الثقة بالنفس والخوف

[أم لنو]

يابنات أبسأل هل الخوف بمعنى الأرهاب سببه الوالدين؟
أحس حتى بعد ماتزوجت ومضت سنين وصرت أم بخوف ممن حولي
أرجف لمن أروح عند بعض الناس في المرة الأولى وبعدين عادي للعلم
إن أمي قاسية كانت بس تجرحني ولاعمرها حنت علي وأبوي مثلها كلنا
شخصيتنا مهزوزة أبكي أنا ساكنة بعيد عنهم أحس ماأبي أروح عندهم
ماأكرهم بس لرحت أحس أتضايق أحيان أمي تهاوشني وماكأني أم عيال
حدي بس تعبت مو قادرة أناظرها لأني أتذكر زمان كان عقابها لأخطيت تناظرني نظرة توبيخ ماأنساها للحين أخاف لشفت الناس أشوفهم يناظروني مثلها محب أروح ويعاتبوني ليه ماتجيني ليه ماتجلسين أنا متعلقة بزوجي لأني ماشفت حنان منهم
كيف أتخلص من الذكريات الأليمة اللي كلها قسوة أخواتي نفس النظام أحسهم كارهين اليوم اللي أنولدوا فيه ولاأحس بأي حب لأمي في قلبي نفسي أحس زي البنات أني أحب أمي بس ماأحس بهالشعور حتى ماأحب إنها تحضني بعد ماكبرت تقولي أنا ماأعطيتكم حنان خلوني أعطيكم بس ماأتقبلنا والأولاد حالة خاصة الله يسامحها أش اسمي هذا الشعور أنا باره فيها يعلم الله بس مو قادرة كانت تحرمني من الطفولة أي حاجة أفرح فيها أبغى أبكي فيني غصة جابتلي أكتئاب وكرهت حالي كل ماحسيت بالخوف أحس إني ضعيفة .

[mr00m]

سلامتكـ الف سلامة يا قلبــي ..
والله يهديها أمكـ وابوكـ يعنـي بعد ما كبرتــي تذكروا الحنان والتعامل

كل سن له تعامل خاص وعواطف مختلفة



لكــن انا اقولكـ نصيحة شخصية .. عطي والدينكـ مبرررتـ لتعاملهم بهذا الشكل

يمكن ظروف او عوامل نفسية

يمكن يخفف شعورك هذا.. ولا استشيري طبيب نفساني يمكن
يعلمك بطرقة أفضل

وبالتوفيق لكـ

[وردة الأحساء]

أختي الحبيبية .... الحين أنتي الحمدلله تزوجتي وصار عندك عيال ... أولا حاجة لا تخلي هذي الأحسايس تأثر عليكِ بعدين تظهر في التعامل مع عيالك... أمك وأبوك لازم تبرينهم والله يجزيكِ خير ... وقللي الزيارات إذا كانت تضايقك يعني لا تقطعينهم ولا تتعبين نفسيتك ..عيشي حياتك.. أفتحي صفحة من جديد صحيح اللي فات مايتعوض وأيام الطفولة تأثر كثير على المستقبل ..لكن قولي الحمدلله اللي رزقني بزوج وعيال أعوض اللي فقدته..ربي يوفقك لكل خير ويهدي والديكِ

[نَيرُوز]

حبيبتي الغالية اولآ الله يهدي امك وابوك يارب

ثانيآ ياقلبي بـ العكس الانسان يتعلم من الشي القاسي الضربة يلي ماتقتلك اتقويك وانتِ حاولي اتغيري من شخصيتك اتكوني شخصية قوية وواثقة من نفسها ولو تمثيل في البداية بس شوي شوي بتشوفي خلص انتِ تقمصتي الشخصية وصرتي انسانة صاحبة قوة شخصية وواثقة من نفسها ولازم اتعلمي ولادك واتعوضيهم عن يلي انتِ ما اخدتيه من اهلك علمي ولادك كيف يكونون اقوياء الشخصية وواثقين من نفسهم علميهم ان الانسان مالازم يكون ضعيف ابدا ومايخاف الا من رب العالمين

وهذا طبعآ يتعلموها اذا الام كانت جذي انتِ ياقلبي شوي شوي قوي من شخصيتك ولاتخافي من حواليكي لانهم بشر وبت العكس خلي هم يعملولك الف حساب واستشيري طبيبة نفسية نصيحة وهذا لاعيب لاحرام واحكيلها مشكلتك وتساعدك بـ التأكيد ان شاء الله ولاتخبري حد من اهلك بتروحي طبيبة نفسية بتعرفي الناس كيف بس زوجك خليه يدري ويروح معك لو بدك

