خآآيفه وقلقانه ومحتاره

[ذكرى الحنين]

السلام عليكم ورحمة الله
كيفكم حبيباتي ان شاء الله طيبات

صار لي شهر قلقانه قلق موو طبيعي
واسرح كثييير وخآآآيفه موووت اني اخسر البيبي لاسمح الله
وبعد حاولت اقنع نفسي انه حتى لو خسرته فهذي إرادة الله لازم اقبلها
بس مضايقه حييل وزعلانه ومخنوووقه وماراضيه اقتنع او ارضى
كل يوم استغفر واقراء قرآن واصلي على النبي (صلي الله عليه وسلم)
وصلاة الليل ولا مره تركتها الحمد لله
لاكن ابد ماكو فااايده تعبت حييل صار فيني خوف من كل شيء
حتى في النوم ماارتاح دائما كوابيس ان البيبي يموت او ماني حامل من الاساس
يمكن هواجس وخوف لانه شيء جديد بس تعبت ماعادت ارتاح في شيء
وماادري شلون النوم نايمه صاحيه
احس بكل شيء حوليني واسمع اصواتهم يعني نوومي مآآره خفيف
عكس الشهر اللي فات كنت انام كـ الميته
وصدااع ابدا مايفارقني واخااف اخذ بندول لان انا من قبل مااكله
وماني عارفه ايش السبب
امم المنبهات الشاهي والقهوه والنسكافيه ممكن تسبب صداع ؟
لان انا اشرب اما شاهي او قهوه او نسكافيه باليوم مره وحده
والغثيان مع البرد رجع لي وماني عارفه شلون اتصرف ماصدقت راح احس بتخبل
وبعد كل ترجيعه احس بدوخه وثقل بالراس
ومرات مااحب الضوء ولا اتحمله انزعج منه مع ان بيتي اضائته تعتبر هاديه
ودي اقعد بظلمه على نور الشمع >>اذا سويت كذا ارتاح هههههه
والدكتور ماوصف لي اي علاج يعني انا صار لي شهر بدون اي علاج
كنت اخذ فلوريك اسيد بس من دخلت الرابع قالي وقفي وماعطاني غيره

آآآسفه تكلمت كثير بس مالي غيركم بعد الله بالغربه
يفهمني وافضفض له واتمنى انكم تساعدوني وتطمنوني
وأسألكم الدعاء الصالح لي وان ربي يثبت حملي ويطمن قلبي عليه
وافرح بشوفته والله يعطي كل وحده مُناها
ارجووكم ولو بدعوه اللي تدخل تدعي لي

[وردة صفراء]

اختي انا اجهضت قبل هذا الحمل
ومن اول ماحملت وانا اقول راح اسقط راح اسقط ماراح يكتمل واول مره رحت للسونار قلت اكيد مافي نبض ومابقى فكره كو زينه مافكرت فيها

وكنت دايم احلم باحلام مو زينه دم او اي شي تعببببببببببببت من كثر التفكير

والحين والله وكلت امري لله وقلت خلاص ماراح افكر
والحين الحمد الله احس اني احسن ومتفائله

وواثقه بربي وان شاء الله الله يتمم علي وعلى كل الحوامل يارب


وبالنسبه للغثيان
عااااانيت منه كثيير والصداع لا يطاق
احتسبي الاجر يا اختي

وكل شهر ان شاء الله تخف الاعراض


وبالنسبه للمنبهات الدكتورة منعتني منها تقول مضره على الجنين

والبانادول ممنوع

والصداع ذابحني بس مالنا غير الصبر وفتره وتعدي ان شاء الله



وبالنسبه للشهر الرابع المفروض تاخذين حديد مع فوليك

[التفاحة البيضاء]

انا قبل اجهضت مرتين.
كان الجنين يموت بدون سبب

هالمرة. من بداية حملي وانا في خووف وقلق انه تتكرر التجربة.
ومثلك كوابي مالها نهاية. من التفكير.

بس الحمد لله. ربك اكرمني. وهذا انا على وشك الولادة

احب اقول لك. بما انك دخلتي الرابع. فهذي بشارة جيدة. بأنك تعديتي مرحلة الاجهاض
ان شاء الله

والمفروض تسوي تحليل لدمك
وتاخذي حديد و فوليك و كالسيوم

[شيوخه11]

لاتخافين ووكلي امرك لرب العباد
وادعي ربك

وحطي ايدك ع بطنك وقولي استودعتك اللله الذي لاتضيع ودائعه
واالله يتتمم لك علي وعليك وع الجميع بالخيرر

[الحلم المنتظر]

انا مثلك خصوصا اني مجهضه مرتين وكنت في قلق كببيييير بس الحمدلله والشكر لله استودعيه دائما

[زهرة حسوني]

الله يخليه لك ويحفظه من كل شر. لازم تتوكلي على الله وتدعيه باخلاص ان يحفظ لك الجنين واستودعيه الله كل يوم وحاولي تخرجي نفسك من التفكير والقلق اللي عايشه فيه تفائلي بالله خير والله عند حسن ظن عبده به

[سومااا]

هذا امر وارد فالحمل وشعورك فية طبيعى
ولكن ما تحاولى فقد السيطرة ع حالك

[ذكرى الحنين]

الف شكر لكم حبيباتي
ربي يطمن قلبكم ياارب
ويعطيكم راحة البال وسعة في الرزق يارب
ويهون عليكم حملكم ويسهل ولادتكم
وانا معكم