ليش نهتم لرضا الازواج وهم مايهتموووووون؟؟؟ .. ارجو التفاعل

[نوووونه]

مراااحب
الموضوع واضح
احنا الحريم نحب ندور على رضا الزوج في كل شي ومن جميع النواحي
الرجال يحب كذا ويحب كذا ....
ونحاول نبتعد عن كل شي يغضب او مايعجب الرجال
نسوي احتفالات ونجيب هدايا و ليالي رومنسية ... و و و و و و و و
لو اكتب من الحين لبكرة وش لازم نسوي عشان نرضي الزوج باخذ يوم كامل او اكثر
المهم والزبده من الموضوع .. ليش الرجال مايقول ارضي زوجتي واسوي اللي تحبه واجيب اللي نفسها فيه ؟؟؟؟
ليه احنا تاعبين انفسنا وهم لا مبالاة؟؟
ليش همهم بس ياكلون ويشربون ويناموون ؟؟
ليش احنا كذااااا؟؟؟
يا ربي ساعدووووووني انا تعبت

[نوووونه]

للرفععععععع

[اركان]

بصراحه موضوع حلو

اعتقد ان المرأه ضعيفه بطبعها وتربت انها تكون تابعه للرجل

ونظام سي السيد منتشر عندنا بشكل رهيب

انا مع احترام المرأه للرجل بس مو لدرجة انها تطيح عند رجليه وتحسسه انه مافي زيه في الدنيا

لكن كون اني اجري وراه وهو ساحب عليه هذي يبغى لها وقفه وتفكير في كرامتي قبل كل شي

تحياتي

[الدنيا 2005]

موضوع جدا رائع

في اعتقادي لان احنا من الصغر نشأنا على هذي التربية يعني من واحنا صغار اماتنا دايما تقول لينا ان اهم شي في حياتش هو زوجش ولازم تراعينه وتسوين والا بتكون نهايتك يا ضرة يا بيت اهلك

والبنت هالفقيرة في صغرها تخدم الاب والاخ ولما تكبر تخدم الزوج
بس الزوج بدل ما يهتم ويعوضها يستغل الفرصة بالكامل ويحقق كل اللي خاطره فيه

[مشاعل الدوسري]

السلام عليكم و رحمة الله و بركاته



الموضوع بسيط طبيعة حواء الاهتمام
و من واجبها الاهتمام لكن كل وحده لها طريقه و البعض من بنات حواء تهتم بشكل مفرط عشان تلفت الانتباه
او تقدم شي مقابل شي المهم

تسأولات حلوه بلموضوع
لكن أين الأجابه ..........؟؟؟؟؟؟؟

عند كل وحده فينا أجابه غير

الكلام سهل لكن الفعل والقناعه

صعبه
لما تزوجت مقتنعه اني اعطيه حقه و لازم اخذ حقي
المهم
تزوجت واحد كان متزوج 4 سنين و عنده ولد
كل شي سويته مع زوجي هدية عيد الفطر عيد الاضحى
عيد الزواج عيد الميلاد
اللبس مهتمه و أكشخ له
و الليالي الحلوه اللي على قدي ههههههههههههه
البيت نظيف عشان محد يزل لسانه و
أنا من طبعي مرتبه بلبيت و أحب النظافه
ملابسه مكويه كلها لدرجة أن ملابسه الداخليه أكويه
هو يقولي تبالغي انتي أقوله متعوده على كذا
مااعرف لازم كل شي بلدولاب مرتب هو
يفكرني أسوي كذا عشان أحسسه بلفرق
المهم كل شي يخصه جاهز و ولده حبيبي اول اهتماماتي
احبه هلولد يعني مو كارهته و لا شي بلعكس لا راح زياره لامه ابكي ابيه
أغار بشكل فضيع
المهم
مرة سنه و نص و انا الحين حامل
طبعا صارت نقااشات مع كم مرره عن موضوع الاهتمام
و تلميحات و ياااااااااااسلام
أشياء كثيره بس مافاد حتى اني فكرت اطيح
اللي في بطني و اتطلق منه
لعدم اهتمامه فيني
بعدين استغفرت و قلت أصبر
قلت ماابي الرجال يتعقد من الحريم و يفكر
ان الحريم كلهم مو كويسين نفس تجربته الاوله
و هو كاسر خاطر تعذب كثير في تجربته الاوله
و ماكنت ابيه اجيب موضوع الطلاق عنده عشان ماازعله
و الصراحه مااقدر افارقه مو عشانه
متعلقه بولده بشكل كبير و بنفس الوقت
حرام ماله ذنب اللي في بطني
فكرت قلت يمكن بعد الولاده يتغير و الين هذا اليوم و انا حلوه معاه
توه جايب سياره جديده
فكرت اجيب له هديه بس المشكله
هو معاي اربع و عشرين ساعه فا ماقدرت اجيب له بنفس الوقت
بعدين قلت
اجيب الهديه متاخر
عشان يتفأجأه
يعني مرة علينا 3 أعياد و لا عيد جاب لي فيه هديه
و ذكرى زواجنا ماتذكره
ماجاب لي و لا شي
غير عيد ميلادي اللي مو هو تذكره اخته قالت له من وراي
انا حسيت
ان مو منه في حد مذكره بعيد ميلادي
و حزت بخااطري كثير
طبعا انا مااجبره يجيب لي هديه و يتذكر
التواريخ حقت الزواج و عيد الميلاد
لكن هو مو مقدر
الصبر اللي صبرته

