كل التطورات اللي صارت في حياتي ((خبر)) و الخطط المستقبليه..((مساعده&استشاره))..

[مشاعل الدوسري]

السلام عليكم
بتكلم عن شغلتين عن ذكرى زواجي اللي فات و اللي جاي ..

و عن التطورات اللي صارت مع زوجي من يوم مادخلت المنتدى الى هذي اللحظه ..


((ذكرى زواجي لسنه الأولى))
كنت في وحااااااااااااااااااااااااااااام تعبان
كنت في بيت اهلي قبل ذكرى زواجنا قعدت عند اهلي اسبوع..
مافيني حيل اسوي يادوب اشيل نفسي و رغم هذا سوية شي بسيط..
أشتريت كيكه و كتبت فيها
(( مرت سنه ذقت الهناء و انا على عهدي معاك لباقي العمر ))
و أشتريت شموع - ورد
جاء زوجي اخذني من بيت اهلي ..
ما ارسل شي و لا ذكرني بشي
ارسلت له مسجات حب اذكره بايام الملكه
لكن هو مافهم شي طلع ناسي و لا على باله ..
رحت البيت توقعت بيقولي شي كلام حلو على الاقل
رحت الغرفه و زينتها بلشموع - ولعت على الفواحات
و نثرت الورد و جبت الكيكه و فجأه دخل ..
احسه تفشل .. و قعد يطالع في الغرفه..
بلكيك و و و و و ضمني..

قالي: الكلام انتي كاتبته

أنا: ايه
قال: من النت
قلت: له لا من قلبي
مرت سنه و خلاص مرت ذقت الهناء
ذقت و الحين بنحلي بلكيك هههه
و ببقى على عهدي معاك لباقي العمر قول امين ..

المهم

اللي نرفزني عدى شهر
مافكر بعده يجيب شي
لو ورده - حلق - سلسله
شي رمزي بسيط ماراح يكلفه
قلت مع الراتب الثاني
و لا جب لي شي حزت بخاطري
لاني كنت حامل و محتاجه شي
يرفع معنوياتي بصراحه (( ابي اتدلع ماصار لنا سنه من تزوجنا )) أبسط حقوقي.

مشكلته

انه كان متزوج قبل و مو متعود على هذي الحركات ..طليقته ماكانت تسوي له هلحركات هو اللي كل ما أسوي له شي ينبهر و يقول محد قد سواء شي علشاني ..

لكن

من يوم تزوجني ماقصرت معاه في بيته و بلبسه بأكله و بأعتراف منه
دلعته لاني حسيته محتاج لهذي الامور ..
رتبت له ليالي كل مررررررره بشكل كل مررررررره بلون و بين فترات متفاوته يعني بين كل شهر و شهرين
سويت له هديه بعيد الفطر..قدمته عادي
بعيد الاضحى.. قدمتها له بعد العشاء
راح الحمام يغسل ايده
و شغلت شموع و نثرت الورد
حطيت الهديه حسيته بيبكي لدرجت اني صورته كسر خاطري
مفأجأه ذكرى زواجنا ..قلتها لكم قبل
مفأجأه الترقيه كان عشاء و حرركات و بس ..
مفأجأه هدية لسيارته ..مليت سيااارته بلونات ابيض و فضي أشتريت محفظه و ميداليه و فواحه للسياه و عقد على شكل قلب فواحه بعد
و أنا بنفسي غلفت الهديه كان عندي تنوره بأول ايام ازواج لبستها أعجبته بوقت الحمل قصيا قطعه غلفة فيها الهديه العلبه كانت علبة نكتار اللي على شكل قلب لونه أحمر ..

و هديه بوقت الملكه ..
و بلصباحيه
و مفأجاة الفندق بعد النفاس بفتره ..
8 هدايا تقريبا و هذا غير الدلع و الليالي و لا فاد

و هو بس هدية بوقت الملكه كاميرات سوني
و في يوم الصباحيه طقم ذهب
و مره كان نازل السوق و اشترى لي عطر
ووو بعد ماطلعت من النفاس فاجأني ..
أشترى لي هديه أشترى لي
5 قمصان نوم ..
طقم من بدي شوب كريمات و عدة استحمام و عطر ..

