لو عايزة تعملى ريجيم صح من غير تعب وجوع وتخسى جامد ادخلى

[sarawbass]

اولا قبل اى حاجه مش عاوزاكى تحطى فى دماغك انك بتعملى ريجيم
تانى حاجه الريجيم معتمد على تخسيس الدهون وده ليه بقا؟؟؟
ناس كتير بتعمل ريجيم وتوزن وتقول وااااااااو انا خسيت واول ما توقف الريجيم
تلاقى نفسها رجعت تانى اتخن من الاول بكتير والسبب الرئيسى فى كدا
انها كانت بتخس من حجم العضل ( اللحم ) مش من الدهون
لو جينا نوزن كيلو دهون وكيلو لحم هنلاقى اللحم اقل فى الحجم بكتير من الدهون عشان الكثافة
زى بالظبط لما تحطى الزيت على المايه بتلاحظى ان الزيت طلع على وش المايه لانه اقل كثافه
احنا فى رجيمنا ده هنعتمد اعتماد كلى على تخسيس الدهون لاننا مش محتاجنها وهيفدنا كمان اننا مش هنرجع نتخن تانى
وعدد الخليات الدهنيه هتقل وهتنكمش
فمتقلقيش لو جيتى توزنى ولقيتى نفسك خسيتى قليل ده طبيعى بس بيفرق جامد فى اللبس والشكل بيبان جدا عكس الميزان
ناس كتيير تعمل ريجيم توزن نفسها تكون خاسه جامد بس مش باين عليها وده الى بنتكلم عليه لانهم خسو من حجم العضل واللحم وده بيضرنا بعدين
احنا مش محتاجين الدهون المتخزنة دى بالعكس بترضنا جامد فى امراض كتير منهم السكر والقلب والضغط
احنا عاوزين نتمتع بصحه كويسة ومع الوقت معدتك هتصغر وهتتعود على كميه الاكل ومع الوقت هيبقا نظام حياتك


اولا فى معانا حاجات اساسية لازم تتنفذ

(شرب الماء/شرب المشروب الحارق/شرب الشاى ) ده اجبارى معانا
المشروب الحارق عبارة عن

(معلقه جنزبيل مطحون/نص معلقه كمون/ربع معلقه قرفه/شريحتين لمون)
نحط عليهم ماء مغلى ونتركه ليبرد

بسم الله هنبدأ
اولا هتنظمى الريجيم حسب مواعيدك انتى لاننا بنختلف حسب ظروفنا ناس تنام بدرى وناس تانيه بتنام متاخر وناس تنام طول النهار فبنختلف
نحاول على اد ما نقدر نظبط مواعيد نومنا
او ما تصحى من النوم كوبيتين ماء دافىء ممنوع المايه الساقعه عليهم نص لمونه او معلقه خل

قبل الافطار كوبين ماء دافىء

الافطار

ربع رغيف+بيضة+كوب لبن خالى الدسم + خيارة
ممكن بدل البيضه معلقتين فول من غير دهون او قطعه جبنه قريش وليه جبنه قريش عشان نسبة الملح فيها قليله والملح بطبيعته بيخزن المايه فى الجسم
بعد الفطار المشروب الحارق
بعدها ب ساعتين ثمرة تفاح او كيوى او كمثرى او جوافه ممنوع المانجا والبلح والعنب
او كوبايه عصير برتقال

قبل الغذاء كوبين ماء دافىء

الغذاء

معلقتين رز بالعدد +ربع فرخه مسلوقه او مشوية + طبقه سلطة كبير
بديل الفراخ قطعتين لحمه مشوية او مسلوقة او سمكتين مشويين او علبه تونة بدون زيت
بعد الغداء المشروب الحارق
بعدها بساعتين ناخد كوب زبادى لايت

قبل العشاء كوبين ماء دافىء

العشاء

اى نوع فاكهه تحبيه بس ميكونش فيه مانجا او عنب او بلح او تين او موز
البديل 6 حبات لوز او كوب زبادى عليه معلقه عسل
بعد العشاء المشروب الحارق
او ممكن تاكلى طبق سلطة كبير عليه ليمون وخل

لو حسيتى بالجوع بين الوجبات ممكن تشربى شاى او قهوة او شاى اخضر او ينسون او اعشاب وليكى معلقتين سكر فى اليوم ولازم تاخديهم عشان الكبد مهمين بس ميزيدوش عن معلقتين بس

بالنسبه بقا للرياضه دايما يقولو الرياضه لازم مع الريجيم عشان تشد الجسم انا بقول الرياضه اكتر حاجه بتبوظ الريجيم ليه هى فعلا هتخسسك وهتشد جسمك بس لما تبطليها ومعظمنا طبعا مش بيستمر عليها كلنا نروح الجيم ولما نوصل للجسم الى عايزينه بنقعد فى البيت والنتيجه طبعا بنزيد جدااا انا كل الى عايزاه منك هتعملى حاجات بتعمليها كل يوم شغل البيت طبعا اتهدى فيه ممكن ترقصيلك نص ساعه لو عندك مشاية فى البيت تمشى نص ساعه مش اكتر من كدا

نقط مهمه جدا لازم تنفذيها

اولا هتاكلى بالراحه جدا على اد ما تقدرى وتاكل لقمة صغير وتمضغيها على الاقل 18 مرة
ليه بقا نعمل كدا عشان المخ يوصله ان احنا اكلنا كتير ووقتها هتحسى بالشبع ومش هتجوعى بسرعه
معظم الناس الى وزنها بيزيد هتلاقيهم بياكلو بسرعه جدا وده سبب من اسباب زيادة الوزن الى مش بناخد بالنا منه
تانى حاجه مش هنوزن نفسنا غير قبل الرجيم وكل اسبوعين ممنوع الوزن كل يوم
تالت حاجه لازم نلتزم بكل حرف فى النظام

(الممنوعات )

المشروبات الغازية بكل انواعها سواء دايت او لا/ الشيبسي والبسكويت والشيكولاتة والحلويات بجميع انواعها المكسرات واللب والفول والسودانى والحلبه المطحونة والعسل الاسود والبليله والتمر )
هتقولى حرام عليكى مش هنقدر مسموحلك يوم الاسبوع هتاخدى قطعه صغيرة بحجم عقلتين صوباع مش اكتر من كدا عشان منبوزش الدنيا


معلش طولت عليكو فى الكلام بس بجد والله هتحسو الفرق لو جربتو ونفذتو كل كلمه مكتوبة
وياريت البنات يشجعو بعض ويبدأو الريجيم وهتشوفو النتيجه واضحه باذن الله
واتمنى انى اكون افدتكم
ومتنسوش تقيمونى لو عجبكو مجهودى
تحياتى ،،،

[أم ترگي]

معلومه قيمه وطرح رائع ....

[ام ارجواااااان]

[Orchid109]

حبيبتي
النظام سهل ومو قاسي
ومن كلامك تحمست امشي على الرجيم تبك

مشكورة حبيبتي على مجهودك

[طالبة انتساب]

يعطيك العافيه حطيت موضوعك بالمفضله اول ما اولد راح اسوي كل اللي مكتوب ان شاء الله

[مــون حــبــيــبــي]

صح منجد كلام سليم ..
بس أنا أحس لازم رياضة لو بس مشي كل يوم زي ما قلتي نص ساعة ..
أما شغل البيت يا ما بنكرف ولا نزل وزننا ..
موضوعك مرا مفيد جزاكِ الله خيرا ..