و اللي يقهرني زياده ردة فعله
لما اسوي له مفأجاءه وله اجيب له هديه
برود مو صاحي

يستحي و مايعرف يعبر

طيب
و الخ اذا ماتغير بعد الولاده
راح افكر بنفسي لكن مو با أنانيه


يعني ماراح اقدم تنازلات أكثر من كذا و بنفس الوقت ماراح
أكرفه بلصرف و أطلع حرتي بلفلوس لان الفلوس ماتبرد الحره
و لا تغير شي
تجيب لك كل شي
و تسعد غيرك
تسعدك بس ماتقدر تغير شخص و تخليه يحس فيك


تكلمت كثيررررررررررررررررررررررررررررر


لكن الخلاصه

1- أهتمي فيه من ناحية البيت و ملابسه و غرفة نومه لاتقصرين معاه مهما قصر معاك
2- لا تتنازلين عن حقك بلمصروف اله أذا عنده ظروف بلعكس كذا تكسبينه
3- مو بكل زواج تطلبين منه فلوس لفستان و لمكياج و لتسريحه
4- أي شي تبين تسوينه له هديه كلام حلو خليه يكون من قلبك عشان ماتتندمين و تتحسفين
5- يفضل أنك تشتغلين أو تدرسين أو تشتركين في نادي عشان ماياخذ هذا الموضوع تفكيرك كليا و يحول حياتك الى هم xهم = نكد
6- أهتمي بعيالك بدراستهم نظافتهم تربيتهم سلوكهم..الخ
7- أهتمي بنفسك نظافتك كشختك لا تقصرين عشضان هو مقصر خلي النظافه و الكشخه عاده عندك لنفسك و له بنفس الوقت

أهتمي بصلاتك و أدعي ربك أنه يهدي لك و لعياله

أنا عن نفسي مو متندمه على اي شي سويته له
و قلته لان كل شي كان من قلبي و أحبه من كل قلبي لكن مثل ماله حق لي حق
عليه لازم يهتم فيني
و يحسسني بأنوثتي و بشبابي و بشبابه تونا ضغار مانبي الهم بأول حياتنا

الله يهدي النفوس
ادعو لي ربي يرزقني و يرزق كل الحوامل بمولود بصحه و بعافيه


و تذكرو الصبر مفتاح الفرج الصبر مفتاح الفرج
و أن الله مع الصابرين

[نـ ' ب ' ـرة]

السلام عليكم

حبيبتي .. انا لو بقعد اتكلم في هذا الموضوع مارح اخلص ..
اولا : رح اتكلم من ناحية عقلية ..
من طبيعة المرأة انها تهتم بالمشاعر .. وعاطفية .. وتحب تعطي وتعطي وتعطي بدون حدود ونادرا ما تفكر انها تاخذ لأن استمتاعها بالعاطا مو بالاخذ .. وهذا الكلام طبعا موب من راسي .. سامعته من دكتور امريكي ..
والرجل طبعه ياخذ ياخذ ياخذ من غير ما يعطي .. وهذي تركيبه في الرجل سبحان الله ..
فاهتمام المرأة له من فطرتها .. لانها تحب تهتم وتحب تعطي .. لكن بالمقابل إذا بغت شي من باب العاطفة مارح تلاقي الرجل استجاب لها .. لانه بكل بساطة ما يحس بالمشاعر اللي هي تحسها ..
ففي بعض الاحيان يتوجب على المرأة انها تصارح الرجل و تخبره برغبتها .. ولا تنحرج من هالشي بالذات اذا كان حق من حقوقها ..
يابنات الرجل تفكيره غييييييييير .. ما يفكر زي ما انتي تفكرين .. حاولي بكيد النساء تستميلينه وتخلينه يسوي اللي انتي تبين من غير ما يحس .. عن طريق انك تقرين وتتثقفين وتعرفين كيف هو يفكر .. عشان لا انتي تتعبين ولا هو ..
حتى لو مثلا قريتوا الكتاب مع بعض ترا حركة مرة حلوة .. منها هو يفهم نفسية النساء وانتي تفهمين نفسية الرجال ..