هذي المفأجاء الوحيده اللي سواها لي حتى اني ماكنت متوقعه منه شي ..

أنا فيني عيوب أنا مو قاعده اتكلم كأني المظلومه لا ابد لكن في نقص في امور معينه فهمتو علي
وهو عاجبني بكل شي الا قصة الاهتمام بأحساسي بشعوري..

المهم الحين ذكرى زواجنا بتمر علينا سنه 2 ودي أسوي و ودي لا !!!!
ابي منه هو للي يسوي فهمتو علي ......<<<< أتمنى
.. لكن مااعرف .. لازم اسوي شي بسيط عن الذمه و الضمير..


أشتريت قميص نوم حق عروس.. و قلت برتب البيت و بكشخه..
و بسوي الحركه قريته بموضوع اللي هي شهادة شكر و تقدير..
بشكره على شغلات معينه ..
تعبه معاي في بداية زواجنا بسسب العين و ما العين
صبره علي رغم عصبيتي بوقت الحمل و بعد الولاده اخلاقي مو حلوه كانت معاك اعترف عصبيه و حساسه بسبب الحمل معذوره لكني كنت اتاسف و اطلب منه انه يقدر هذا الشي
احترامه لي و لاهلي
خوفه علي ..

هذي الاشياء اكثر من كذا ماراح أكتب برتب الجمل بلشهاده

و شهادة .. اعترافي بكل شي أحس فيه .. تجاه

و ذكرى زواجنا يصادف عيد ميلاده فا بسوي كيك ..
بمناسبة ذكرى زواجنا و بشغل شمعه و قبل لا
أطفيها بقوله يقول امنيته و بقول أمنيتى و نسعى احنا الاثنين لتحقيق أمنية الطرفين

المهم
أنا ماراح أشتريله هديه نفس كل مرررررره

قلت بزين نفسي و بزين البيت و كيكه بسويها بيدي

كوشخه هههههههههه

شهادة تقدير تعتبر هديه و هديه حلوه معنويه
وووو بس المقصد اني ماراح اشتري هديه مكلفه ...
كا العاده و اسوي أكشن و اتعب كثير و في التحضير و التخطيط و التنفيذ



أنا خايفه من شي واحد أنه بعد ما يتهم لذكرى زواجنا الثاني؟
ولا يهتم انه يشتري لي شي بسيط؟ ..لو حتى عقد أكسسورات اي شي رمزي .. اذكره فيه ..



في بنات بيقولون مو مقياس الهديه


انا مااتكلم عن الهديه كثر مااتكلم عن معناها بنفسي اثرها بنفسي ..


هل المح له بذكرى زواجنا ... ؟؟

يعني أقوله قبلها بأسبوع .. ؟؟
اقول أسبوعين مو مصدقه ان باقي لنا اسبوعين و كم يوم و نكمل سنتين

و لا بعد معانا و طلعنا من السنتين في امور كثيره بعد ماكنا 3 صرنا 4
و بعد ماكنا بشقه صغيره و الحمدالله ربي رزقنا بأكبر منها و عقبال البيت ..


يعني كأني أسولف معاه عن الاشياء اللي مو مستوعبتها ...


و لا شورو علي كيف أتصرف وش أقول ..؟

طيب في حال أنه ماقدم لي شي كيف أتصرف؟كيف اعاتبه ..؟ شنو الطريقه الصح ..؟


بخصوص علاقتي فيه من البدايه الى حتى اللحظه هذي..اللي اكتب فيها

أنا أول مره دخلت فيها المنتدى فتحت موضوع

كتبت أسمه أقتراحكم في وضعي مع زوجي..؟ اتوقع هيك العنوان


كان مشكلته داااااااااااااااااااااااااااااااااااااااااايم يقارن
بيني و بين طلقيته لكن بأسلوب أنه يمدحني و يذم فيها

أنا ماكنت حابه يقارن بيني و بينها الله يتسر عليها ..
لكن زل لسانه و زلات كثير لدرجة أن أكثر
من مررررررررررررره يقارن بنفس الموضوع يعني مثلا
أنتي تعرفين تستشورين شعرك بلبيت
و يطلع حلو اللي قبل جننتني بلمشاغل
هذي يقولها تقريبا كا ماأستشور يقولي هذي المقارنه ..

