افكر بالطلاق ..لكن اهلي ,

[نيو أنثى]

السلام عليكم ,

مادري من وين ابدا ولا وش اقول ..

انا حامل ولي 10 شهور متزوجه وابي اتطلق من زوجي لانه شخص ماينعاش معاااه

اتتعب لو اقول وش فيه وش مافيه ,

لكن المشكله اهلي وبالذات ابوي مايتقبلون فكره الطلاق نهائي وانا مجمعه اغراضي ومحتاره

شلون اروح لاهلي وشلون اصارحهم ياربي هالشيء صعب مره شسوي ..

[blue sea]

حبيبتي شي طبيعي بالسنة الاولى من الزواج يكون في مشاكل بالحياة الزوجية لانو مو متعودين على اطباع بعض
انا مريت بالتجربة لكن الامور تحسنت لانو صار يفهم طبعي وافهم طبعو
بس احيانا في مشكلات ضروري تنحل اذا كانت اساسية
يا ريت تحكي شوية تفاصيل لنساعدك ونعطيكي حلول يعني شو هي مشاكلك يلي مو قادرة تتحمليها تقولي ما ينعاش معاه ابداً

[مشاعل الدوسري]

السلام عليكم ..
ماذكرتي السبب و اول سنه معروفه اختلافات بوجهات النظر و عدم تقبل الطرف الاخر ..
انتي اصبري حق ايش تبين تتطلقين بس عشانه ما ينعاش معاه ..
كيف يمد يده عليك اربع و عشرين ساعه طايح فيك سب و شتايم مايصرف عليك ..

قولي السبب عشان نقدر نقدم لك النصيحه الزينه ..

يعني يشرب خمر طول الوقت بعيد عن بيته و وو و الخ ..

و شي طبيعي اهلك بيرفضون الطلاق اول سه و حامل و تتطلقين يعني مافيك صبر على الحياه ..
و ماعندك القوه ..

[نيو أنثى]

انا راح اقووول لكم ..

اوول شيء من يوم اخذته ومن يوم عرفته وكل مااطلبه فلوس ماعنده

صحيح مايظل من راتبه الا الفين بالشهر من ديون الزواج لكنه اذا اشتهى شيء مايقصر بنفسه ابد

لدرجه مره امه عطاها راتبه كله لانها طلبت منه ومره عطى اخته اضعاف راتبه ليزيد مهرها

مع انه مهرها غالي وماكانت محتاجه لفلوسه , وكان ماعنده وكله تسلف عشانهم

ومره اشتهى احد يساعد جده راح جاب له عامل بسعر يتعدى راتبه مع انه مو ملزوم

وانا يستخسر علي ريال واحد, بعد الحنننن والتنكيد يطلع من مخباه 10 ريال اقوله بس ؟ يقول هاذا اللي عندي

ادري كذاب

ولايشحن لي جوال الا 20 ريال بالشهر وهو حاط له فاتوره وتووصل بالمئات ومقصر بامور البيت

وغير كذا اناني بس يجيله زكام او يصدعه راسه على طوول يروح لمستشفى غالي

وانا لو اموووت بمكاني مايوديني ويقول لي روحي للمستشفى القريب من البيت الحكومي

وهاذا اردى وازفت مستشفى ممكن تتخيلونه ..

وانا عايشه مع اهله واربع وعشرين ساعه عندهم او عند ربعه ,

واللي في البيت عايش جده وعمامه وامه وابوه يعني عايله كبيره وافرادها كثار

وانا اقوله اجلس مع امك ساعتين كل يوم واجلس عندي عمامك والباقي مو ملزوم كل يوم جالس وطالع معاهم

وانا والله احس اني صرت مدري عن العالم من اخذته حارم علي اطلع اي مكان ماعدى بيت اهلي

صرت مدري عن الناس . وبالمقابل هو اربع وعشرين ساعه برى البيت ومايرجع الا 1 بالليل

وانا وحدي جالسه بالشقه كاني مجنونه عايشه مع نفسي من الطفش احس اني بذبح نفسي او بتجيني حاله نفسيه منه

