اللي والده طبيعي(عند ساجيلا) .. أو مسويه كبس تدخل ربي يسعدها دنيا وآخره

[روح الأخوه]

مساء الخير يالغوالي :
أنا ولدت بالحبيب الحمدلله طييعي عند ساجيلا لكن مشكلتي مع الخياطه (كبس) إذا دخلت الحمام العربي تكرمون وجلست أحس مكان الكبس كأنها تنشد ع تحت ومؤلمه .. وآلى الآن معي الثقل بالمنطقه تحت أيام الحمل .. بالمره أتعذب وقت الحمام من الكبس ومن الثقل ..

هل هذا شي طبيعي ولا لازم أروح الدكتوره ؟؟
أنا بكريه وماعرف هل هذا شي طبيعي ولا لا .. ياليت تفيدوني بالمره متعذبه للمعلوميه أنا خلصت نفاس من أسبوع .. هل هالألام تخف بعدين ولا يستدعي أروح لدكتوره ..

وبرضو معي سلسل البول متعبني من ناحية الوضوء ع طووووول معي تعذبت هو يروح من كيفه ولا برضو لازم دكتوره ..؟؟

وأنا ماسويت كبو بالنفاس هل لو سويته يروح السلس ولا ماينفع ؟؟

أدري أسئلتي كثيره بس وربي مالي بعد الله غيركم وماعندي حد أسئله .. ياليت تفرجون همي ربي يفرج همومكم وييسرلكم الطيبين من خلقه ويرزقكم ذريه صالحه وحمل سهل وولاده ميسره ياكريم ويجعلكم حوريات بأعين أزواجكم ولا يروووون غيركم .. ياكريم ياكريم[size="5"][/size]

[المتأمله خير]

سلامتك حبيبتي ما تشوفي شر

وان شاء الله البنات يفيدوك

[روح الأخوه]

تسلمين ياقلبي

ووووووينكم بنات ياليت تفيدوني أنا بهم مايعلمه غير ربي

[Mishael]

هلا حبيبتي الف حمداللله على سلامتك ومبرووك ماجبتي ،،
بصراحه اول مره اسمع بالكبس من تحت اللي اعرفه كبس للقيصريه بس
والمفروض ماتستخدمين حمام عربي ،وكيف يعني ثقل من تحت تحسين انك فيك شي ماطلع
طيب راجعتي بعد الولاده المفروض بعد الولاده باسبوع تعطيك مراجعه هذا اللي صار معي وبمستشفى حكومي
وتشوف الجرح وتشوف الرحم اذا فيه انسداد
طيب دمك نزل طبيعي ولا حسيتي انه فيه انسداد ؟؟

والكبو لا ماله دخل بسلس البول بس ينظف الرحم ويروح عنك الشمم (التهاب العطور )
صح يمكن معك شمم عشان كذا تحسين بثقل جربي سويه مره وحده اذا معك شمم بيروح الثقل والتعب
وبتحسين كان حاجه نزلت منك ،، حطي كمون وقشر بصل ومره
،،

والسلس امي تقول اللي يجيهامعها سكر حمل بس انا جاني شي بسيط وماكان معي سكر بس بعد ولادتي خلاص راح لان مافيه شي يضغط اتوقع الافضل تراجعين المستشفى ،، وماتشوفين شر

[روح الأخوه]

ربي يسعدك ماقصرتي ..

أنا بعد ماعرفت الكبس الا من النت ..
ووقت الولاده ماعلمتني أنها سوت كبس الا بعد ماخلصت مؤلم الكبس حيل حيل ..

الثقل مو كأنه شي بيطلع لا الثقل أحسه بنفس المنطقه كلها بالأشفار وعذرآ ع اللفظ لكن أبي أوضح يمكن ألقى حل وأرتاح

أنا رحت لها بعد الولاده وفحصت بس قلت يمكن بروح هالثقل والسلس والحن خفت لأنهم للحين ماراحو

[وفقني يارب]

والله ياقلبي اني دخلتكنت ابي افيدكم بخصوص الكبس لاني والده بقيصريه بس طلعتي مسويه من تحت وانتي طبيعي
فما ابي اتفلسف وانا ماعرف ماقول غير الله يوفقك ويسعدك ويشفيك وضروري تشوفين دكتورتك
ماحبيت ادخل بدون ومارد او ارفع الموضوع ومادعي لك

[روح الأخوه]

ربي يسعدك ماقصرتي تسلمين

[حواء استثنائيه]

انا ولدت عند ساجيلا
والحمدلله الخياطه ماكانت توجعني بس كنت احس بشد وخف شوي شوي
انتي راجعي لاتعملين نفسك سلس البول مشكله

[سوما555]

مادري بس احس الحمام العربي طبيعي يوجع
وانتي لسى لك اسبوع الالم باقي ماخف

اتوقع طبيعي الالم الحاصل لك بس حابه تطمني ارجعي للدكتورة

الله يفرج عنك

[ملكتني بهمسك]

الحمدالله على سلامتك
انا الي اعرفه الكبس مايعور والثقل والسلسل لازم تسوين تمارين كيجل بتخف عليك >> سوي بحث عن تمرين كيجل وسويه
وراجعي دكتورتك افضل وابعدي عن الحمام العربي والجلسه على الارض لين يخف احساس الثقل عندك