ثانيا : من ناحية دينية ..
الله اوجب على المرأة طاعة زوجها .. في نصوص من الكتاب والسنة .. ولا اريد التعمق في ذلك كثيرا ..
لكنه بالمقابل لم يحرم المرأة حقها فقال الله تعالى : ( ولهن مثل الذي عليهن بالمعروف ) وحطوا تحت بالمعروووووف 20 خط ..
فعلى الرجل حقوق مثل ما على المرأة حقوق .. يأثم إذا قصر في حق من حقوق المرأة ..
لكن مو معناتها انه عليه حق انه كل ماجبتيله هدية يجيب لك .... او غيره من الامور الغير واجبة او الغير ضرورية الا من طريق اشباع عاطفة المرأة ..
وانا ما اقول ان هذا خطأ ..
على الرجل انه يعف زوجته من النظر إلى غيره بما هو معروف .. يعني بحدود فهمه ومقدرته ..
لكن في احيان كثيرة الرجل لا يفهم المرأة ولا يعتقد انها بحاجة الى هذا او ذاك .. فعليها مصارحته بما تريد .. وهذا ليس عيبا .. بل بالعكس المرأة الذكية هي من تستطيع جعل زوجها يفعل كل ما تريد هي لا ما يريد هو ..

ثالثا : من ناحية المجتمع ..
وهذا شي كل مرة فرضته على نفسها وليس الرجل من فرضه عليها .. ان المرأة لما تتزوج خايفة ان زوجها يطلقها ... او حتى يتزوج عليها فتروح تدلعه وتجيب له وتسوي له .. علما انها ليست مجبورة على هذا الشيء إنما خوفا منها انه " يلتفت " لغيرها .. وهذا ليس عيبا .. بل محمود خاصة إذا عفت زوجها عن الحاجة لغيرها وهذا هو غاية الاسلام من الزواج ..
لكن في بعض الاحيان وهو ما يقع فيه الكثير من الزوجات .. هي انها تهتم في الزوج من نظرتها هي .. لا من نظرته هو للاهتمام .. فتعطيه امورا هو ليس بحاجة لها .. والعكس ..
فعلى كل امرأة ان تفهم نفسية زوجها .. وتعرف ما يرغب به وتشبعه .. من غير ان تبالغ في شيء محدد ..


نهاية : احب التنويه ان الرجال اذا ما سووا .. مو معناتها موب مهتمين .. لكن أحيانا يخطئ الرجل في إظهار اهتمامه بالمرأة .. او حتى أحيانا لا يحاول إظهاره لانه في اعتقاده انها مدركة اهتمامه في قيامه بواجبها من نفقة وغيره .. وأكرر إذا بغيتي شي صارحي الرجل .. لا تفكرين انه بيجي يوم من الايام ويفهم من غير ما تتكلمين .. لان ربي خلقه كذا .. ما يفهم الا لما تقطينها بوجهه هع ..

ووفق الله الجميع ..*

[shimoo]

انتى رديتى على نفسك اهو العيب فينا
لازم تلاقى اهتمامات وتهتمى بيها مش يبقى همك جوزك وتنسى نفسك
زى ما ليه اهتمامات انتى لازم يكون لك اهتمامات

[ام عبدالرحمن21]

موضوع رائع وجذاب جدا
يعطيك العافيه على الطرح الممتاز
اولا احنا الحريم مساكين كل ماصار بينا وبين الرجال شي او حدث طلاق عاد اول من ياكل المرأة المسكينه مين ((الناس)) ليش وليش يعني كأن الرجال مايسوي شي ولايغلط المرأة بس الى تغلط ليه ومهما مهما تسوين وتفعلين اذا زعل بيقول تراك مقصرة ومسويه ومدري ايش
وينسي تقصيره هاذا ازواج الزمن اسأل الله العظيم رب العرش العظيم ان يهدي ازواجنا ويفرمت عقولهم والله يعوض كل محرومه من الزواج بزوج من الجنه ان شاء الله

[نوووونه]

مشكورين ع الردود ماقصرتو
مشاعل الدوسري كلامك جدا رائع يسلمووو ع مرورك

[أم لنو]

لأن المرأة عــاطــفــيــة
هذا أنا مثلك ودي ماأحبه عشان ماأجري وراه مايستاهل