حملي والغربه اتعبوني

[ذكرى الحنين]

السلام عليكم ورحمة الله وبركاته

كيفكم وايش اخباركم

حياالله كل من دخل موضووعي والف شكر لها

انا عمري 17 في لندن مع زوجي
حامل ب الشهر الثاني
كنت خااايفه حييل من فكره الحمل وعارفه انه يتعب
بس كنت مشتاااقه اني اكون ام حلوه الامومه حلو انو يكون عندي طفل يقولي ماما
امنية كل متزوجه انها تحمل حتى لو في البدايه تكابر تقول ابي بعد سنتين او ماابي الحين وكنت خايفه اني مااحمل لان تاخرت في حملي
عرفت اني حامل يوم 17شهر 10
الاعراض قبل الكشف
الام بصدر
والتعب والنوم الطويل
والغثيان في الصباح
والم البطن
وتاخر الدوره
والشعوربالدوخه
سويت فحص بالشريط بدون مااعلم احد وتفاجئت انها خطين
بغيت استخف لحالي بكيت بكيت وضحككت من الوناسه ههههههههه كان شعور حلو
قلت لازم اعلم زوجي قلت له الدوره تاخرت جيب ليا شريط وسويته ووريته هوا
فرح كثير اني حامل قال لازم نروح المستشفى كمان نسوي تحليل دم
سويته بمستشفى خاص وبشرنا اهلينا وكلهم فرحو
عمي طلعنا استراحه بالمناسبه لان راح يكون اول حفيد
من الصدمه حسيت انهم فرحانين اكثر مني
وللعلم ان اختي دكتوره على ماحسبتلي تقول انه صار يوم 28 رمضان
انا لما جيت لندن كنت حيييل مكتابه ومرره تعباااانه كل يوم اصحى ابكي وانام ابكي
حتى زوجي جاله اكتئاب مرات ادوخ ولا يعرف يتصرف والغثيان من لما اصحى لما انام
ومااكل ولا اشتهي الاكل كثير اشياء اكرهها ريحة الممر حق الشقه مرره اكررهه
المويه اببدد ماتجلس ولا دقيقه اذا شربتها على طول ارجعها
وريحة الطبخ تقلب نفسي وتجيب ليا صداع
ولما انام بطني من عند السره يوووجعني
مااقدر اوقف كثير يعني زي الصلاه مااقدر
اصير ارتجف واحس اني بدوخ ويبدا غثيان
اغلب وقتي يرووح بالنوم ولا اشبع منه
نحفت مره مره مره وشعري صااار يطييح وسمرت
تعبت كثير كثير من الحمل اتنشط يوم واتعب باقي الاسبوع
مااخذ ادويه لان ماعندي و روحت المستشفى ولا استقبلونا
يقولو لازم ضمان طبي وبنسويه ان شاء الله
نفسي ارجع عند اهلي وامي اشتقت لها كثييير
ملييت من هينا دخلت معهد انجليزي قلت اتسلى واشغل وقت فراغي واستفيد
كل يوم اقول متى اوولد هههههه بدري على هـ الكلام بس وش اسوي من التعب
وادعي ربي من كل قلبي يسهل لكل حامل حملها تفرح بشوفته يكبر بخير قدامها
واعتذر اذا طولت عليكم
بس اتمنى تفيدوني ماليا احد غير الله وغيركم بالغربه
واشكركم

[حسايف]

الله يهون عليك ويقر عينك بشوفته
ماعليه تحملي انشا الله ها الوحام مايستتمر معك اكثر من 3 شهور
انا بحملي كنت مثلك ما اكل. بس اشرب حليب السعوديه او لبن
لين تميت الشهر الرابع وبعدها الحمد لله تحسنت

[ذكرى الحنين]

اللهم امييين

تسلمي حبيبتي ع الرد وربي يعطيك الف عافيه
انا اليوم شربت حليب ساخن بدون سكر وماشاء الله مارجعتو
وراح اخليه غداء وعشاء دامه مايطلع
لبن هينا مالقيت بالسوبرماركت
وان شاء الله ربي يكتب اللي فيه الخير

[مرهفة الإحساس]

