تجمع الجزائريات الغاليات المتأخرات في الحمل ‏

[lamia zina]

امل جديد و الله غير شوكيتيني بهذه الهدرة وقتاش صرا هذا كامل و هاذو البنات مازالهم هنا و الله غير خفت يعني انا مني سجلت مع هاذي المجموعة راني نشوف بلي راهم لاباس بهم .اما عن اجهاض في اسبوعين لا اظن انك تقدري تميزيه غير اذا درتي تحليل دم و خرج موجب ثم جاتك الدورة.

[عبير الحرية]

المشاركة الأصلية كتبت بواسطة amal jadid

انا كي سجلت في وقت تعرفت على بزاف بنات كانو كامل عندهم نفس المشكل و حتى وحدا مكانت تعرف ختها من مكان وحداخر كنا كامل تلاقينا في التجمع

بصح دخلو بنات مراض نفسيا ولا مهابل
ولاو يدخلو و يلعبو على المورال و كنا حتى نتبادلو السكايب الفايسبوك
و دخلو يهبلونا ويلعبو على المشاعر و تهديدات و يتناقلو حتى امورنا الشخصية
ووحدا تحلفت فينا تروح تواسيلنا سحاحر
ووحدا كان راجلها يصنت علينا في سكايب و يكتب هو مرات و كي فقنالها وواجهناها قالت هو ماشي انا انا خاطيني

علاداك كرهنا التجمع و خرجنا وكل وحدا وين راحت
كاين الي تبادلنا الكونتاكت و تلاقينا وكاين الي شكينا فيهم و كتن ولاو يدخلو فشعال من اسم
ولينا منردوش في هاداك الوقت لانهم مثلا تدخل وحدا تقولنا اعملو هاديك الوصفا و تشوفي الوصفا مضرا ماشي مليحى و مرات بدعية
وخلي و خلي

يالطيف ياربي واااااااااااشي هذا هذا هنا في التجمع هذا مستحيل

انا نضمن في لبنات هاذو ان شاء الله كيما النسمة و خاطيهم الحوايج الخايبة

و الخفي يعلمه الا الله

[AMAL JADID]

المشاركة الأصلية كتبت بواسطة lamia zina

امل جديد و الله غير شوكيتيني بهذه الهدرة وقتاش صرا هذا كامل و هاذو البنات مازالهم هنا و الله غير خفت يعني انا مني سجلت مع هاذي المجموعة راني نشوف بلي راهم لاباس بهم .اما عن اجهاض في اسبوعين لا اظن انك تقدري تميزيه غير اذا درتي تحليل دم و خرج موجب ثم جاتك الدورة.

عندها بزاف هادي الحكايا عندها كتر من عامين و كانو في منتدى حوامل ماشي هنا تاخر الحمل

انا راني نحكيلكم باش تردو بالكم برك ماشي اي وحدا تبعتيلها رقمك و لا تحكي حياتك في المنتدى
و زيد غيرنا لمنتدى وحداخر كامل تبعونا لتماك

[عبير الحرية]

المشاركة الأصلية كتبت بواسطة AMAL JADID

انا راني نسءل على جنين في اسبوعين او اقل ؟؟

لانو الي راكي تقولي عليه هادا راه مشكل خالص او مضغة

اسبوعين ما يبانش الشكل حتى في ليكو

يخرج الي في البيلون و هذا ماشي avortement هذا micro avortement

[عبير الحرية]

لبنات نتمنى تدخلو كااامل و تثبتو هدرتي الي قلتوها

اختي الكريمة انت راكي تهدري على تجمع اخر للجزائريات كان هنا

ماشي هذا

هذاك وي انا شخصيا دخلت قداه مرة في 2011

و لقيت الردود بين العضوات بطريقة غير لائقة و فيها حتى الكلام الفاحش

و ما يعجبنيش و ما كنتش نتواصل مع الجزائريات

لكن هذا التجمع مجرد ما دخلت اميرة ربي يرجعها على خير و نور الهدى و البنات الكل كانو في قمة الاخلاق معايا و حبيت التجمع

و ما قدرتش نهجره فقط لاني نحبهم

[AMAL JADID]