واذا تزاعلنا يشوفني يسبني سب يالبهيمه الله ياخذك مع اني مااكلمه ولا اقول له شيء

ودائما يقووول لاخلصت ديوني باخذ الثانيه ربعي مو احسن مني

وانسان ماعنده شخصيه يمشي ورى كلام اهله وانا ككلامي ضاربه بالحيط

الصراحه مابي اضيع عمري معاه توني صغيره ابي اعيش حياتي

[blue sea]

برأي تشوفي ابوكي او ابوه وتقولي هالكلام بهالطريقة
واضح انه شخص اناني ولازم حدا يوقفه عن حده لانو معك حق مو حياة هي
انا زوجي كنت اشوفه ساعة بالنهار فقط واخر الليل ساعة كمان بحكم الشغل وياريت قاعده معه بالنهار احضر الغداء وبالليل العشا ويكون ميت من التعب بس كرمال يخلص ديون الزواج وبس خلص ترك الشغل الثاني بعد الظهر ووبدل ما يبقى معي كمان لعند اهله لانو ساكنة فوقهم او عالتلفزيون من فيلم لفيلم والله يكون بعوني اذا حكيت معاه مشان ما تنقطع سلسلة تحليلو للفيلم بدك احلى من هيك وبالرغم من هيك ما فكرت بالطلاق لانو مستحيل اقدر اعيش بدونه وهو مو مقدر حبي الكبير له
واخيراً نصيحتي لك استشيري اهلك او اهلو وخليهم يحلو القصة مالك غير حالحل

[مشاعل الدوسري]

السلام عليكم
حبيبتي ازمة الشباب كلهم ديون و باول سنين او سنه و سنتين الزوجه لازم تتحمل
لانه هو خسر زواج و مهر و فرش و هيك شغلات..
يعطي امه و اختى شي طيب ..
موضوع ان يعطيهم و يقصررر عليك
من حقك تزعلين منه و تحز بخاطرك ..
على فكرره زوجك فيه خصال طيبه بيساعد امه و اختى و جده ..
ترى ما في زيه كثير

هذي احد الخصال الكويسه فيه ..
عنده صلة رحم احد الخصال الكويسه ايضا ..
و ماينفع تقولين لزوجك انت تقعد معاهم كثير و و و و و و انا ليه ما تقعد معاي ..


عموما عطيه فرصه مو عشانه عشان اللي في بطنك و عشانك ..
ترى الحرمه تقدر تغير الرجال لكن كل رجل و له طريقه و وقت معين ..

طيعيني و عيه فرصه سنه ثانيه .. ما تصنع الرجال خلي اهلك يكلمونه..
ما نفع حزتها سوي ما بدالك..
انتي مو خسرانه شي .. بلعكس..


انا شخصيا لما تزوجت زوجي من الساعه 7 الصباح الى 4 العصر..
يرجع يريح ساعه او سااعه ونص..
بعدها يطلع من البيت يرجع الساعه 9 او 10 او 11 او 12
وبس .. يطلع يلعب كوره مع اصحابه ..

المهم طفشت قلت ياربي شنو هلحياه ..
و كنت اتلبس و أكشخ و اسوي كل شي بلبيت
النظافه و التبخر و التعطر ..
لكن الرجال هذا نظامه ..
اوقات يتنازل و يتكرم و يقعد بلبيت
الحين صار لي سنتين ونص .. تقريبا ..
و هو نفس النظام لكن
صار يخصص وقت لي ..
و وقت لولاده مثلا يوم لخميس لنا كلنا بين وقت و وق نطلع انا هو لوحدنا و هيك شغلات..
كان لما يتأخر
اعصب و اتضايق لاني لوحدي بلشقه مع ابنه انا تزوجت رجل كان متزوج و عنده ولد ..
فا كويس ان الولد كان موجود بحياتي و لا كان طفشت

و اشياء و اشياء طول الاسبوع بلبيت يادوب نرووح السوبر ماركت و لا مستشفى و لا السوق ..
و المنطقه اللي انا فيها مافيها اي نوع من انواع الحياه ..
المهم كملت 9 شهور بعدها اتوقع حملت .. طول فترة الحمل كنت متضايقه منه ..
لانعه مو مهتم فيني و لا بحملي و دايم طالع بره و و و و و


لكن كنت لما استقبله استقبله بلكلام الزين
عساك على القوه يعطيك العافيه انشالله فزتو على الفريق الثاني و هيك شغلات ما كنت اتفف منه او اعصب عليه اعاتبه بس
حبه حبه ...
اوقات لا اعصب و اصارخ..