و أقوله كويس يعني وفرت عليك و اضحك
ولا أقوله مايمنع اني اروح مشغل بس
دام ان فيني حيل و اعرف ليه لا ..؟

فهمتو ..

ما كان يعبر لي عن أحساسه ماعنده رومنسيه الا في بداية الزواج ..

كان يودني مطاعم في بداية الزواج و الله مايقصر بلطلعات
ابد لان في كلا الحالتين الطلعه لي و له هو..
لما حملت
ماكان يهتم فيني يعني انا كنت طول اليوم منسدحه
و طول الوقت بلحمام الله يعزكم استفرغ
و هيك شغلات و من التعب اوقات كنت ابكي لكن
مو بصوت عالي يسمعني و انا ابكي..
و لا مره جاء يواسيني ..
لما اروح له الصاله و انا ابكي من التعب اقعد جنبه
اقلها يأخذني بحضنه و مافي اي ردة فعل و ربي
ما أبالغ انا ليه كنت محتاجه لهذي الامور؟

لاني حملت قبل لا نكمل سنه و أنا ماخذيت كفايتي معاها
و هو ما ملاء عيني بشي من افعاله ..
و كنت طول فترة الحمل متضايقه!!
و ماكان يسأل مره من المرات بوقت النوم قلت له تعبانه ضمني!!
و لا شعوريا قعدت ابكي ..!!؟
قالي شفيك قالت له محتاجتلك تنرررفز قال في ايش
قعدت ابكي و اقوله ابي احس
بحنانك علي اهتمامك انا تعبانه و محتاجه
لهذا الشي تنرفز على الاخر ..
مأتذكر بوقتها شنو قال لكن ماأنسى
و انا بحضنه كنت بحضنه و ماكان حاط يده عليه ابد كاني راميه نفسي غصب
ماأنسى شلون كان جسمه مشدود من العصبيه و متنرفز بس عشان قلت له محتاجه لك ..

انا تضايقة لان نبرة صوته كانت تضايق كانه يقولي لا يكثر بس ..


هو الرومنسيه و الفترات الاولى من الزواج عاشها...؟
مع وحده ثاني لكن انا من حقي احس بهذا الشعور و بزززود لاني حامل

و و و مافاد لما مره قلت له
حبيبي اهتم فيني عطاني ظهره
و قالي تبين أبين لك الفرق بين الاهتمام و الاهمال .....



يعني كنت قبل لا احمل أكشخ و البس ولا يعلق
لما يسألني ليه هيك أحراجه بعض الاحيان و أقوله عشانك
لما كنت اكشخ عشاني انا متعوده هيك يقولي بتطلعين محل
مع اني ما كنت اسوي شي مبالغ فيه يعني اسبح البس لبس مرتب ..
شعري مستشورته ولا فير و مسكرا و حواجبي مرتبه و اتعطر يعني وربي عادي بلنسبه
له انجاز ..!!



المهم و اللي قهرني مره من المرات
كان البيت كا العاده مرتب و مبخر و نظيف
العشاء كوشخه و حلى و انا محد قدي بلكشخه ههههههههه


قالي بعد ما أكل الحلى امرني شتبين قلت له انا ماطلبت منك شي

قال البيت مرتب و و وو و و أكيد تبين شي قعدت أضحك
قلت الحمدالله و الشكر
و بداخلي زعلت لانه قال طليقتي لما تسوي كل هذا
يا عشان اجامعها او انها تبي شي مني يعني ماديات
او انها تروح لاهلها ..

جرحني كأنه يتهمني بلماديات قلت له لو ابي منك مصروف بطلبه من دون لف
و دوران و لو ابيك تعاشرني الحين اسدحك ههههههههههه
ولو بروح الاهلي تودني و انت تضحك ههههه
و و و و و أمور كثيره اللي بيبي يعرف يدخل الموضوع ..

المهم

حاليا

ماصار يجيب طاريها و بعد ماولدت كان مرررررررررررررررررررره مبسوط
في بنته و صار يثق فيني أكثر من قبل لاني بوقت الطلق و انا أولد

كانت معاي أختي و زوجة أخوي ..

