولا ما تشرب عندي مويه ببيتي !!

أنا الحين جدا مضطربة جدا متوترة .. أحس كل جسمي يرجف .. كل شوي أبكي ..

أحس إني ندمانه على تصرفي وهواشي وصراخي على أبوي ..

بنفس الوقت .. أنا أدافع عن أمي .. ولا أقدر آخذ حقها ..

يا ناس يا عالم .. عمركم سمعتوا أب يسب زوجته قدام بنته ! وبأبشع الصفات وأحقرها !! أجل أنزل سوبر ماركت عشان تعلمني شلون أدج واصيع بالسوق .. !! عمركم سمعتوا هالشيء !!!

لا ويسب أمي قدامي ويبيني أسكت !! شلون تجيء ذي بالله !!


أدري اللي سويته مع ابوي غلط وستين غلط وحرام بعد .. بس والله ما أمسك أعصابي .. تخيلوا أقوله ترى اللي تتكلم عنها وتسبها وتهاوشها قدامي تراها أمي طلعت روحها عشان تولدني .. يقول أمك سلوقية كلبة بنت كلب وحرام ... تبين تصيرين كلبة مثلها !!!

بالله عليكم حطوا نفسكم مكاني وش تسوون

والله وأنا أكتب لكم كل ضلوعي ترتعد .. ما أقدر اقوله .. بس وش اسوي .. أنا ما عندي من أفضفض له أو أتكلم معه أو أشكي له

جيتكم وقعدت أتكلم كلام المفرض ما ينقال ولا ينكتب

[الجنة مطلبي]

الله يعينك أختي ويصبرك ..نصيحتي أختي إلزمي الإستغفار وتوضئ وصلي ركعتين وفي السجود أدعي وأشكي لله وحده هو العالم بك لاتتركي صغيرة ولا كبيرة إلا أخرجتيها من قلبك بترتاحين بإذن الله والله يا أختي أختي الكبيرة صارت لها فترة ملتزمة الإستغفار وسبحان الله كانت تدعي أنها تحمل والحين هي حامل وتدعي لأختي بالزوج والأن أختي تتقضى لزواجها ....يكفي قوله تعالى (قُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا

يُرْسِلِ السَّمَاء عَلَيْكُم مِّدْرَارًا

وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا)......وأدعي بصلاح ولدي وزوجي ...الدعاااااء والإستغفار إلزميه وبإذن الله ربي يفرج عنك مهما طالت بك لاتيأسي ...

أختك الجنة مطلبي...

[المحتارة=(]

والنعم بالله

يزاج الله خير ..

ادعي لي تفرج ..

وايد تعبت

25 سنة وأنا على الحال ما تغير الوضع .. كله هواش ونجره .. هواش ونجره .. هواش ونجره ..

لين متى ما أدري

أستغفر الله العظيم وأتوب اليه من كل ذنب عظيم

[المحتارة=(]

بنات

الحقوني

جاء اليوم أبوي بعد وتكلم على أمي ..

وبين شد وجذب في الكلام والهواش .. آخر شيء قال لأمي .. خلني أخلص من شغلي .ز وأشوف كيف أتصرف معاك !!!!!!

تهقون وش يقصد ؟؟؟

فيه شيء كايد ؟؟؟

قلبي يقولي كذا .. بس مدري !!

بنات أنا أحس نفسي من جد منهارة .. مب عارفة وش اسوي .. بس واقفة ما غير يا أتهاوش وأبكي وأتحسب

بنات والله ما عاد فيني عقل تكفون الحقوني أحس اني بأنجن رسمي

[جروح الحب]

الله يعبنك طيب كلمى اهل ابوك او امك يدخلو في الموضوع واذا مافيه حل تطلب الطلاق افضل لكم

[المحتارة=(]

عمامي وعماتي ما يتدخلون ..

أساسا مقطوعين عنهم ما يزورونا ولا نزورهم إلا نادرا

وخوالي بالكويت ساكنين

وسبق وتدخلوا وصار يتكلم عليهم ويتلفظ عليهم

وإذا تطلقت أمي ...

أنا وين أروح ؟؟ أنا ما عندي لا أخوان ولا أخوات ( أشقاء ) يساندوني بالحياة .. عندي من ابوي .. يعني بأعيش معهم هم وأمهم .. وعلاقتي معهم مب زينة واجد

وهالرابط يوضح وضعي العائلي
http://forum.hwaml.com/t267657.html

[المحتارة=(]

يا بنات ..

أنا من جد انشل تفكيري مب قادرة أفكر بشيء

أمي نايمة وأسمعها تشاهق تبكي

وأنا خايفه من تخطيطات وأفكار أبوي الداهية اللي ما أدري وش اساسها من الصحة

ما أدري وش قاعد يخطط لباكر !!