و انا بلشهر السابع فكرت اطلب الطلاق و ارجع بيت اهلي لان الانسان اللي عايشه معاه متحملته و ساكته لا اطلب و لا بكل و لا بمل و رغم هذا مطنشني .. و هامل حملي ..

لكن كويس اني ما حكيت لا احد كنت اكتب مشكلتي بلمنتدى و الكل قالي بعد الولاده بيتغير و بيهتم فيك و في بنتك و و و و
بعد الولاده بجد اتغير
و صار احسن و قعدت معاه و حكيت و قلت له ايش اللي مزعلني منه و ايش التصرفات اللي ضايقتني و و و و الخ ..

يعني ياعزيزتي الصبر ثم الصبر ثم الصبر ..




بلنهايه استقبليه بلكلمه الحلوه
و استودعيه بلكلمه الحلوه
و هو بلدوام فجأه ارسلي له اشتقت لك ..
اذا جاء البيت رحبي فيه .. مو دايم ..
الاهم تستقبلينه بأبتسامه ..
اصبري عليه و اذا قالك بروح اقعد مع اهلي قوليله خذ راحتك
و الهه يديمها عليك رحمه و موده وصله
و سوي لهم حلى و قوليله سويت الحلى عشان لانزلت تقعد مع اهلك مع الرجال ..
تأخذه معاك اهتمي بأمه و يعني خليكي راعية واجب و سنعه رسميه اسالي ..
ساعديهم الحين عندك رمضان انزلي ساعديهم ..
و افطري معاهم..

قوليله شرايك نشتري هديه لامك ..
بمناسبة العيد..
امدحيه قوليله مشالله عليك واصل بعمامك و اهلك و ما تقصر
مع اهلك نادر مافي حد يهتم الحين اغلب الرجال انفسهم
و بيوتهم و بس الله يعطيك على قد نيتك و و و و ..


و تذكري انتي حامل يعني فيكي توتر و نفسنة حوامل ..
بيتهيألك اشياء و بتبالغي بأشياء ..
اصبري و لا تشتكي لا احد.. من اهلك ..


هو بيلاحظ التغير بكلامك و بهدوءك ..
و طريقة كلامك ممكن بيعلق و ممكن ..
لا و اذا قالك احس متغيره قوليله لازم الوحده تقدر و تحترم خصوصية زوجها و تتحمله
و بلمقابل نفس الشي ..
و بطريقه حلوه قوليه بمزح و دلع
فهمتي ..
وو بعد فتره شهر اقعدي معاه..
سوي له عشاء رومنسي و جو رومنسي
كم شمعه و زيني البيت و اكشخي و قولي له ابي احكي معاك بموضوع و نتناقش فيه
بكل هدؤء
و ابيك تفهمني ..

انا بلبدايه ما كنت متقبله طريقتك لكن اكتشفت عشان الحياه تستمر بينا ..
و نعيش بهدوء و حب لازم نكون متفاهمين مع بعض و انا صرت اقدر افعالك و احترمك لان فيك صفات و خصال كويسه .. اصل بأهلك و تساعدهم.. و طيب معاهم
و اذكري صفاته الكويسه بنظرك..


لكن في كم شغله ودي نتفاهم عليها ..
بخصوص زيارة اهلي و قعدتنا مع بعض .. و مصروف خاص فيني و هيك شغلات ..
اذا حسيتيه عصب امسكي يده و قولي له اسمع شنو اللي بقوله بعدين احكم ..
انا ما ابي امنعك و مو من حقي اني امنعك من اي شي تسويه ..
لكن خصص وقت لي ..
وقت لهم
وقت لزيارة اهلي و كلن يأخذ حقه من غير زعل و لا ضيقه ..
و بخصوص المصروف انت مقصر معاي ..
و انا اوقات احتاج اشياء استحي اطلبها منك اوقات ودي اجيب شي
ما اقدر لان ما عندي مصروف خاص فيني و بس ..

