تجمع الجزائريات الغاليات المتأخرات في الحمل ‏

[امال3]

صباح الخير ندى مريم صباح الخير لبنات الزينات

[alma021]

المشاركة الأصلية كتبت بواسطة nourelhouda

اهلا الزينات واش راكم لاباس!؟!؟!
راني في دارنا اليوم،،،،،
نورالهدى سلامة راسك ان شاء الله الشهر الجاي تبشرينا بحملك يارب،،،،،،،
عبورة هههههه حكمتينا،،،، انا هذ الايام راني نعيا نولي حاشاك كي الكلبة نتلاوح و الله ندخل الفايس باش نبعث لاختي التصاور نشوف الجديد و نروح نبقل و زيد المنتدى شاعل اربع و عشرين ساعة و الايلاد مايطفاش كامل تلقاوني متصلة فيه دايما كي الفايس كي السكايب كي المنتدى،،،،،لحقك الرد تاعي في الرسائل!،!؟
راهي مازالت دايرتلي الروطار،،،، راني عولت ندير تحليل الحمل،،،،،،تاع الدم نهار السبت ان شاء الله ادعولي،،،،،،
البنات ، الطلبة راهم دايرين اضراب في الكلية تاعنا تاع الاقتصاد قالك علاش الاساتذة اعطاونا علامات اقل من عشرة في الاعمال الموجهة td ههههه دارو الاضراب و حطولنا مطالب و منها،،،،
لازم الاستاذ يحترم الطالب و مايمسش كارامتو
لازم الاساتذة يعطوهم 10 /20 في td و اكثر قالك مانرضوش باقل من عشرة
قالك لاحظنا ان الاساتذة الرجال يعطو علامات للطالبات الاناث و يحقرو الطلبة الذكور ههههههههه
لاحظو ان الاستاذات مايصصححوش مليح اوراق الامتحانات ههههههه
تصبح الدروس تقدم باللغة الفرنسية ههههههه

هذو المطالب تاعهم ههههههه

امالا احنا الاساتذة قررنا نكتبولهم مطالبنا و اول و اهم مطلب كان،،،،،
كرامة الاستاذ خط احمر ى لا يجوز تجاوزها



امالا العباقرة عاودو دارو مطلب جديد و اعطاوه لرئيس الجامعة واش كتبو فيه
كرامة الاستاذ خط اخضر و يجوز تجاوزه،،،،،،،
ايا قولولي هذو عباد !؟!؟ هذو قليلي التربية و الله ماعندهم ذرة تربية، كرهتهم كره ماتقدروش تتصورو ى،،،هبطولي المورال و الله،،،،،،
و ديجا صحبتي السبت اللي فات هي استاذة كانت ديرلهم حصة تصحيحية و عندها اربع افواج يعني 130 طالب دخلو كامل عندها باش يشوفو العلامات و الاوراق تاعهم ، طلبت منهم يدخلو بالواحد ماحبوش ، قالتلهم استناو برا و انا نعيطلكم بالواحد ماحبوش ، قالتلها نقسمك اليوم زوج افواج و غدوة زوج اخرين ماحبوش، قالولها ندخلو كامل مع بعض و توزعيلنا كامل مع بعض،،،،،،هما بلعاني باش يبداو يزوقو في الاوراق و يقولو للاستاذ زيدلنا،،،، ياو بلايسة و الله حاشة اللي مايتهلهاش،،،،و كي زعفت و رفدت حوايجها جات خارجة قاطعولها في الباب تاع الالقاعة و قالولها درك تعطينا الاوراق ، قالتلك كلاوها مسكينة ى هربت منهم راحت لقاعة الاساتذة و هما جراو موراها غلقو عليها الباب ر قالولها ماتخرجيش و هي غير وحدها مسكينة السبت مايخدموش الادارة و اعوان الامن دايما هاملين ،،،،،، مسكينة واحد قاللها نخسرك " فهمتو" يعني يتعدى عليها تخيلو،،،،،،،، رجعت تبكي،،،،
شوفو وين لحقو الطلبة تاع الزمر يتماداو على الاستاذ،،،،، بصح احنا ماراحش نسكتو بزاف كرامتنا تمرمدت خلاص،،،،،،
راني مع حسونتي ياعمري رجع يهبل كبر بسلامتو توحشتو ،،،،،،هايليك الصورة تاعو راقد،،،،، الدب تاعي،،،،
تصبحو بخير حبيباتي ،،،،،،

ههههههه نور والله غير الوضع اللي رانا فيه الله يستر وخلاص مابقاش تعليم خلاص بكري كنا نخافو من الاستاذ كي نشوفوه مالبعيد نبداو نرجفو ودرك وصلت بيهم للتهديد سبحان الله الله يبقي الستر وخلاص هدا مانقولو
ههههه دبدوبة تاعك ربي يخليهولك حنوووووووووووووووووووووووووووووووون

