سؤال بنات كتير ازاى اعرف انا حامل ولا لاء قبل ما الدورة تجيلى
وانا قبل حملى كنت كل شهر اوهم نفسى بالحمل وفجأة الهانم تشرف .gif "hwaml15")
انا هحكى الى حصل معايا فى الشهر الى حملت فيه
اول حاجه كان عندى احساس قوووى انى حامل غير كل شهر مش عارفه ليه
تانى حاجه نزل منى نقطة دم خفيفه قبل الدورة ب 5 ايام وانا دايما كنت اسمع ان ده دم تعشيش البيوضه فى الرحم
تالت حاجه فتحه المهبل عندى كانت لينه وعلى طول فيها بلل والرحم كان مرفوع لفوق وفتحه المهبل كانت ضيقه
عادة قبل البيريود ما تنزل الرحم بينزل لتحت وفتحت المهبل بتوسع شوية لكن فى الشهر ده محصلش كدا
رابع حاجه قبل الدورة ب 10 ايام وانا كان عندى الم فى اسفل الظهر وده كان بيجيلى بس دايما قبل الدورة بيومين
خامس حاجه كان مستمر معايا الم المبايض لمعاد الدورة بالعاده بتألمنى وقت التبويض بس
سادس حاجه كنت كل ما اكل اى اكل بحس ان طعمه مر
وكان عندى الم زى شكشكه فى حلمه الصدر وكان صدرى لين اوى ودة برده كان بيحصلى قبل البيريود عادى بس مكانش صدرى بيبقا لين اوى كدا كان يوجعنى بس عادى زى ما هو
اليوم ال المفروض تنزل فيه البيريود كان كل شوية ينزل منى افرازات وكنت افتكرها الدورة ادخل الاقيها افرازات شوية وجالى مغص خفيف زى مغص الدورة بس مش قوى استنيت لاخر اليوم
لما منزلتش منى عملت تست حمل وظهر خطين واضحين
انا قلت كل الى حسيت بيه واكيد بيختلف من واحده للتانيه حسب حملها
وفى حاجه مهمه جدا عايزة اقلها ان الشهر ال حملت فيه كنت مستبعده حدوث حمل عشان محصلش جماع بينى وبين زوجى غير مرة بعد البيريود ومرة فى اليوم 12 من الدورة وكمان مكنتش بقعد ع السرير نص ساعه على ضهرى بعد الجماع زى ما بعمل كل شهر فقلت اكيد عشان مكثفناش الجماع ايام التبويض استبعدت حدوث حمل عشان كدا مكنتش بفكر وسبحان الله
احب انصح كل واحده اهم حاجه النفسيه تكون مرتاحه لانها بتأثر جامد على التبويض والحمل
وانا الحمد لله دلوقتى معايا مروان وعنده 7 شهور ومجننى بس مالى عليا البيت ويارب يرزق كل محرومة بالحمل عشان انا عارفه احساس الواحده لما تكون نفسها تحمل عامل ازاى
بس فى الاول والاخر كله بامر الله
08-17-2013, 06:29 AM
تعالى اعرفى اعراض حملى قبل الدورة ....
sarawbass 
جديد منتدى منتدى أعراض الحمل والوحام
العرض العادي