احكي معاه بلحب و بلحظات الحلوه اللي بينكم و انشالله بيتقبل كلامك و بيتغير تدريجيا ..

[مشاعل الدوسري]

المشاركة الأصلية كتبت بواسطة blue sea

برأي تشوفي ابوكي او ابوه وتقولي هالكلام بهالطريقة
واضح انه شخص اناني ولازم حدا يوقفه عن حده لانو معك حق مو حياة هي
انا زوجي كنت اشوفه ساعة بالنهار فقط واخر الليل ساعة كمان بحكم الشغل وياريت قاعده معه بالنهار احضر الغداء وبالليل العشا ويكون ميت من التعب بس كرمال يخلص ديون الزواج وبس خلص ترك الشغل الثاني بعد الظهر ووبدل ما يبقى معي كمان لعند اهله لانو ساكنة فوقهم او عالتلفزيون من فيلم لفيلم والله يكون بعوني اذا حكيت معاه مشان ما تنقطع سلسلة تحليلو للفيلم بدك احلى من هيك وبالرغم من هيك ما فكرت بالطلاق لانو مستحيل اقدر اعيش بدونه وهو مو مقدر حبي الكبير له
واخيراً نصيحتي لك استشيري اهلك او اهلو وخليهم يحلو القصة مالك غير حالحل

حبيبتي انتي لازم تقدرين وضع زوجك يشتغل شغل بلنهار و شغل ثاني كله عشان الديوون..
و لما يرجع بيكون عنده ضغطمن العمل فا محتاج يفررغ الضغط فا بيتفرج على التلفزيون و بيطلع هيك و هيك .. ادري بتقولين و انا .. انتي في باله و محترم تقديرك بس الرجال ما يعرفو يحكو كثير بكلام الحب و الرومنسيه و التفاهم
و الله يعينك

[انفاسك دفى $#]

مـإشاءء الله عليك كلامك جدإ اعجبني #$

والله يوفق الجميع ويسر جميع اموركم ) ..

[ام رتوو99]

الله يعينك ياروحي

بس انا من رايي انك ماتدخلين احد بمواضيعك مع زوجك مهما كان
والزوج يتغير مع الوقت
بس الحين هو منضغط عشان الديون وكيف بيسددها ولازم تستحملين

( بس جمله وحده احس تقلب الموازين )

تدري يافلان ليش حبيتك ؟!!

1- عشان حبك لاهلك لانه اللي مافيه خير باهله مافيه خير بالناس وانا احس ياحبيبي انك تحبني حيل واتمنى شفتك تنطقها .
2- حياتي ادري انك ماودك تقصر علي بس عشان الضروف غصب عليك ... بس ياحياتي استسمحك عذرا انا احتاج مصروف واللي تمدها يمينك ماراح اقول شي وانت ماراح تقصر .
3- حبيبي احتاجك معي بكل وقتواشتاقلك حيل وش ذنبي اذا اني احبك ... بس اذا ودك تطلع لاهلك او اصحابك روح ياحياتي وانا بانتظارك .

اتوقع ان الكلام هذا وبحنيه مع ابتسامه حلوه وافضلها تكون وقت النوم وعلى السرير رقم 1 .
اما الباقي تكلمي معاه بعد عشاء او بوقت تشوفين انه مروق ومايفكر بشي

وحبيبتي توك على الطلاق الله لايقوله ... اذكري ربك وتعوذي من الشيطان وانشالله ربي بيفرجها عليك

[طيبتي أكبرهمومي]

الله يفرجها علي وعليك ويسهل أمورك حبيبتي أنا أعاني مثل حالتك بس أكثرها مشاكل أهله علي والحين كارهني الله يساعدك قلبي
انتي اول طفل لك ؟
الله يهون عليك ويقومك بسلامه