استفسار بخصوص مستشفى فرعون بجدة

[قمر للدنيا]

بنات جده الله يخليكم
انا ما اعرف شي بجده وباذن الله ولادتي رح تكون بمستشفى فرعون لانه اقرب شي من بيتنا
حابه اعرف كل شي عنهم ...
مين افضل دكتورة ...
وكم اسعار المراجعه عندهم ...
وكم اسعار الولاده ....
وهل خياطتهم زينه او لا ؟؟...
انا االان بالشهر السادس وكنت اراجع بمستوصف لكن قررت ابدا اروح اراجع بمستشفى ... شو رايكم بالموضوع ؟....
قريت كثير عن المستشفى وقالو افضل شي احمد مليباري لكن انا مستحييييييل اراجع عند دكتور رجال او اني اولد عند دكتور
لذلك حابه اعرف اكثر عن دكاترهم النساء لاني اكيد رح استحي اسال اي سؤال لدكتور ...
بانتظار ردودكم ياحوامل
واللي ماتعرف شي عن الموضوع اتمنى ترفعلي الموضوع ...

[&&جلنار&&]

السلام عليكم و رحمة الله وبركاته
منوره جده بوجودك ^^
زميلتي مدحتلي في مستشفى غسان فرعون وبالأخص الدكتوره عبير مره مدحتها كثييييير وهي ولدتها قيصري
لو تأميننا شامل هالمستشفى كان رحتها
بالنسبه للأسعار اتصلي وأسأليهم أفضلك

[كليجه]

ررررررررررررررررررررررررفع

[احلى من العسل]

الله يسهل عليه وعليك يارب

[قمر للدنيا]

تسلمولي اللي دخلتو ورديتو او رفعتو الموضوع ربي يرفع مقامكم
نستنى نشوف كمان باقي الحوامل مين عندهم فكره عن الموضوع

[قمر للدنيا]

وينكم ياحواااااااااااااااامل

[شهرزاااد]

والله انا ولدت فيها قبل 10 سنوات كانت روعة بس الحين ما ادري
والدكتور الي قلتي عليه لا يكون الي كان في مستشفى فقيه ترا ما يمدحوه تأكدي احسن
وافضل انك قررتي ما تروحي لرجال لانه ما يجوز الا لضرورة

[برومي]

ماانصحك تولدين عندهم..زوجة اخوي ولدت عندهم قبل 4 سنوات عند دكتوره سوريه بس مااعرف اسمها وبسبب خطأ طبي اتولد الطفل بنقص الاوكسجين بالراس وجلس 40 يوم بدون مايتحرك وتوفى ..الله يجعله شفيع لهم..ويرزقك الطفل السليم المعافى يارب..
بس حبيت انصحك وربي يكتبلك اللي فيه الخير..

[baylasan]