المشاركة الأصلية كتبت بواسطة مريم13

صباح الخير

هههههههه صباح النور ميمي راكي ناشطة اليوم

[سهام فرنسا]

صباح الخير عليكم
لبنات اقراو هذا لارتيكل لقيتو في جورنال الشروق

[سهام فرنسا]

اهتزت، أول أمس، منطقة الأربعاء ناث ايراثن بولاية تيزي وزو، على وقع حادثة أليمة راحت ضحيتها أم وطفلاها البالغان من العمر سنتين وأربع سنوات على التوالي، حيث لفظت أنفاسها الأخيرة بعد تعرضها لسكتة قلبية أصابتها لدى سماعها خبر مقتل طفلها البالغ من العمر 4 سنوات تحت عجلات سيارة، صدمته هو الآخر لدى هروبه من المنزل بعد وضعه شقيقه الرضيع البالغ من العمر سنتين داخل غسالة ملابس كانت مشغلة.

الحادثة الأليمة والقريبة إلى الخيال منها إلى الواقع، كانت قرية عزوزة ببلدية الاربعاء ناث إيراثن في تيزي وزو مسرحا لها، حيث خرجت الوالدة حسب المصادر المحلية التي أوردت الخبر لـ"الشروق اليومي" لقضاء بعض الحاجيات من محل تجاري غير بعيد عن منزلها العائلي، ليقوم الطفل البالغ من العمر 4 سنوات بوضع شقيقه الأصغر داخل الغسالة، ولهول المشهد المجسد أمام عينه، وخوفا مما ينجم عن ذلك، لاذ بالفرار خارج المنزل، لتدهسه سيارة أمام باب منزله فأردته قتيلا، ليلتحق بشقيقه الأصغر في ظرف ثوان تحت عجلات السيارة..



الوالدة ـ تضيف ذات المصادر ـ لدى عودتها قوبلت بخبر مقتل طفلها في حادث مرور تعرض له خارج المنزل، لتقع هي الأخرى أرضا مغميا عليها، وتبين لاحقا أنها أصيبت بسكتة قلبية ألحقتها هي الأخرى بصغارها.

وقد تدخلت مصالح الحماية المدنية لتحويل جثث الضحايا إلى مصلحة حفظ الجثث بمستشفى الأربعاء ناث إيراثن، في حين فتحت مصالح الأمن تحقيقا في هذا الحادث الأليم، الذي أباد عائلة كاملة بطريقة بشعة، ولا تزال المنطقة ككل تحت وقع الصدمة.

[صبورة]

السلام عليكم لبنات
جمعة مباركة للجميع باذن الله

سهام
يا يمى انا لله و انا اليه راجعون لا حول و لا قوة الا بالله ..لطفك يا رب الحادثة هادي قلبي راه يرجف من الداخل كي قريتها الله يرحمهم و يوسع عليهم..يا ناس الموت قريبة منا بزاف و احنا ما نفيقوش و الدنيا تجبد فينا...فينا غير الهدرة و اللسان يرحي..اللهم لا تتوافانا الا و انت راض عنا و ارزقنا حسن الخاتمة
اللهم امييين

[basouma26]

السلام عليكم بنات و جمعة مباركة عليكم يا رب يفتح عليكم ابواب الفرج و الفرح و السرور اللهم آمين

[basouma26]

امومة الف الف مبروك و يا رب يثبت حملك و تشوفيه سليم معافى بين يديك يا رب
بصح نصحك بالرقية اللي اعطاتك صبورة يا رب يفرج عليها هي ثاني انا في اول الحمل كثر علي التخمام و الوساويس من الخوف كيما تعرفي صرالي مرتين حمل ضعيف و قاتلي الطبيبه هذا تاني النسبة ما راهيش مليحة و كنت مقلقة و ما نرقدش و نشوف بزاف منامات بديت بالرقية كل ما نصلي الصبح و الفجر نقراها على بطني و ندير حداي قرعة ماء حتى هي راهي تترقى و نمسح بهداك الماء على كرشي و نشرب في كل وقت صدقيني قلبي ولا مرتاح بزاف و وليت نرقد مليح و المنامات ما نشوفش خلاص ديريها و ردي علي و ان شاء الله ما يكون غير الخير
و ربي يجازي صبورة و يعطيها ما تتمنى يا رب

[basouma26]

نور الهدى كيما قاتلك اسماء الدورة كي تولي دير روطار راهو الرحم يحوس على الولادة ان شاء ربي يفرحك الشهر الجاي ان شاء الله

ام نهى اذا فيه امكانية باش تروحي للعمرة روحي و بدلي شوي على الاقل تتهني من المشاكل تبالي بلي المشاكل هي اللي راهي تاثر عليك