بنات الله يخليكم لأهاليكم ولأحبابكم ولعين ترجيكم

لو انكم مكاني لا سمح الله وش تسوون

انصحوني الله يوفقكم .. الخوف مسيطر علي ومنشل تفكيري

تكفون ساعدوني

[ام نرجوسه]

يا. أختي ماله داعي تخافي وتزعلي نفسك انتي وامك سامحيني اقولك ابوك ما رح يسوي اكثر من الي سواه وانتي تقولي ان عمرك 25 يعني ابوك وامك ليهم على هالحال من يوم ما تزوجوا ومازالوا مستمرين مع بعض. يعني ما رح يصير شيء ء لا تخافين. كلها كلمتين من الي متعود يسمعكن فيهم وبيسكت
وانتيي. اقولك. امك ما تسكتي عن أذيتها. دافعي عليها. وما تخليها تنهان. وأي كلمة يقولها ابوك مو مزبوطة في حقكم او يبتلي عليكم لازم تردي عليها وتفهميه أن هذه مو عيشة وأن لازم يكون في حد لكلامه وما يتمادى. بس مو بالدعاء عليه والتحسيب لا أوقفي قدامه كا بنت عاقلة وقوليله كلمتين مالهم ثالت أمي أشرف من الشرف وانا مثلها واحترامنا لي انفسنا وصيانتنا لعرضنا يحتم على أي شخص انه يحترمنا ونزلتنا للسوق ما هي جريمة على شان نتعاقب عليها بها الطريقة وحتى لو غلطنا خلي عقابك وعتابك يكون فيه محبة مو كأنك تنتقم نحنا أهلك نحنا ولاياك نحن مسؤليتك وانت الي مفروض تدافع عنا وتقص لسان من يحكي كلمة غلط في حقنا مو تتهمنا بالباطل ولو انت ابونا وتسيء لنا بها الطريقة أجل ايش خليت للغريب .... ارجوك ارجوك ارجوك إذا أمي مالها من يحميعا انا بحميها. وما تتجمل على قعدتها عندك واكلها وشربك بيا انا لا امي لها حقوق بها البيت مثلي مثلك وانت رح تسأل عليها قدام رب العباد
انا ما ادري يا أختي والله حكيت وكأني انا انتي
لا حول الله يا رب. أختي انا قلبي معك والله واتمنى ان ربي يحل مشكلتك بس ما تندمي على دفاعك عن امك حتى ولو امك غالطة دافعي عنها وعاتبيها بينك وبينها وأنا ما اريدك تكوني عاقة مع ابوك بس نقاش عاقل وتقوليه بكل ثقة وجدية. ﻹن ربي حرم الظلم. والظلم ظلمات يوم القيامة فما تخلي والدك يتمادى في هالظلم وما تستعيني بي احد أستعيني بالله ثم عقلك وبالنقاش رح تنحل جميع المشاكل
وها ما اوصيك أكتبي لنا أيش يصير معك نحنا هنا كلنا قلوبنا معاك وان كان ما عندك خوات ترى نحنا خواتك كلنا هنا دعم وسند لبعض
اتمنى لك اﻷفظل
موفقة

[المحتارة=(]

^^^

يا بعد عيني انت .. اول ما قريت كلامك حسيت اني هدأت شوي

جزء من كلامك قلت له ..

لكن تدرين ابوي ما يخليني أتكلم .. يسكتني على طول .. أضطر هنا اني أرفع صوتي عليه عشان يسمعني غصب عنه

وهو إذا تكلم ما يبي أحد يقاطعه أو حتى يسمع أحد .. ويقعد يتلفظ ويقول قسما بالله كلام جارح في حقي وحقها وحق خوالي ..

.... تهقين يا وخيتي ما يسوي شيء إجرامي لا سمح الله

يعني بس كلام فاضي وبعدين يهجد ؟؟

قلبي مره مشعول نار

[ام نرجوسه]

المشاركة الأصلية كتبت بواسطة المحتارة=(

^^^

يا بعد عيني انت .. اول ما قريت كلامك حسيت اني هدأت شوي

جزء من كلامك قلت له ..

لكن تدرين ابوي ما يخليني أتكلم .. يسكتني على طول .. أضطر هنا اني أرفع صوتي عليه عشان يسمعني غصب عنه

وهو إذا تكلم ما يبي أحد يقاطعه أو حتى يسمع أحد .. ويقعد يتلفظ ويقول قسما بالله كلام جارح في حقي وحقها وحق خوالي ..

.... تهقين يا وخيتي ما يسوي شيء إجرامي لا سمح الله

يعني بس كلام فاضي وبعدين يهجد ؟؟

قلبي مره مشعول نار

ربي يريحك ويطمن قلبك انتي بس استغفري الله لك وله وصدقيني مارح يسوي شيء اكثر من الي كان يسويه يعني ما تخافي وأستمري على اﻷستغفار وهدي أمك وطمنيها أنه ما رح يعمل أكثر من الي كان بيعمله. وربي يهديه ويصلحه لكم ويبدل عليكم الحال إلى افظله.
في حفظ الله