مهمومه وخايفه

[ام الشهد]

"]مرحبا كروشات بدخل بمشكلتي بسرعه مابي اطول عليكم انا عائلة زوجي تقدس الاولاد وانا اول ماحملت جبت بنت وسلفتي جابت ولد والحين حامل هي بولدوصارت عندهم غير وانا اخاف احمل واجيب بنت رغم احب البنات بس كل ماقابلت احد يقول جيبي ولد انا ابيكم تدعون لي ربي يرزقني ولد من جد احس ضااااااايقه بي الوسيعه من نظاراتهم رغم انه اول طفل لي بس ناس ماتفهم

[احساس أنثى]

والله كل شي من ربنا نعمه في غيرنا يتمونوا سواء بنت او ولد

العقليات هادي لسى باقيه؟؟ لاحول ولا قوه الا بالله

ربي يكمك يارب يالغلا عن قريب بولد وترتاحي من هالموضوع

[فوضت امري لله]

حبيبتي

سبحانه اللي يرزق من يشاء

كيفما شاء

توكلي على الله ولا

تخلي الناس تاثر فيك

الي يقول لك جيبي ولد

قولي

(اللي يجيبه الله مو انا وصراحه انا نفسي ببنت

تلعب مع اختها)قوليها وانتي واثقه من نفسك

مو يهزك كلمه منهم ابد

البنت والولد بالزمن هذااا مثل بعض الله بس يهديهم

لاتخلي شي ياثر عليك ابدااااااااااااااااااااااا

_________________________________

[الشرف الرفيع]

حبيبتي اكثري من الاستغفار والتسبيح بأذن الله ربي يعطيك اللي تتمنيه
ولاتنسي حديث الرسول في معناه من له ثلاث وبنات واحسن تربيتهم دخل الجنه
ارجع واقولك اكثري من الاستغفار وهذا مانصحوني به بعد ان انجبت اربع بنات ربي رزقني بولد والحمد لله حمدا كثيرا

[روز بااريس]

هم متخلفين وانتي لاتعطينهم وجه ولاتفكرين بكلامهم اصلا

استغفر الله بس اللي يسمعهم يقول عندك 10 بنات

ترى كلها بنووووتة ويازين البناااااات بسس وان شاء الله الله بيرزقك اخوان وخوات لها

لاتخلينهم ياثرون عليك وتصيرين تخافين تحملين ووشفيها لو جبتي بنت الحمد لله غيري تفكيرك الله لايعاقبك

بعدين ماتدرين يمكن اللي ببطن سلفتك بنت !!

اللي يقولك ليه ماتجيبي ولد قولي اللي يجي من الله حياه الله ولايبان انك متأثرة واحمدي ربك يااختي ولد او بنت اهم شي العافيه

غيرك يتمنى الضنى ..

سوري بسس بجد اتضايق من المواضيع اللي مثل كذا ناس متخلفه ومايعجبها العجب وربي ماعليك من احد

[ام الشهد]

اشكركم على تفاعلكم معي انا والله قبل ماكان يهمني اجيب ولد او بنت ولما حملت ببنتي كنت كثير مبسوطه والله يابنات الحين يناظروني بنظرة الشفقه ويقولوا الله يرزق بنتك اخو وكل ماجت سلفتي قاموا بها وبولدها غيرررررررر والله يابنات ينكسر خاطري وكل شوي يقولوا هذا الرجال هذا اللي مافي مثله واهتمام مو طبيعي رغم اني ما اجيهم الا بعد ثلاث شهور مره وكل ماجيت قالت خالتي قريتي على ولدك قبل لاتجين يعني بحسده هاذي حراكاتهم وانا ماعندي الابنت وحده اجل لو اجيب ثنتين ايش بيصير شي يضيق الصدر ويخوفني من الحمل رغم نفسي احمل واجيب اخت او اخو لبنتي بس هالناس ارهقوني ادعولي ادعولي يابنات

[ام هيثووووم]

ياعمري. مثل ماقالوا الاخوات
ادري ان هالعقليه لسا موجوده بس خلك واثقه بنفسك
يعني انا حامل وهم طوال سوالفهم ع اني بجيب ولد
ويضايقني هالشي واقول لهم لو جات بنتك بسميها كذا
خلهم يحذون ببالهم انه مو شرط يطلع ولد وانا انا عاجبني
وارد عليهم ان ابغي بنت تلعب مع بنتي
والله مايهموني البنت والولد نعمه من رب العاااالمين
واذا طلعت بنت الحمد لله والله بكون مبسوطه المهم انا وزوجي اما الباقي ماهموني
توكلي ع الله واللي عليك سويه ادعي ربك يرزقك ولد بعد كل صلاه
وان شاء الله تجيبين ولد وتسكتينهم
والناس مايعجبها شي
اذا جابت اولاد قالوا يبغون بنت واذا بنات يبغون ولد وكان الواحد بكيفه
عذرا طولت بس مايحتاج تحطين لكلامهم اعتبار وخلك واثقه من ربك انه راح يرزقك زي مارزقها

[كشه ناعمه]

ربي يرزقك بالي تمنينه بأتم الصحه والعافيه
هاذا تفكير الناس الجاهلي الي تجيب ولد يحطوها فوق روسهم والي تجيب بنت وحده قالو لها ام بنات استغفر الله بس....
ماعليك منهم سمعي هنا وطلعي هنا واكثري ستغفار بنيت الولد
هاذول اهل زوجك
انا واختي الصغيره حامل سوا فرق بيني وبينها اسبوع بس هي قالو لها ولد وانا بنت وشفت العضو بنوته بس امي ماتقدر تخبي مشاعرها بفرحتها لختي لانها بتجيب ولد ومن اول ماحملنا وهي تقول يارب ولد ولما كشفنا وطلع بنت كان عادي قالت عادي ربي يرزقك اخ لها بس لما رحت مراجعه سألت امي الدكتوره اذا كان بنت ولا؟؟
يعني خاطرها بولد ومن الحين وهي شاريه تقديمات وتجهيزات لونها كلها سماوي حق اختي
الله يهديه بس ومن الحين تمزح و تقول ان بنتي راح تجي بلون حنطي يعني مايل للأسمر عشان زوجي واختي تقول ولدها راح يكون ابيض عشان اختي بيضه ومررره بيجي حلو"العلم عند الله مو عندها"
قلبي تقطع....

[المتأمله خير]

الله يهديهم ويحببهم فيك...انا اللي أعرفه انه الرجل هو اللي يحدد الجنس مش الام...بس لو جيتي بتشرحي ما اتوقع رح يفهموا .... زعلتيني عليكي
بس لو الكل جاب اولاد كيف الحياه بتستمر ...

[اجرام انثى]

ربنا يعوضك باخ لبنتك ولا تهتمي اختي كلو بيد رب العالمين ولا تفكري كثير وتزعلي نفسك واحتسبي كلامهم عند رب العالمين دعواتي لك بالولد الي يفرح قلبك يارب