قصتي مع مستشفى القوات المسلحه بالرياض

[هدوده]

السلام عليكم ورحمة الله وبركاته

ياربي مدري وش راح اكتبلكم
المهم اسمعوني لين انتهي وردو علي

انا متزوجه من سنه ونص ومن تزوجت كان عندي خوف ان زوجي يقربني لاني كنت احس بالام قويه وكل مره نحاول فيها كانها اول محاوله

فكرت اني اروح المستشفى ويفضوها لي ويريحوني

ووداني زوجي قالولي تعالي بوقت ثاني

ويوم رحت شافتني الدكتوره وقالت لي اني غشائك جدا سميك ماينفض الا بعمليه وتخدير

وحولتني للمستشفى العسكري وقبل لاروح اكتشفت اني حامل استغربت اشلون حامل

المهم يوم رحت قالتلي الدكتوره عادي يصير الحمل لانه لكل بكاره فتحه صغيره تخرج منها الدوره وانتي صارلك حمل منها المهم قالتلي مستحيل اخاطر فيكي انتي والبيبي بالمخدر خليها لين الولاده ونفضها لك/ ومشت الشهور وصرت الحين بناهية الخامس كل ما احس بالم اسفل البطن اقول عادي هذي الام توسيع الرحم جا يوم الاشعه الصوتيه ورحت فرحانه ابي اعرف جنس الجنين ااه بس الفرحه انقلبت الى بكي وخوف ورجعت ولا اعرف وش جنس الجنين والسبب انه مشيمتي مغطيه عنق الرحم
لاني من سمعت الخبر ماعاد طلبت وش جنس البيبي عطوني موعد للمستشفى العسكري عشان يتاكدون/ورحت اه ليتني مارحت ساعتين انتظر الاشعهويوم سووها لي طلع فعلا مشيمتي غطت عنق الرحم قالتلي انتي منومه فوق قلتلها لا قالتلي خليكي لين تناديكي الدكتوره واروح اجلس ساعتين وشوي تعطيني ورقه تقولي اطلعي فوق غرفه رقم 8 وهي تناديك وربي يابنات اني جلست اربع ساعات ظهري صار بينفجر ورحمي حسيته يظخم والام فضيعه حسيت فيها رحت اقولهم انا لي اربع ساعات منتظره عصبو علي وقالولي انتظري دورك/وربي ياناس اني لو انتظر اكثر من ربع ساعه كان انفجرت المشيمه فيني وصار نزيف بسبب الانتظار والكرسي الي قاعده عليه حديد يجيب الموت شفت العالم الي يجون بعدي يدخلونهم وانا انتظر اخر مره دخلت معصبه عليهم وقعدت ابكي من الالم قالولي اسمك مو هنا ماعندك موعد ياربي ارجع انزل للبنت الي سوت لي الاشعه قالتلي الا كلمت الدكتوره /المشكله انه الدكتوره الي حاطوني عندها حاطين معها شاب متدرب وربي ياعالم انها تطلع الكافي اهي وياه وتقعد ساعتين والمراجعات ينتظرونها وترجع هي وياه تدخل ثنتين وتشوف وضعهم وترجع للكافي تريح اهي والشاب الي داخل خارج عندها مره قهوه مره كافيه الله يصلحهم/قعدتني مره ثانيه وقالت الحين بتجيك هنا/وجلست انتظرها لين شيبت حسيت بافرازات نزلت لي من الجلسه
طلعت وانا ابكي شافني دكتوربمكتبه

قلتله ممكن تعطيني من وقتك
وعلمته السالفه
وشاف اوراقي وقالي خلاص ارجعي للمركز الي حولوكي هنا وعطيهم الاوراق

وانا مراجعتي للمركز باقي عليه شهر
وقالي دام مافي نزيف عادي اذا نزل عليكي دم تعالي

وش اسوي فيهم لطعوني عذبوني بدون فايده لو قاعده ببيتي مريحه كان ابرك لي
والي ادري فيه انه البكريه الي مشيمتها بعنق الرحم تتنوم لين المشيمه ترتفع وانا اهملوني تكفون انصحوني

[المستحيله]

روحي مستشفى ثاني ...ان ما قدرتي تروحي حكومي روحي خاص الوحده الزم ما عليها صحتها...

[صمتي ناااار]

الله يسامحهم اكثر المستشفيات صايره كذا اهماااااااااال
وانا انصحك تروحي مستشفى ثاني يكون افضل
وان شاء الله بنات الرياض مايقصرون..

آسف اني ماأفدتك بشي بس ماحبيت اقرا واطلع بدون رد

الله يعينك ياقلبي

[na3ooma]

المستشفيات الحكومي في بلدنا ماتنفع ,كل يوم فضايح واهمال وبلاوي بالجرايد
ماادري كيف ساكتين عليهم
اذا قدرتي تروحي خاص روحي احسن لك الف مره من الذل حقهم الله لايحوج احد لهم

[برووق]

ربي يسهل لك وربي ماعندي خبره
وياااااارب بنات الرياض يفيدونك
ودي

[نور العيوووووون]

طيب روحي لمطينة الملك فهد الطبيه اسعاف روحي وقت وقولي فيني الم وبسوون لك فحص اذا شافو حالتك تستدعي نوموك وكملي اجراء اتك والله يكتب. لك الخير يارب

[رهوفة الرياض]

مثل ما قالتلك الاخت نورالعيون

روحي مدينة المللك فهد الطبيه

اذا حالتك تستدعي يسويلك تنويم

بس انتبهي لا يكشوفون عليك كشف مهبلي

والله يتتم حملك على خير يارب

[حِلمْ الأُمـوُمَـهـْ]

آآهـ يالمسستشفى ذآآ حسبي الله عليهم ,, مآيحتآآج تحذرينآ منه أخذت منهم العذآب مآيكفي ,,

أقووول لآآآعآآد تروحين للمستشفى الخآآيس ذآ لووو إيش ,,

مدينة الملك فهد الطبيه كثيررر يمدحوونهم روحي للطوآرئ ورآح يدخلونك على طوول ,,

ربي يقوومك بالسسلآآمة إنتي والبيبي يآآرب ,,

[المستحيله]

روحي المدينه الطبيه او التخصصي او الحرس بس عن طريق الطوارى لا المستشفيات هذي صعب تفتحين عندها ملف...
او روحي للحمادي فيه ناس يمدحونه..

[شذى الجنوب]

تبغي خاص

عندك بالسويدي دار العلاج دكتورة طيبة انا اراجع عندها ماشاء الله عليها عسل وفاهمه بحملي الاول والثاني الحين واراجع عندها اسمها غادة

دوامها من 5 العصر لين 11 الليل