السيريلاك في الشهر السادس تنصحوني فيه؟

[بارقة أمل]

السلام عليكم
ولدي حاليا بالشهر السادس
من دخل الشهر الخامس قمت اعطيه بسكوتة وفاكهة كل يوم
ومن دخل السادس قمت اعطيه خضروات او ارز او مهلبية او كسترد وبسكوتة
الحين خلص البسكوت "فارليز" واخذت له سيريلاك
لكن تفاجئت ان مكتوب عليه من الشهر الثامن!!
يعني لو السابع تنبلع لانهم يازعم راقين ما ياكلون اولادهم الا عقب ست شهور
فشنو رايكم؟ اعطيه سيريلاك او ارجع للفارليز؟!
|| السيريلاك اللي اخذته بالقمح وقطع التمر ||

[يارحيم]

اللي ما يأكلون عيالهم لين يكملون ست شهور يازعم راقين؟ وش دخل تأجيل الاكل بالرقي!! معليه بس مبدأك غريب وبالنسبه لرأيي لا تعطينه هالنوع من السريلاك لين يكمل ثمان شهور شكل النوع اللي اخذتيه لان فيه تمر مأجلينه شوي واكيد انه ثقيل على جهازه الهضمي بهالعمر.. رأيي ترجعين للبسكوت حقه ولا تشترين له سريلاك نوع ثاني يكون يناسب عمره الحين..

[جالكسي و الدنيا عكسي]

طيب اشتري سيريلاك لعمر ست اشهر وريحي راسك ...
او اعطيه من البسكوت اللي خلاص
وانا رايئ لو تسويله شوربه كويكر خفيفه
وشوربه خضار او تعملي له انتي اكله ..انظف وافود وكمان سوي له رز مصري وصفي
المويه واعطيه المويه بالرضاعه..والوجبه الثانيه الرز مرررررره مفيده .....
والله يخليه لك

[Mishael]

بدليه بسيريلاك حق السته شهور ،، بسألك حبيبتي كيف طريقة المهلبيه

[أم البداري]

أستبدلي السيريلاك بأكلات طازجة تسوينها بالبيت
تفيد الطفل أكثر من السيريلاك

[ام سديم وتسنيم]

انا اعطيته ولدي وعادي اذا خايفه بديله حق ست شهور

[بارقة أمل]

شكرا لكم على الردود
استخدمت له سيريلاك بالرز مناسب لعمر ست شهور وذاك بخليه لما يدش الثامن :)