نور الهدى التعليم واعر بزاف انا يزيدوني فوق الشهرية و الله ما نخدم في خصوصا هاد الجيل قليل الاداب
و ان شاء الله تروحي ديري تاست و تفرحي و تجي تفرحينا قبل ما تروحي ديري تاست اقري سورة يس قريت مرة بلي اللي يبغي يقضي امر يقرا سورة يس و يروح ربي يوفقه في حاجته ربي يسهل ان شاء الله

عبير نجاوبك حبيتي على السؤال انتاعك انا ما رانيش ندخل بزاف تعرفي الوحم و كنت مرة مرة كي ندخل نرد غير على التجمع و نخرج رسلولي برية قالولي راكي غير في التجمع راكي مشرفة و عندك مسؤوليات و ليت ندخل بسيف علي في كل منتدى و ندير ردود و شوي و نقوللهم ينحولي الاشراف ما نقدرش بزاف على نشوف قاع المواضيع

لاميا راني لاحظت تسقسي بزاف عل الام الثدي صدقيني ما تتعلقيش بيه مرات يكون الحمل بلا عوارض انا في هاد الحمل ما حسيت حتى بحاجة غير الام الدورة تجيني مرة على مرة و ليسطومة اللي حكمتني في الاسبوع السادس اما الام الثدي و حتى الافرازات ما راهيش كاينة و صدري ما راهش منفوخ و لا متحجر راه عادي خلي التخمام بزاف و يا ربي يفرحك بلا ما تفيقي يا رب

[ASMA layal]

صباح الخير

جمعة مباركة للجميع

يا يما مساكن سهام يقطعو القلب ربي يرحمهم ان شاء الله والله غير كي تسمعي هكدا يسماطلك كل شيء الدنيا هادي صح والو وحنا نجرو موراها ربي يغفرلنا

بسومة مريومة امال وصبورة كيفاش صبحتو

انا اليوم نخليكم راني خارجة مور الجمعة

نتلاقاو في الليل ان شاء الله

سلااااااااااااااام

[basouma26]

المشاركة الأصلية كتبت بواسطة سهام فرنسا

اهتزت، أول أمس، منطقة الأربعاء ناث ايراثن بولاية تيزي وزو، على وقع حادثة أليمة راحت ضحيتها أم وطفلاها البالغان من العمر سنتين وأربع سنوات على التوالي، حيث لفظت أنفاسها الأخيرة بعد تعرضها لسكتة قلبية أصابتها لدى سماعها خبر مقتل طفلها البالغ من العمر 4 سنوات تحت عجلات سيارة، صدمته هو الآخر لدى هروبه من المنزل بعد وضعه شقيقه الرضيع البالغ من العمر سنتين داخل غسالة ملابس كانت مشغلة.

الحادثة الأليمة والقريبة إلى الخيال منها إلى الواقع، كانت قرية عزوزة ببلدية الاربعاء ناث إيراثن في تيزي وزو مسرحا لها، حيث خرجت الوالدة حسب المصادر المحلية التي أوردت الخبر لـ"الشروق اليومي" لقضاء بعض الحاجيات من محل تجاري غير بعيد عن منزلها العائلي، ليقوم الطفل البالغ من العمر 4 سنوات بوضع شقيقه الأصغر داخل الغسالة، ولهول المشهد المجسد أمام عينه، وخوفا مما ينجم عن ذلك، لاذ بالفرار خارج المنزل، لتدهسه سيارة أمام باب منزله فأردته قتيلا، ليلتحق بشقيقه الأصغر في ظرف ثوان تحت عجلات السيارة..



الوالدة ـ تضيف ذات المصادر ـ لدى عودتها قوبلت بخبر مقتل طفلها في حادث مرور تعرض له خارج المنزل، لتقع هي الأخرى أرضا مغميا عليها، وتبين لاحقا أنها أصيبت بسكتة قلبية ألحقتها هي الأخرى بصغارها.

وقد تدخلت مصالح الحماية المدنية لتحويل جثث الضحايا إلى مصلحة حفظ الجثث بمستشفى الأربعاء ناث إيراثن، في حين فتحت مصالح الأمن تحقيقا في هذا الحادث الأليم، الذي أباد عائلة كاملة بطريقة بشعة، ولا تزال المنطقة ككل تحت وقع الصدمة.

سهام هاد القصة ملي كنت صغيرة نسمعها كل مرة يحكوها الناس و كل مرة يقولو صرات في بلاصة حتى شكيت في مصداقيتها
اما جريدة الشروق اكبر جريدة تجيب غير الكذب و ما نديرش عليها خلاص

المهم نقولو لا اله الا الله و لا حول و لاقوة الا بالله