حامل في التاسع واعاني من مشكلة

[عطر فواكه]

السلام عليكم اخواتي

اول شي الله يتمم عليكم ويسهل حملكم يارب
ثاني شي انا اعاني من مشكلة وهي ضيق النفس بسبب ان احيانا اللي ببطني يرتفع لفوق ويضغط عالرئتين ويجيني ضيق تنفس واصير بحالة مايعلم فيها الا الله وتستمر من ساعة الى 4 او 5 ساعات وانا اكون بحالة صعبة
واذا نزل الجنين شوي تتحسن حالتي

ضيق النفس معروف انه يجي للحامل بس انا احس انه زايد ويكون شبه دائم عندي وماعرف لاانام ولااكل ولااتكلم براحتي بس تجيني نوبات ضيق شديدة بين كل كم يوم واذا جاني احط مخدات تحت كتفي عشان يرتفع صدري واتنفس او اجلس على طرف كرسي طويل ورجليني اخليهم مسدولين للاسفل عشان الجاذبية يمكن بهالوضعية ينزل الجنين شوي
ويكون فخوذي متباعدين مثل الجلسة عالحمام الافرنجي اعزكم الله جميعاا

ابي اعرف هل فيكم من صار له هالشي واذا ضاق النفس كيف تتصرفي وتتخذي اي وضعية عشان تسهل التنفس ؟ او وضعية مثلا تساعد على تحرك الجنين ونزوله للاسفل ليخف الضغط
على الرئتين


ابي مساعدتكم اخواتي ونصائحكم خاصة اني بكرية واول مرة
انا في امس الحاجة والله يعطيكم اللي تتمنون يارب

[فوضت امري لله]

الله يعينك وييسر امرك

والله ماعندي فكره صارلي 4 سنوات ماحملت ونسيت حملي السابق كيف اتصرف ---علما انه كان يضغط على بس والله نسيت وش كنت اسوي


وقلت مااطلع الاادعي لك بالتيسيروالولاده السهله والخلق الحسن

[ميآر [ مهند حيآتي ]]

الله ييسرلك حملك وولادتك ^^

ودي

[~* عبق الأنوثة *~]

الله يسهل عليكـ يآرب

[آروى الورد]

الله يكون في عونك

انا الحين بالتاسع وحملت قبل كذا جد يجني ضيق بالنفس بس اقدر اتحمله

مدري والله وش وضعك اذا رحتي لموعدك قولي لدكتورتك ان شاء الله يكون طبيعي

وماتشوفين شر يارب الله يسهل لك

[آحسآس آنثى]

الله يسهل عليك اختي
انا كان يجيني ضيق تنفس بس بسيط واذا طول كنت اجلس على السرير و امد رجولي واحاول ارفع صدري حتى اقدر اتنفس لدرجة حتى انام وانا جالسه

[نيوتيللا]

ياحياتي أنتي أنا نفس حالتك. أنا بدخل التاسع وأوقات أحس اللي ببطني يرتفع وأعجز أتنفس وأحس نبضي مدري وشلون بعدين أخاف يجيني شيء يجلس معي مده بعدين يروح وعند النوم حاله مائعلم فيها إلا الله بس أتوقعه عادي بس تصدقين ودي أعرف وش السبب اللي يخلي الجنين يرتفع كذا بسال دكتورتي عندي مراجعه السبت ولازم أعرف منين لأني تعبت مره عالعموم حبيبتي كل هاللي يجئنا على أجر أن شالله حملته وهنا على وهن

[ام جنى24]

الله يعينك ويعينا انا بعد بتاسع وزيك نفس الحاله واللي اسويه ارفع صدري على فووووووووووووق
الله يكتب لنا الاجرررررررر

[عطر فواكه]

اهلين خواتي

مشكورات على الردود
والله مدري وش اللي يخليه يرتفع لفوق
بس لما تجلسي على كرسي لو كنبة وتخلي فخوذك نازلين ومفتوحين احس انه يبدا ينزل بس احيانا يطول ماينزل بسرعة
بس والله معاناة وتعب والله ياجرنا ان شاء الله

وان شاء الله سهالات للجمييع يارب مع التوفيق

[سرووءة]

انا من منتصف الشهر السابع
وهي بتصيبني كتمة وضيقة نفس
خصوصي بعد الاكل
او وقت النوم وابقا جالسة على القاعد
عشان اتحسن ونفس الشي
لحتى تروح لحالها