و كنت أوصيهم على ولد زوجي
أقولهم وحده منكم تكفون تروح تتطمن عليه
اذا فيه حراره عطوه مسكن أنا حاطه بشنطته الادويه
و اذا بعد كم ساعه ماصحصح جيبوه المستشفى ..
فا هم ماتوقعوو هذا الاهتمام مني لهذي الدرجه بولد زوجي ..

كنت أحس بلالم و اقول كيف امه ماتحملت واصبرت!!
بعد كل هلألم شلون تخليه ؟؟
كيف تخلت عنه لوحده ثانيه بهسهوله ..!!
و لا قلت شي غبي بجد لان وقتها ماكنت افكر بنفسي ..
الغبيه ليه خلته يطلقها هههههههههههه ..!!؟؟
لو ماطلقها ماتزوجته هههههههههههههههههه
الكلام وصول لام زوجي و خواته لان كانو يتصلون
على اختي و هي تبكي تقولهم انا شنو قلت . و الخ ..

فا امه و خواته ماقصرو
وصوه علي انه يحافظ علي و الخ


تدريجيا بدى التغيير
المهم حاليا انا مرتاحه معاه و سمن على عسل

طبيعي تكون في خلافات بسيطه ..

قالي هلكم شهر صبري علي بلمصروف .. بقصر عليك

لان اخوه الكريم كان ماخذ سلفه بأسم زوجي
و حتى الان ماسد و زوجي سددها كلها من جيبه

و الكريم اخوه حتى الان ماوصل لنص المبلغ
في السداد
تخيلو يفرش بيته
يصبغ و ديكووورات
مخلي زوجي يقصر على نفسه و على بيته ..

انا عندي حاليا حافز .. و قاعده اصرف منه علي
و هو مايقصر يشتري كل شي لكن بلمصروف يعطيني قليل
فا قلت له خلاص ماابي مصروف دام عندي حافز ..
و لا اشتغلت بساعدك في القرض
لك من راتبي 1000 ريال شهريا
مبسوط اني فكرت فيه و قاعده اقوله لا تخاف انا بشاركك!!؟؟
من حسن نيه ما في شي جابرني غير اني ابيك تكون مرتاح .. و الخ

المهم حاليا اخووه مسبب التوتر اللي بيني و بينه

ينرفزني زوجي ساكت بس يقوله حولي مبلغ
و ذاك يقوله والله مااقدر قاعد اصلح بليبت و اعدل

المهم تخيلو يكذب يقول ماعنده غرفه ينام فيها
هو بايعها و قاعد يصبغ غرفته و يضبطه
عشان يشتري جديده


و مخلي اخوه في ضيقه .. و قاعد يدلع نفسه مع عياله
فارش بيته من و الى حتى المطبخ مأخذ ب30 الف

عليه بلعافيه هو وعياله و يتهنى أنشالله لكن مو على حساب حياتنا

عاد انا اقول لزوجي تكلمه و الح عليه
اقوله انت تنقهر منت قادر تفرش مجلس

اللي عندك فاضي .. و هو قاااااااااااعد يفرش بيته كله خيررررررررر

انا قاعده اخليه يطلب بحقها عشان مايقصر علينا ..
و اللي يقهر اخوه ساكن في بيت ملك الحمدالله
راتبه 15 الف مشالله اللهم زيد و بارك
و حنا ساكنين بشقه بدل سكن المهم و راتب زوجي اللي يصفى للبيت أقل من 4000
الباقي 3000 حق البنك قصد السياره ..
1000 بين مقايضي البيت و حليب بنته نشتري حق شهر و حفايظ ..
كهرباء ماي ما تجي 300

ريال لكن اللي يصفى تقريبا 3500 و اللي يروح 4500


هو الواحد لو يقعد يحسب بيتعب ..
لكن مو هنا الموضوع الموضوع
ان انا مدلع نفسي و سايب الناس
بهمهم هذا اللي يقهر ....