تحياتي لك وربي يقويكي

[أم لنو]

مشكورة لكل من رد لي واللي حصلي علمني ماأقسى على عيالي بالعكس أحس قلبي حنين ماأبي عيالي يتعقدون مثلي للعلم إني لمن أكون بديرتي وأتزاور وأروح وأجي أتغلب على اللي أنا فيه بس لمن أغيب فترة طويلة يرجع لي الخوف المشكلة ماأتحكم بنفسي ويمكن كان السبب في الخوف من قرايبي لأن أمي كان تخجلني وتهاوشني قدامهم وتبديهم عليه صح أنا معطيتهم مبرراتهم أب يقسى على أم وأم تحط حرتها فالأطفال ومستحيل أروح لدكتور نفسي مستحيل ولاأعلم زوجي مستحيل أشكي لأحد يعرفني أخاف بكرة فأدنى زعل يشمت فيني أنا بغيت أطرح مشكلتي يمكن أحد مر بها وعرف لها حل وماعمر الحمدلله أحد لاحظ عليه كنت قوية شخصية بس مادري اش صار أشارك فحلقات التحفيظ وفي الأذاعة عادي بس ماتوقعت أضعف في يوم من الأيام أبي أنسى بس لمن أجلس خاويه البال أتذكر الماضي وأحزن

[sweet moon]

ام لنو يالغلا

كلامك سليم

الانسان اللي يربى على بيت فيه مشاكل

اضافه الا اهانات وتجريح متواصل ومافي دعم من الاهل

يكبر انسان مهزوزه شخصيته وخواف والجرائه فيه مو مره اضافه لرهاب

من الناس وتردد وكلام متلعثم والخ

لكن وين الايجابيه في هالتربيه

ان احنا اخذنا درس ان مانربي عيالنا مثل ماتربينا

واهنيك على انك قدام الناس انسانه قويه شخصيه ولك كلمتك

صحيح ان احنا لما نتذكر يضيق خاطرنا

ولما احد يتكلم عن الطفوله والبرائه

يحز بخاطرنا ان احنا ماذقنا هالطفوله بحلاوتها

لكن الحمدلله على كل حال

اهم شي نتعلم من تربيتنا ان احنا نوفر افضل الاجواء لأطفالنا

ومانقصر معاهم بالحب والحنان

ويااختي من تربيه اهلك خذي موقف

وخليك مثل ماانتي انسانه واثقه من نفسك

ترا ماحد احسن من احد ... الانسان الخايف اللي ماله شخصيه ماايدوم

تصير الناس تمشيه بكلمه وتجيبه بكلمه

فخليك انسانه قويه الخوف ابعديه

الرهاب حاولي تتعودين لما تدخلين عند الناس اقري وبسملي

وادخلي رافعه راسك ولما تتكلمين خليك انسانه واثقه وصوتك واضح

من ناحيه امك

في النهايه يظل واجبك تزورين امك

وخليها بين الفتره والفتره

واذا على الذكريات المؤلمه

تذكري حاجه وحده بس انك تعلمتي من اللي مريتي فيه

واخذتي دروس مهمه بتفيدك كونك ام ومابتكررين غلطة امك

صحيح حتى لو عوضونا بالكبر

تحسين رسخت بعقولنا اثر القسوه

لكن مو مشكله ربي يعوض

وهاذا ربي عوضك بزوج حبيب وحنون

وعيال واسره بإذن الله سعيده

واذا على العيال مصيرهم هم تعلموا

والدنيا تعلم اكثر واكثر وان شاءلله بيتزوجون وبيتعوض الحنان اللي فقدوه

في زوجاتهم واطفالهم

ماحد يمر بتجربه مهما كانت مؤلمه

الا يطلع منها بدروس

والحمدلله يارب على كل حال

وانتم احسن من غيركم ... ياما نسمع قصص والبيوت اسرار

[أم لنو]

الله يجزاك خير كلامك عطاني ثقة

[أم لنو]

أحاول قد ماأقدر أبي والديني رضيانين علي ماأزعلههم بس هما هما معقول مايحسون بتأنيب الضمير أبوي شوي متغير هي هي ماتغيرت أبد ماتضحك عبوسه تتنرفز بسرعة أكره اليوم
اللي أجلس معها فيه لازم تنتقد تقلل مني بعكس الأقارب من البنات رغم سؤهم إلا إني أشوف
حسن التعامل خلاص قلبي خلى من حبها ماأحس فيه غير الألم والكره تصدقون إلا إن الكل يحسدونهم علي كل الأدب والأخلاق لا والدراسة مكملة الماستر والدكتوراه بالطريق لكن فيني
هم الدنيا أدعولي تكفون ربي يحنن قلبي وقلبهم