المشاركة الأصلية كتبت بواسطة عبير الحرية

اسبوعين ما يبانش الشكل حتى في ليكو

يخرج الي في البيلون و هذا ماشي avortement هذا micro avortement

انا هادي الحالة راني نشك فيها مرات تجيني دورا غريبة

نعس بدرجة الحرارة نلقاها متهبطش و تكمل حتى للدورا تهبط
ومرات لالا تهبط درجة الحرارة عادي قبل الدورة بيامات و نعرف بلي راحا تجيني
والايام الي متهبطش فيه نحس بصدر و حرارة و بعض علامات الحمل و تختفي و تجي دورا غريبة دم و ريحا و حتى افراازات

[عبير الحرية]

المشاركة الأصلية كتبت بواسطة amal jadid

عندها بزاف هادي الحكايا عندها كتر من عامين و كانو في منتدى حوامل ماشي هنا تاخر الحمل

انا راني نحكيلكم باش تردو بالكم برك ماشي اي وحدا تبعتيلها رقمك و لا تحكي حياتك في المنتدى
و زيد غيرنا لمنتدى وحداخر كامل تبعونا لتماك

اذا كلامك صحيح و تحبي المصلحة تعم تقدري تقوليلنا الاعضاء شكون هم

و انت هكا تولي تشكينا حتى فيكي انت شخصيا

مع احترامي لشخصك الكريم

[AMAL JADID]

المشاركة الأصلية كتبت بواسطة عبير الحرية

لبنات نتمنى تدخلو كااامل و تثبتو هدرتي الي قلتوها

اختي الكريمة انت راكي تهدري على تجمع اخر للجزائريات كان هنا

ماشي هذا

هذاك وي انا شخصيا دخلت قداه مرة في 2011

و لقيت الردود بين العضوات بطريقة غير لائقة و فيها حتى الكلام الفاحش

و ما يعجبنيش و ما كنتش نتواصل مع الجزائريات

لكن هذا التجمع مجرد ما دخلت اميرة ربي يرجعها على خير و نور الهدى و البنات الكل كانو في قمة الاخلاق معايا و حبيت التجمع

و ما قدرتش نهجره فقط لاني نحبهم

نور الهدى حبيبتي من زمان و هي الي قاتلي علاش ماكيش تدخلي للتجمع ربي يذكرها بالخير

انا مقلتش لبنات راهم في هاذا التجمع انا معنديش بزاف ملي جيت ضربت طلة هنايا ربي يخليكم لبعضاكم
حبيت نبهكم برك

[AMAL JADID]

المشاركة الأصلية كتبت بواسطة عبير الحرية

اذا كلامك صحيح و تحبي المصلحة تعم تقدري تقوليلنا الاعضاء شكون هم

و انت هكا تولي تشكينا حتى فيكي انت شخصيا

مع احترامي لشخصك الكريم

الاعضاء هادوك الادارة قامت بيهم و جمدتلهم العضوية لانو البنات اشتكاو بيهم
بصح الادارة متقدرش تعس كلش بصراحة هادي حاجا تخصنا احنى لازم نحذرو منهم

اما تشكي فيا فهادي عجبتني بزاف هههههههههههههههههه

انا مسجلة من 2011 و ادا حبيتي سقسي نور اليقين عليا

انا دخلت نحذركم لما كتبت وحدا تقوللكم ماكمش تردو عليا انا حبيت نبهكم برك

[عبير الحرية]

المشاركة الأصلية كتبت بواسطة amal jadid

نور الهدى حبيبتي من زمان و هي الي قاتلي علاش ماكيش تدخلي للتجمع ربي يذكرها بالخير

انا مقلتش لبنات راهم في هاذا التجمع انا معنديش بزاف ملي جيت ضربت طلة هنايا ربي يخليكم لبعضاكم
حبيت نبهكم برك

اختي الكريمة اذا حبيتي تنبهينا شكرا لك لكن تمنيت لو كان بطريقة افضل

او لاحظتي شئ ماشي نورمال

على كل حال البنات هنا كامل ماشاء الله عليهم

ماهمش بالمستوى حتى ما يقدروش يفيقو لعفايس كيما هذه

مشكورة للتنبيه