والله الله يشهد علي أني كنت بكنسل الزواج علشان أخوه ما ينسجن بسبب ديونه
زوجي رفض قالي العرس ابسط شي اسوي لكن بضطر أكنسل السفر بره و بنروح الكويت و البحرين قلت مو مهم المكان المهم أنت تهتم فيني و انا معاك
على فكرررررررررررررررررررررررررررره أول طلب أطلبه من

زوجي أنه يهتم فيني و أهديته أغنية عبد المجيد اللي اسمها اهتم فيني ههههههههههههههههههههههه الحن من الملكه و لا فاد..
فا زوجي خذ القرض و سدد ديون اخوه و على اساس انه يدفع لزوجي شهريا القسط
دفع كم مررررررررره و بعدهااااااااااااااا يسفط و يدفع مو القسط كامل لا 500 ريال
اوقات 1000
و القسط 2000 و شي
أنشالله ربي يفكنا من هذا الموضوع انا احاول مااتكلم فيه لكن مااقدر شي علني مسويه غصب علي انقهر..

العموم زوجي

تغير معاي صار احسن من قبل ..
صار يعترف بأهتمامي يقولي انتي مهتمه و هيك..
انا اعذرك لو قصرتي مابيدك حيله ..

و أنا تقبلت شخصيته بأنه ما يعبر عن احساسه ...
و ماصرت أقوله أهتم فيني ..
صرت أحطه قدام الأمر الواقع ابيه يضمني اروح لحضنه أبي أسمع منه كلام حلو

أغرررقه بلكلام الحلو و أخليه يعشقني و يتكلم هههههههه غصب الدعووه

لاني شفت حلقه في برنامج خطوه بخطوه

يتكلم

عن الحريم اللي يقولون زوجي مو فاهمني و و و و مايحس فيني و الخ..

سال الدكتور الحرمه .. قالها ..زوجك كريم معاك قالت على قد مايقدر مع اهلك قالت جدا كريم
يحترمك يحترم أهلك كويس مع اصحابه و مع اهله قالت انسان مثالي في هذي الامور لكن مو قادره ابيه يحس فيني يعني تقصد يعاملها برررومنسيه ...
قالها انتي ليه تاااااااااااااااااااااركه كل هلامور الجيد و ركزتي في اهتمامك لانك انتي محتاجه هذا الشي من حقك محد ينكر
شخصيتك محتاجه لهذي الامور .. احساسك كاامراءه

لكن شخصية زوجك ماتعرف تعبر بلكلام الحلو لان شايف ان كل شي بوقته
هو يعبر لك بطريقه ثانيه مبسوط فيك و مرتاح معاك يكرم اهلك يكرمك و اولادك


قالت صحيح لكن أنا ابي المعامله الرومنسيه فا قالهالا تنغرين بلقصص و المسلسلات

في رومنسيه لكن ماتجبرين زوجك يكون رومنسيه بطريقتك

هو شايف مثلا انه يزيد مصروفك و انتي تشتري لنفسك ملابس رومنسيه لانك مبسوطه و مرتاحه


و انا

اقتنعت بكلامه لكني بنفس الوقت بزعل اذا ماتذكر مناسبه مثل ذكرى زواجنا ..

هذا الشي اللي ماراح اتنازل عنه


و البارح طلعنا زرت أهلي و خليت عيالي هناك ولد زوجي و بنتي

و طلعت أشتري ملابس للولد و

أنا دلعت نفسي و اشتريت قميص نوم حق عروس بسوي فيه اكشن ههههههه

ووو شنو بعد رحنا مطعم فرايدز اخيرا من يوم ماكنت حامل اقوله ودني يقولي فاضيه انتي هههههههههههه و اخيرا وداني لان كان خاطري في مقبلات ..حقتهم..

ووو شنو بعد بس اليوم بروح معاه أكسترا مسوين عرض توها أخت زوجي قالت لي عليه ..

أذا شريت بقيمة 1500 و فوق تختار هدية بنفسك..
في دورة كمبيوتر
و في دورة تصوير عاد ..
أنا بشوف كل وحده شنو مميزاتها ..
و بختار الانسب

فا كنت قاعده أقول خساره لو عندي 1500 كان اشتريت فيها اي شي من هناك و ربحت دورة مجانيه قيمتها تسوي هلمبلغ .. و بس

فا قالي خلاص نروح نشتري لك جوال ..

و قلت بخاطري مو محتاجه جوال

الكميرا البق بلذات أنها احترافيه و أقدر أغير العدسه .. و بس

الكميرا لقيتها 1899
يعني 1900 هو بيدفع 1500 و انا بدفع الفرق و الله انبسطت يوم قالي خلاص
بعطيك 1500 و اشتري جوال بسسسسسسسس مدري أفكر أذا لقيت جوال جالكسي
ب1500 خذيته ..
و اذا مالقيت بشتري الكميرا..


