قصتي مع الخياطة التجميليه + أسئله لمجربين التجميليه

[أم ولودي]

السلام عليكم..مثل مو واضح بالعنوان أنا سويت العمليه التجميليه لكن بعد ولادتي ب11 شهر لآني اكتشفت انو عندي توسع من بعد الالتهاب الي جاني بنفاسي وما عالجته والامسااااااااااااك تكفون انتبهوا من هالحاجتين تراها دمار وانا كنت الضحية المهم يوم حسبت على نفسي انو حتى بالأدوية الشعبيه والاهتمام وقت الدوره ما جاب نتيجه فكرت بالتجميلي وطبعا اتحججت لزوجي أني عندي التهاب وسببه الخيوط حقة الولاده الداخليه انها ما طاحت فلازم عمليه نشيلها فيها وانا رايحه المستوصف كنت متردده وخايفه بس الصدمه يوم سألت زوجي قال شي صدمني قال أصلا خياطتها من الأساس ما تصلح أنا انصدمت قلت يعني فيه توسع لاشعوريا هو رد قال ايه تخيلو يابنات صدمتي بس طبعا قال مو مره بس مو زي اول وهذا الشي برضوا يعور القلب حتى لو التوسع خفيف المهم سكت و نزلت وانا اركض للمسوصف بعد ماكنت متردده المهم دخلت وانتظرت شوي جنتي السستر قالت روحي الحمام تكرمون وبعدين دخلت على دكتورتي وبديتت الفلم حقي بكى ورجفه ودوخه رحت السرير استعديت وجت الدكتوره وشافتني أبغى استفرغ تكرمون قال ماينفع كذا يرتفع الضغط ويصير نزيف أنا حاولت اهدأ وتذكرت وضعي وقلت خلاص هديت علمتني وش بتسوي وانا ابكي المهم عطتني كم إبرة بنج وكانت مؤلمه ومن الخوف عورتني اكثر المهم وبدت تشتغل وانا سكرت أذني وعيوني بس بالغلط سمعت صوت المقص بغيت أموت خوف عاد أنا أشطر وحده بالتخيل الشين المهم في شي أوجعني شوي وقلت لها وحطت بعد بنج وكملت طبعا في شوي الم خفيف لآني خوافه مره حسيت بألم مدري صدق او أتخيل المهم خلصنا وعطوني التعليمات وأبر مسكن ومضاد ورحت البيت وبدا الألم يشد وكنت ابكي ومستمر الام لين اللحين لي ثلاث ايام ومدري متى بيخف واليوم عندي موعد معاها وانا خايفه لا يكون انفتح او شي لآني. جنتي كحة مره قويه مدري وش صار فيها لكن الله يستر وراح اقولكم وش يصير لي اول بأول يمكن احد يستفيد من تجربتي .......اللحين نجي للاستفسارات للمجربين اول شي أنا صار ينزل مني دم طبيعي او لا ومتى يوقف ثاني شي يطلع مني هوا من قدام وانا مستغربا ليش وثالث شي في هوا شديد في بطني لدرجة الصوت قوي بداخل بطني ولاتطلع بس بالبطن من بعد العمليه والمسكن مو جايب معي نتيجه وهو حبوب فولتارين الي عنده خبره يفيدني ولاتنسوني من دعائكم انو. الله يخفف عني ويساعدني لان نفسيتي دمار وتكون النتيجة أحسن من الي أرجوه والله يسخر لي زوجي ويجملني بعينه ولكم ان شاء الله بالمثل

[jojo33]

ماعرف شي بكريه بس حبيت ادخل وادعيييلك
الله يسهل عليك وتكوون مضبوطه الخياطه ويستانس زووجك (;

[Nossi]

الله يهون عليكي ويساعدكي انا بكريه. بعد ولسا والدة في النفاس خوفتيني من خياطة الولادة ماتنفع

[أم ولودي]

جوجو حبيبتي تسلمين ربي يسهل عليك ويعطيك من خير الدنيا والاخره مشكوره

[أم ولودي]

Nossi لا تخافين حبيبتي ولاشي أنا بولادتي الاولى مافي اجمل مني لانه يوم جاني التهاب عالجته على طول اما الثانية ما عالجته فعمل لي التوسع هذا وهو مو كثير التوسع لكن ضايقني وانتي بس انتبهي من الإمساك والالتهاب

[تراتيل]

انا مفكره اسويها اذا ولدت بالسلامه ..
وسمعت انه عادي يمزل دم او افرازات مدممه ..
بس اهتمي بنفسك لانه مثل النفاس على ماسمعت ..

ودي اسالك انتي من وين ؟
واذا بالرياض وين سويتها وبكم
انا ناويه اسويها عند منى الريس تقول الكشفيه ب ١٥٠
وهي تبدا من ٢٥٠٠ الى ٣٠٠٠

[ام الدلوعات]

الله يشفيك ويهون عليك

[سوسهs]

الحمد لله على سلامتك

والله يهون عليكي الالم يارب والله يسعدك ويحفظ لك عائلتك

طيب انا حابه اسوي هل العمليه التجميله ودي اعرف سعرها بكم تقريبا

وهل ممكن اسويها حتى لو ما كنت قد انجبت اطفال من قبل

وياريت تقولون لي شو افضل دكتوره تسويها

وهل في تنويم بالمستشفى ولا عادي اطلع بنفس اليوم

اتمنى لاقي منكم جواب

والله يوفقكم جميعا يارب

[ام علاوي99]

الله يجملك بعين زوجك حبيت اسالك كم مره ولدتي
وبكم سوو لك العمليه
وهل لازم تروحي لدكتوره تفك خياط
ماقصرتي على نقل تجربتك اتمنى تتواصلي معنا وتبلغينا وش صار معك

[HRH]

ياقلبي انتي انا برضو بكريه بس شفت كثير حريم يحذرون من التجميليه والناس تتهاون بالعمليات خليها للضروره عندك كثير اعشاب تضيق وتنضف الرحم مثل عبائة السيده والمره مو لازم تسوين عمليات وخرابيط لان هالمنطقه حساسه ولاتخلين نفسك تجارب ولا بس عشان قالك زوجك كيذا تسوين الي يبيه على حساب صحتك والله يهديه ويجملك بعينه لاتخاطرين بعمرررك والله يشفيك ويحل ازمتك