ولد أخوي ذو الجسد النحيل ؟؟

[أسيرته]

السلام عليكم ورحمة الله وبركاته
مسائكم خير حبايب ..
بتكلم عن ولد اخوي هذا الولد اعشقة اموت فيه وودي تساعدوني
الله يحفظ لكم عيالكم واساعده واساعد اهله عليه ..
المهم هذا الولد تخيلوا ياجماعه عمره سنتين وشهر وايام ووزنه 10 كيلوجرام فقط تخيلووووا حتى الأطباء انجنوا يقولوا حرام عليكم نحيف مره لازم تغذية طبعا عملوا له تحاليل وكل شيء سليم الحمدلله ..
طبعا الولد حركي جدا ماياكل بالقوة ياكل معاهم ع السفرة لقمتين وع طول يحرقها باللعب والحركة جربوا يعطوه ملعقة وصحن ياكل فيه لوحده كمان مافي فايدة يضل يلعب في الأكل وماياكل اعطوه حليب بدياشور ماجاب نتيجه ولسى مستمرين عليه
مررره ماله شهية للأكل ..
ياليت ياأمهات تعطوني فكرة أو حل عشان تنفتح شهيتة للأكل واشوفه دبدوب

[أسيرته]

اكسبوا أجر الضعيف وردوا ياأهل الخبرة

[بنت السيل]

والله الى عندكم عندي ولدي الله يصلحه الحين داخل ثلاث سنين وزنه عشره كيلو مايقعد مره يطلع عيني علي الاكل يليت الاقي حل واشوفه دبدوب

[أسيرته]

المشاركة الأصلية كتبت بواسطة بنت السيل

والله الى عندكم عندي ولدي الله يصلحه الحين داخل ثلاث سنين وزنه عشره كيلو مايقعد مره يطلع عيني علي الاكل يليت الاقي حل واشوفه دبدوب

مشكوورة يالغلا ع المرور
يكفي إحساسك بالمشكلة
الله يعيننا ويعينك ويصلح هالأولاد يارب
ولد اخوي الله يصلحه تذبحينه ولا تقولي كل ؟؟

[أسيرته]

ياااااامن يشاهد الموضوع هل من رد
هل من مساعدة ؟؟؟؟

[قمر بيت أبوها]

ياحبي لك وربي فيكي الخير الله يرزق عيالي عمه مثلك
النحافه لو اهله نحاف عمه خاله اي احد وراثه
ومن جهه ترا فقر الدم ينحف
ومن جهه لعب الطفل بكثره
عندي حل بس ماابي استاثم بالولد ههههههههه
اشتروا له بلاستشن وخلوه يلعب مره
بتلاقون ياكل وهو مقابل الشاشه وبسمن
ومن جهه ماعرضتوه علي مداويات شعبيات
انا حسب اللي سمعته من وحده بالجامعه تقول بنت اختي كوينها وسمنت طلع معاها شي بالبطن ماادري دود
الشاهد العجز الطبابات يعرفن لو برياض ودوه لسوق الحجاب جربوا
ووحده من عايلتنا عيالها ماشاء الله
واشم معاهم ريحة محلب بس كيف طريقته ماعلمتني
حسد الحريم وانتي فيه ابخص
ان شاء الله اني افدتك

[ياورد]

هههههههه الله يجعله يسمن فعلا عيال اختي نحاف مرره عضام وودتهم لطب شعبي وقالت فيهم شوكه عاد هاذي تجي عند القفص الصدري بدايته اضن زي الدبوس وكوتهم بس كويتين بصدورهم وماشاء الله تبارك الله تعافو وواحد كان نحيف ومزكم من يوم ولد وراحت الزكمه وتعافا جسمه فاحسن شي اعرضيه لطب شعبي ثقه والله يكتب الي فيه خير

[أسيرته]

قمر بيت أبوها
ألف شكر حبيبتي ع ردك
ورب ييكفيك شر كل من به شر ويحفظك يااارب
الحق ينقال امه نحيفه وكمان أخواله وماجربنا نوديه لشعبية هو له موعد قريب عند طبيب تغذية
بياخذون له تحاليل وبنشوف يارب يعافية حبيب قلبي
ولسى صغير ع البلايستيشن قولي هوجلس أصلا عند التلفزيون حتى مشاهدتة للتلفزيون
وقافي وهات فرفره الله يصلحه
يسعدلي قلبك عسل ..

[أسيرته]

ياورد مشكووورة غلاي
مادري ياقلبي مااظن يتحمل الكوي
وماتدرين بهالزمن وين الثقة من اللي موثقة الكل يجري خلف المادة
الله يسمنه بالعافية يارب

[قمر بيت أبوها]

المشاركة الأصلية كتبت بواسطة أسيرته

ياورد مشكووورة غلاي
مادري ياقلبي مااظن يتحمل الكوي
وماتدرين بهالزمن وين الثقة من اللي موثقة الكل يجري خلف المادة
الله يسمنه بالعافية يارب

فيه وحده بالقصيم اسمها ام فيصل الغماسيه يمدحونه بالقصيم
ودوه هو وامه مره وحده والله يكتب لهم الخير ه