و انتهينا هذي كل اللي صار و اللي افكر اسويه و اللي مدري شنو بيرسى عليه؟؟


بخصوص ولدي و بنتي ..

الولد كمل3 سنين و كم اسبوع الحمدالله صحته كويسه و بخير لكن ..؟مستغربه من أمه مااتصلت ولا ارسلت رساله تبي تشوفه الله و اعلم بظروفها و يصبر قلبها لو كانت مشغوله عليهو يهديه حق نفسها يارب..؟
كاسره خاطري لانها متسررعه و ماتعرف تأخذ القرار اللي بمصلحتها دايم تختار غلط و الشي اللي يجيب نتايج عكسيه عليها ..؟

فا عشان كذا قررت ارسل لها مسج و أشوف ترد ولا لا ؟ شهرين و أكثر ماشافت ولدها أحس عندها مشكله ..؟ فابرسل و الله يستر لان مو كويس ماتشوفه طول هلفتره حنا كنا نوديه لها بين كل اسبوعين و اوقات اذا وافق يخليه عندها 5 ايام او اسبوع ..


بنتي الحمدالله كملت 5 شهور و الحمدالله صحته كويسه ياربي لك الحمد
ووو مجننتني صايره ماترضع كثير .. و بس تبي تعض بأي شي عشان لثتها..
و متعبتني لكن انشالله كلها سنه على قولة الاغلبيه و بيسقر الوضع
من نواحي عديده..!! انشالله


أدعولي بلتوفيق الهدايه ..و بس شاكره لكم مروركم من الحين..

[المستحيله]

موضوعك طوييييييييييييل تعبت وانا اقراه ههههههههههههههههه...
الله يديم بينكم المحبه ويسخره لك ان شاء الله..

[آحسآس آنثى]

بصراحه ماقريت موضوعك كله لاكن وربي عجبتيني عقلك كبير و خاصه بتريبه ولد زوجك
اعرف وحده متزوجه وبنت زوجها امها توفت يوم جابتهاااااا يعني ماشافتهااااا واهي ماهي مهتمه بهاااااا ابد والبنت صايره عدوانيه ياحرام وكل يوم تلاقينهاااا في بيت والكل مايبيهاااا
المهم آسآل الله باسمه الاعظم ان يوفقكم و يسعدكم ويجعل حياتك سعاده بسعاده

[●•• ShąhǿǾǿĎ ••●]

انا قريته كله ماشاءالله عليج زوجج يمكن يستحي ومن النوع النساي مايذكر هالاشياء حاله حال الي عندي خخخخ اما بالنسبه لج فا تصرفاتج كلها حلوه معاه واذا تبين نصيحتي لاتغيرين اسلوبج معاه جذي احسن بالنسبه لكلامه عادي كلها تقوول هااه شعندج وشتبين اكيد فيه شي منباب الغشمره طبعا بالنسبه لولده عجبتيني وانتي تقولين ولدي الله يخليه لج ولابوه يارب ويخلي لج البنوته وامه لو تبيه جان تاخذه ربيه انتي وديري بالج عليه واعتبريه مثل عيالج ولا تحسسينه بيوم انه غير عنهم اذا الولد يسألأ عنها ويشتاق لها يبيها اخذيه لها خل يشوفها والله انا مادري اي ام هذي الي تتخلى عن ولدها بالسهوله هذي واخوه تحمليه هالفتره الله يعينكم عليه شكلكم توهقتو وخلصتو زوجج بين عليه خوش رجال الله يخليكم حق بعض ياارب

[صيته]

يمه احولت عيوني من كثرا ما اقرا بس موضوع يستاهل القراءه

عندي تعليق على جملتك هذه :

انتي تقولين ( اوقات كنت ابكي لكن
مو بصوت عالي يسمعني و انا ابكي..
و لا مره جاء يواسيني ..
لما اروح له الصاله و انا ابكي من التعب اقعد جنبه
اقلها يأخذني بحضنه و مافي اي ردة فعل و ربي )

اذا كنتي تبكين بطريقه ماتبينه يدري شلون تطلبين منه يواسيك ؟

النقطه الثانيه حسب مافهمت من كلامك واحد مواضيعك ان زوجك مر بصدمات نفسيه مع زوجته الاولى فاااا من الطبيعي ان الانسان مايتجاوز صدمه بيوم وليله وفيه دراسات علميه تقول ان بعض الصدمات عشان الواحد يتجاوزها يحتاج فترة توصل لسنتين الى 3 سنوات تخيلي !!