بس يلي اقوله بحق هذه المستشفى خصوصا قسم لولاده والتطهير للبيبي حسبي الله ونعم الوكيل عليهم هذولى جزارين ماهم بدكاتره أنا كانت ولادتى من اسبوع ولدت عندهم على النظام الجديد ماتولدك دكتورتك حسب الدكتور المناوب وكانت لينا يلي كنت براجع معاها وجا دكتور وبهدلني لا اعطانى مسكن وإسلوبه دفش ويبهدل الوحده داخله على مستشفى خاص دافعه يعنى ماهي ببلاش وداخله على ولاده اصلا تكون خايفه وهوه مثل الكلب بدلما يرفع معنويتها قلتله ابغى اخذ إبره ظهر وكنت اسألهم من قبل عليها قالولى عادى بتاخذيها وبس سرت بوضع ولاده وطلق الحيوان يقلي مالهليش تاخذيها وليش تتعرضى لهذه الاشياء ونحنا نبغا طلق يزيد وكنت اتألم وما اصرخ اقله. طيب مابغا إبره ظهر ولايادكتور انا تعذبت من الالم بالولاده الاولى جلس يتفلسف ويبهدل وبعدها وانا كان عندي طلق وهوه محسب ماعندي طلق وانا من النوع مانى بدلوعه اتحمل الالم ورح من عند وحاسه إنى سرت بدوخ ولا احد يقيسلي ضغطى ولا عدت اشوف بعيني وواكلهمعشاهم قرفنى لاقدرت اكله مكرونه وسبانخ قرفت جيت ارجع ولا سالونى إيش اكل بقائمتهم وتركونى ولا احد جا يشوفنى وبعدها احس نفسي إنكتو ودقات قلبى تخف هلكنى الطلق وكل طاقتى راحت بالطلق وبعدها سرت اصرخ واتشهد من وجع قلبي ونفسي مو قادره اتنفس واصرخ وقامو يجرو وسرت اخبط على قلبى شافنى كذا الدكتور اصرخ اقله إعطينى مسكن موقادره راح اعطانى إبن الكلب بعدما طلعت روحي ورلولا الله ثم القابله كنت شاطره وكويسه وعارفاني لانى ولدت عندهم اول مره وكانت المستشفى ممتازه والعنايه والاكل وتهون على وتقلى إنت قوى لاتخافي.وبعدها ساعدتنى لما سار عندى توسع عجلت على التوسع وساعدتنى والدكتور جا كمل مجزرته تركنى لين تمزع اللحم عندى والخياطه كانت عمى. كبيره وطويله وحتى معرجه وحتى إلدكتوره معرفتى يلي جايه مرافقه معايا شافت الجرح وتقله ليش كل هذا الشق لاهى بكريه ولاهىحجم البيبي كبير وقعد يخيط ويخيط وانا اشر لها خلاص تسكت ليركز بشغلهه وخرجتوبعدهاواقله دكتور انا حاسه باخياطه. ولاهوه هنا اعطانى ابره موضعيه بس بعدن بحس بالخياطه إتعذبت وبعدها يرجع. وبعدها راح ولد حالتين اوثلاثه طبعا بيكون جزار هوه وحظه لوكانت مناوبته جاهاحالات كثيره بولدها هوه والدكتور المناوب كام النظام افضل وماكنت ابغا انكشف على رجال وبعد الولاده اقول للدكتوره المناوبه حق ثانى يوم تعالي شيكى عالخياطه قبل لاروح بدون لاتشوفها تقلى كويسه كويسه الله يسهل إليك يادكتوره عبير جات شيكت واعطتنى ادويتى المره يلى قبلها وسألتها وإستفسرت عن الجرح الله يجزاها الحير بس هده المره الدكتوره الهنديه بالمناوبه ماتبغا تتحرك من كرسيها ويلي خلانى اكتب اليوم طهرت إبني وعجبو عليه مسكين الولد نزف ماهو مكفي الالم لاء كمان نزف وقطبوه غرزتين والله شاهد على مأقول ولي مسكته المسكن تعالو شوفو بس يروح المسكن اصلا بيتألم وقطب كمان ونزف حسبي الله عليهم إنشالله افتك من كذا مستشفى ولايحوجنى ربي لهم ولالغيرهم بس يلي اقوله إتقو الله في الناس.

[baylasan]

وطبعا بالنسبه لابني الحين لازم اراقب إنه ماينزف وآذا نزف لازم اخده فورا على الدكتور وتحت المتابعه لبكرا ولازم بكره ارجع اخذه واروح فيه كمان مره ليشيك عليه الدكتور واما بالنسبه لخياطى يلي مثل العممى لاكنت اقدر اجلس ولا انام ولما اجلس احس بألم وكأنها عمليه ماهي ولاده طبيعيه وحتى الخياطه في اماكن مشدوده واماكن عادي واطراف الخيوط ماهي قصيره طوله حاسه فيها بتنحت بجلدي. ربي كبير الله يطمني يويخفف عنا انا وولدى