حبيبتي لسا صغيرة خالص انتي الله يسعدك وتكوني ام لاجمل نونو يا غالية شوفي حبيبتي هو الحمل في بدايته يكون كذا انا استمر معي الوحام ارع شهور كنت نفس حالتك اللي تحكيها لكن بعد ما يعدي الشهر الرابع بيكون الحمل ممتع جدا والبيبي يبدأ يتحرك بعدين تدخلي على الاشهر الاخيرة بيزيد التعب اه بس بتكوني قربتي الله يهون عليكي يارب ويرجعك لاهلك بالسلامة

[المستحيله]

ياعمري لسى صغيره ع الحمل بس الف مبروك والله يتمملك ع خير..
عادي اكثر الحريم بالشهور الاولى بيكون وحامهم مره متعب تحملي الى ما تدخلي الرابع وبعده راح تحسي بلحظات حلوه وراح تحبي الحمل بس اول ما تدخلي التاسع بتتعبي من الثقل وراح تعدين الساعات علشان تولدي...
انتي بعيده عن اهلك وممكن هو السبب بتعبك حاولي تختلطي مع الجيران وتطلعي تتمشي الجو بلندن حلو كثير...

[فيونكة]

انا كمان عمري 19 وحملت وانا في غربه

والثلاث شهور الاولى كنت دايم تعبانه وما اكل وغثيان وتمنيت اني ما حملت مع انو انا كنت ابغى احمل وزوجي بعد يبي بيبي

بس ترا عادي حبيبتي الاكتاب الي تمرين فيه هو التعب بيروح وانشاء الله الاكتاب بيروح

رغم ان انا الرابع والخامس كنت مبسوطه بس من دخلت السادس والاكتاب زاااااااايد و الملل واحس اني كارهه حياتي

بس هذا احاول اقاومه واذا لقيت له حل بجي اقول لك

[ذكرى الحنين]

ياعمري تسلمووو ومشكورين ماقصرتوو
مرهفة الاحساس
اي امي قالت نفس كلامك انه بيخلص في الرابع
بس هينا من الوحده احس ان الساعه ماتمشي
ان شاء الله ياربت تهون والف شكر لكي
المستحيله
الله يبارك فيك
ايه انا لما اخرج واتمشى اصير نشيطه
بس ارجع البيت يطيح علي نوم اهل الكهف هههههه
فيونكه
حبيبتي الله يكون بعونك ويسهل عليكي يارب وتفرحي بشوفتو
والله انا كرهت الحمل ومع كذا متمسكه فيه
وخاااايفه موووت اني اخسره
ومرات احس بشي يشد سورتي ماني عارفه ايش هدا الالم
يجيني وانا نايمه دااائما مع العلم ان نومتي على كتفي اليمين مااظن خطا
فما ادري هل هو طبيعي ولا ايش
روحت المستشفى امس اعطوني فلوريك اسيد وقالت خذي حبه وحده بعد الاكل
قالو نسوي لك سونار بعد فحص المختبر

^_^ ماعندي احد اتكلم معاه غيركم وفرحانه بالنت اللي اسبوعين وحيقطع
جد اسفه اذا ثقلت عليكم

[Tota 85]

حبيبتي ربي بيعدي هالشهور على خير وبتولدين وبعدين بتصير السنوات تمشي بسرعة اليوم عمره شهر وفجأة عمره سنتين وبعده دخل المدرسة وبعدها بيومين خط شنبه بس في الحمل وخصوصاً وقت الوحام ااااااااه الوقت ما ايعدي كل يوم سنه
اشغلي نفسج بدورة الانجليزي اللي خذتيها انا حطيت حيلي في الشغل وعدى الوقت

[ذكرى الحنين]

^_^ ياحياتي على البيبي ان شاء الله يارب يسمع منك
اولد بالسلامه واشوفو يكبر قدامي
صايره حساسه مره على طوول ابكي اذا كنت لحالي
على اتفه شيء ههههه
مشكوره حبيبتي تسلمين

[عصفورهـ]

ياحياااتي يالله الله يتمم لك
اذا حسيتي بغثيان كولي خيار او بسكوت ناشف
واشربي حليب او زبادي
اشغلي نفسسك
الحمدلله انا بالرابع وخف الوحااااام مره الحمدلله