لاحظت ان زوجك تحسن الحال معاه بعد ماربي وفقك وجبتي البنت الصغيرونه . وهذه تعتبر صدمه حلوه عالجت الصدمه القديمه وهذا من فضل رب العالمين

والحمد لله واضح من كلامك انه يحترمك وعلاقتكم حلوه الله يخليكم لبعض

ومن ناحية الرومانسيه انا وحده مقتنعه ان المسلسلات لفت عقولنا وكنت مثلك اول اصيح اقول ليه زوجي مايقول و و و و و و ... الخ

لكن بعدين فكرت في الاشياء الزينه اللي يسويها لي وقريت مواضيع ان الرجال يعبرون بالافعال اكثر من الكلام عرفت ان هذا شي نشوفه مشكله عند الكل وهي اساسا مو مشكله !

لما شفت حال بنات غيري ذايقين المر مع ازواجهم ولا يحترمونهم ويهينونهم على اتفه الاسباب اقول الحمد لله ربي معطيني زوج لا يمد ايده علي و يحترمني

وبالنسبه لذكرى زواجكم انا اشوف انها مو حلوه لما يكون الطرفين عارفين ان والله هالتاريخ لازم يصير فيه شيء كذا راح ( يختفي عنصر المفاجاه )

يعني مو شرط يصير شي بنفس اليوم او بنفس التاريخ

لو بعدها بيوم او يومين عادي المهم في النهايه يصير

ملاحظه هاااااااااااااامه : لازم تتاكدين ان زوجك هاليوم ماعنده شي لاني مره سويت لزوجي مفاجاه والاخ كشخ ولبس فكرته عشاني اخرتها طلع عنده عشا هههههههه



____________

وبالنسبه لمشكلة زوجك مع اخوه باين على اخوك انه شهم ويخاف على اهله وجماعته ولا ماكان وقف معاه سواء كان يستحق او لا

فا مالك الا الصبر على هذا الموضوع وكل المسائل وقت وتعدي ان شاء الله اهم شي لاتزعجينه بالموضوع ترا الرجاجيل مايحبون احد يتدخل في مشاكل تصير بين الاخوان انا اخوي عنده مشكله تقريبا مشابها لها مع اخوي اللي اصغر منه ولما زوجته كل شوي تزعجه بالموضوع تهاوش معاها


والله يوفقك ويكتب لك اللي فيه الخير

[مشاعل الدوسري]

المستحيله
مشكوره على الدعوه و على مرورك الله يوفقك

آحسآس آنثى
مشكوره على كلامك و دعوتك و الله يوفقك انشالله
ياحرام مايصير كذا على البنت كل شوي في بيت ماكو استقرار
حبيبي لا يكسرون خاطر قلبي يعورني على الاطفال اللي اهلهم ينفصلون عن بعض حتى لو كانو كبار تأثر بلنفسيه..


Cla$sίς ĠįяĻ

مشكوره حبيبتي على مرورك و كلامك بلنسبه لامه هي تزوجت من فتره و فجأه ارسلت لزوجي انها تطلقت و وضعها تغير و
فجأه ارسلت خلاص زوجي ماله علاقه و وضعي تغير اله و اعلم شنو حالها انشالله ما يكون بس زوجها اللي مانعها
او انها تطلقت و مفتشله تبين حق زوجي عشان مايشمت فيها ..الله و اعلم بحالها لو حتى هي ماتشوفه عندها ظروف اهلها مايسالون و لا يطلبونه ابد ولا مرررررررررره الله المستعان.. انا خايف ان ماتقدر تشوف ولدها مو من صالحها و لا من صالح الولد..


