تجمع الجزائريات الغاليات المتأخرات في الحمل ‏

[أم نهى الجزائرية]

في امان الله بارا

[أم نهى الجزائرية]

تصبحو بخير خليتوني وحدي اهههههههههههههههههههه

[alma021]

المشاركة الأصلية كتبت بواسطة أم نهى الجزائرية

اهلين الما واش حوالك يا الزينة

هههههههه حتى و الله كيفك دايما فاتحة لاباج و الصباح اول حاجة نديرها نفتح البيسي و نحل لاباج تاع التجمع و انا و ظروفي اذا قدرت ندخل و اذا لالا راهي مفتوحة نتونس بيها هههههههههههه

ما وليتش نصير عليكم ربيت عليكم الرية و الكبدة و المصور و المخ و المخيخ و البصلة السيسائية ههههههههه

ههههه كيما قالك وحد الشيخ كبير احنا الكبدة ناكلوها مانربوهاش هههههههههههههه

[ASMA layal]

مساااء الخير بنات

انا هدا وين دخلت راني ميتة بالعيا وزيد قريت الارشيف

هدى اختي ربي يعوض عليك معليش ماتقلقيش روحك ناس زمان يقولو الدورة كي تبدا تتأخر معناها الرحم راه يحوس على الحمل ان شاء الله الشهر الجاي تجي تفرحينا

ام نهى والما وشراكم ان شاء الله بخير

لامية راني حاسة راكي بالحمل ان شاء الله تجي تبشرينا

عبير حنونة انا دايما ندخل للمنتدى وعندي 3 اقسام ندخللهم التجمع بيانسور ومنتدى اعراض الحمل والوحام نحب نقرا المواضيع لي فيه ونرد على البنات ومنتدى الاقسام الطبية ومنتدى الادارة واذا كنت في مورالي ندور على الاقسام الاخرى كيما الديكور والطبخ والفرفشة تلقايني رجل في التجمع ورجل في الاقسام بصح غير التجمع ديالنا لي مانسمحش فيه ومرات تلقايني نقرا الارشيف بصح مورالي صفر مانحطش ردود

[ASMA layal]

راني ميتة بالعيا

تصبحو بخير

[عبير الحرية]

الما كرهتني الكونكسيون الفيس تبلوكا سامحيني

اسما واش راكي ان شاء الله خير

[عبير الحرية]

لبنات كااامل تصبحو على خير

نشوفكم غدوة باخبار سارة كما في كل يوم يارب

هذه ليلة جمعة ما تنساوش بعض في الدعاء

في امان الله

[Nourelhouda]

اهلا الزينات واش راكم لاباس!؟!؟!
راني في دارنا اليوم،،،،،
نورالهدى سلامة راسك ان شاء الله الشهر الجاي تبشرينا بحملك يارب،،،،،،،
عبورة هههههه حكمتينا،،،، انا هذ الايام راني نعيا نولي حاشاك كي الكلبة نتلاوح و الله ندخل الفايس باش نبعث لاختي التصاور نشوف الجديد و نروح نبقل و زيد المنتدى شاعل اربع و عشرين ساعة و الايلاد مايطفاش كامل تلقاوني متصلة فيه دايما كي الفايس كي السكايب كي المنتدى،،،،،لحقك الرد تاعي في الرسائل!،!؟
راهي مازالت دايرتلي الروطار،،،، راني عولت ندير تحليل الحمل،،،،،،تاع الدم نهار السبت ان شاء الله ادعولي،،،،،،
البنات ، الطلبة راهم دايرين اضراب في الكلية تاعنا تاع الاقتصاد قالك علاش الاساتذة اعطاونا علامات اقل من عشرة في الاعمال الموجهة td ههههه دارو الاضراب و حطولنا مطالب و منها،،،،
لازم الاستاذ يحترم الطالب و مايمسش كارامتو
لازم الاساتذة يعطوهم 10 /20 في td و اكثر قالك مانرضوش باقل من عشرة
قالك لاحظنا ان الاساتذة الرجال يعطو علامات للطالبات الاناث و يحقرو الطلبة الذكور ههههههههه
لاحظو ان الاستاذات مايصصححوش مليح اوراق الامتحانات ههههههه
تصبح الدروس تقدم باللغة الفرنسية ههههههه

هذو المطالب تاعهم ههههههه

امالا احنا الاساتذة قررنا نكتبولهم مطالبنا و اول و اهم مطلب كان،،،،،
كرامة الاستاذ خط احمر ى لا يجوز تجاوزها



امالا العباقرة عاودو دارو مطلب جديد و اعطاوه لرئيس الجامعة واش كتبو فيه
كرامة الاستاذ خط اخضر و يجوز تجاوزه،،،،،،،
ايا قولولي هذو عباد !؟!؟ هذو قليلي التربية و الله ماعندهم ذرة تربية، كرهتهم كره ماتقدروش تتصورو ى،،،هبطولي المورال و الله،،،،،،
و ديجا صحبتي السبت اللي فات هي استاذة كانت ديرلهم حصة تصحيحية و عندها اربع افواج يعني 130 طالب دخلو كامل عندها باش يشوفو العلامات و الاوراق تاعهم ، طلبت منهم يدخلو بالواحد ماحبوش ، قالتلهم استناو برا و انا نعيطلكم بالواحد ماحبوش ، قالتلها نقسمك اليوم زوج افواج و غدوة زوج اخرين ماحبوش، قالولها ندخلو كامل مع بعض و توزعيلنا كامل مع بعض،،،،،،هما بلعاني باش يبداو يزوقو في الاوراق و يقولو للاستاذ زيدلنا،،،، ياو بلايسة و الله حاشة اللي مايتهلهاش،،،،و كي زعفت و رفدت حوايجها جات خارجة قاطعولها في الباب تاع الالقاعة و قالولها درك تعطينا الاوراق ، قالتلك كلاوها مسكينة ى هربت منهم راحت لقاعة الاساتذة و هما جراو موراها غلقو عليها الباب ر قالولها ماتخرجيش و هي غير وحدها مسكينة السبت مايخدموش الادارة و اعوان الامن دايما هاملين ،،،،،، مسكينة واحد قاللها نخسرك " فهمتو" يعني يتعدى عليها تخيلو،،،،،،،، رجعت تبكي،،،،
شوفو وين لحقو الطلبة تاع الزمر يتماداو على الاستاذ،،،،، بصح احنا ماراحش نسكتو بزاف كرامتنا تمرمدت خلاص،،،،،،
راني مع حسونتي ياعمري رجع يهبل كبر بسلامتو توحشتو ،،،،،،هايليك الصورة تاعو راقد،،،،، الدب تاعي،،،،
تصبحو بخير حبيباتي ،،،،،،

[ندى الوردة]

صباح النووور والسرور ع الجميع

[مريم13]

صباح الخير