صيته

انا كاتبه الموضوع عشانك هههههههههههه

بلنسبه اني ابكي دموعي اربع اربع لكن ما اصارخ بعض الاشخاص من التعب يقول لااااااااااااااااااااا مااقدر تعبت لاااااااااااااااااااااااااااااااااااااااا هههههههههههه
فهمتي قصدي قاعده جنبه و اصيح لكن بهدؤ بس دموع و كم شهقه و اه هههههههههه الوصف بس

و بخصوص ان اجهز شي حق ذكرى زواجنا بس بسوي شي عادي
يعني لا جاء من الدوام بيشوف الزينه و بيشوفني كااااااشخه بس

و بعدها هو في كلا الحالتين عنده تمرين العصر فا لما يرجع بيكون الاكشن باليل عادي بفأجأء اكيد بيتفأجأء لان قميص نوم حق عروس ههههههه بيقول شسالفه احس..
ووو بس ممكن أعزمه على العشاء .. علشان مااسوي شي هههههههههههه ..


أو ممكن اروح لبيت أهله اقعد الين بعد الصلاة العشاء أقوله .. يجي و نروح نتعشى و بعدها لما نرجع البيت يبدأ الأكشن ..



عموما شاكره للكل مروركم و تعليقكم ...

بس أتمنى الافاده أكثررر بخصوص الأسأله اللي انا كاتبتها

[مشاعل الدوسري]

بلنسبه لاخوه بس قبل الراتب ب 5 ايام أقوله أرسله مسجمن الحين عشان يحط في باله ان انت محتاج

ووووووو أخوه مايقدر و ربي زوجي يحرررم نفسه و الثاني يمتع نفسه و أهله

و اذا ماعطه الا 500 اقوله من الحره رجعها له حق ايش كلف على نفسها كثيررررررررررررررر
و أنا أقد ابكي لان زوجي حده متضايق من اخوه و بنفس الوقت مااقدرأضغط عليه بلكلام فا التزم الصمت لكن هو يدري اني اتضايق علشانه ...
فا انا عن نفسي أستسلمت فا هلمره قاله ممكن تصير بيني و بين زوجتي مشكله بسببك انت
أساله اخوه ليش ..؟
قاله زوجي لان هي اللي هي انا تبي تدخل معهد و انا مو قادر اوفر لها هذا الشي

انت لو تلتزم كل شهر الف بخليها تدخل المعهد لكني اخليها تدخل و بعدين هي تنحرج في المعهد و

انا اتوهق صعبا ..

و لا قاله شي قاله خلاص برسلك 500 ..


المهم انا قلت لزوجي بسوي فلم على اخوك ....
الشهر الجاي هههه

اني زعلت و رحت بيت اهلي بسبب انك منت قادر تصرف علي ...


زوجي وافق هههههههه
زوجي معترف م اول مااخذني قال اخوي ما يهتم ماهما تسوين لهم يستفيد منك و بعده يوهقك ابو وهقاااات...

[مشاعل الدوسري]

خلاص كلمت أم ولد زوجي كان عندها ظروف مع زوجها و تقول الحين انحل الموضوع
و بنهاية هذا الاسبوع بنودي لها ..

[بشرى الحمود]

ماشالله عليك عقلك كبييييييييييييييييييييييييير وناضجه وعاقله وحكميه وطيبة وحنونه ...
اهنيك الله يوفقك ويحنن قلب زوجك عليك اكثر واكثر...

ترى عادي تلمحي لزوجك عن يوم ذكرى زواجكم ترى الرجال نسايين عادي مو معناته مايحبك ولا يهتم بس بعضهم مايعرف هالامور يحسها عادي وتمر مرور الكرام
لميحله وقولي اتمنى هالمرة تفاجاني بشي طلعه هديه مفاجاءه غريبه ...وكذا ازرعي فيه الفكره وخليه واكيد ماارح يخذلك ...
واذا حسيتي ان الايام تعدي وهو بينسي حطي ورقه على مرايتك زي احلى يوم بحياتي كان في تاريخ وحطي تاريخ الزواج ..
عشان ينتبه ومنها مايدري انه عشانه
يعني هذي فكره بسيطه
وانتي ماشالله حنونه وطيبه وذكيه وتعرفين تتصرفين ...
الله يسعدكم يارب

[noory]

واااااااااااو تعبت وانا ى اقرا ماشالله عليك
الله يسعدك يارب ةيحفظ لك بنتك وولد زوجك ي رب ويبرونك
تقبلي مروريودي لك..~