هل لمشكلتي حل؟؟؟؟؟؟؟؟

[القلوب الجريحه]

اه ياربي لك الحمد والشكر يارب
انا الصراحه عندي مشكله صغيره
اني حامل ووصتني الدكتوره ان اكون مرتاحه واكون جالسه على ظهري ولا ابذل اي مجهود
لكن حماتي جايه السبت الجاي وانا محتاسه من يوم قالت لي انها جايه
والله اني احبها زي اختي بس
من ذاك الوقت ادق على الناس ابي شغاله بالاسبوع لقيت اللي تقول على الاسبوع الف وللي تقول على اليوم 300ريال والله احترت
نفسي ياخواتي تساعدوني ابي شغاله ضروري بحد المعقول واله حرام الف ريال قلت لصاحبة الشغاله الصوماليه عادي ادفع 700ريال كل يوم ميه لكن هي رفضت بتاتا قلت لها شقتي صغيره وماعندي عيال قالت لي مافي الا الف ريال ولا بس يلله لقيت هالفلوس بالغصب لان راتب زوجي ما يجي يوم 3الا عالحديد كلها للقروض وحقوق الناس وحق دكتورتي اشجان
والله لولا الظروف الماديه ثم انه اول حمل لي بعد 8سنين انتظار
ما اخذت شغاله بس وش اقول
نفسي
تنحل مشكلتي
ساعدوني ابي شغاله بالاسبوع بحدود700ريال
انا من سكان الدمام

[دلوعه موت]

الله يساعدك ويعينك

[مناهل]

الله يسهل امرك ياختي ويعينك
لو من الشرقيه ماقصرت معك بس يجي من يفيدك

[أم حمزه]

ياحبيبتي لايكلف الله نفسا الا وسعها .. ليش تحملي نفسك فوق طاقتها خلي زوجك يساعدك في شغل البيت وحماتك اذا جت هي اكيد دارية بالوضع ومافيها شي اذا ساعدتك في شغل البيت ومش بالضرورة تكون الشقه تبرق ... كل يوم نظفي غرفه مثلا
ال700 اللي باتعطيها للشغاله أنتم أولى بها ممكن توفروها للبيبي أو لمصاريف الولاده
الله يعينك وييسر أمورك

[لاميتا]

ما فيا شي لما بتجي ئليلا انو انتي خايفة ع حملك
و هي طبيعي انو تقدر وضعك
خاصة انو بعد تمن سنين
او فيكي تستعيني بامك او اختك او صديقاتك

[القلوب الجريحه]

والله من يوم حملت مره تساعدني اختي ومره اختي المتزوجه والله ياخواتي بكيت بكى كاني سمعت خبر وفاة عزيز على قلبي
عندما شفت امي الغاليه على قلبي وتاج راسي تشتغل وتنظف بيتي يالله
يالله يالله يالله يالله احس اني عقيتها مع انها كانت فرحانه نفسي الموت جاء ياخذني هالوقت
كرهت نفسي اكثر وكرهت زوجي اكثرو اكثر لكن وشو يسوي هو مايعرف يطبخ بس يعرف يكنس وينقع الصحون والقدور فقط وتعرفون شغل الرجال مهما فعلو مو زي الحرمه
يارب فرجك
وحماتي هي ساكنه في ديرتنا معروف الوحده منا تنكرف كرف لا مطاعم ولا مغاسل ولا شي كل شي في البيت هذا عادتنا اللي ساكنه في ديرتنا
وهي اخذت اجازه هي وزوجها راحه
واخليها تكرف بعد عندي والله احس ظلم لها بس ان شاء الله الاقي شغاله المشكله بعض الحريم يستغلون المحتاجات مثل حالتي او اللي على وشك ولاده او اللي تنتظر شغالتها تجي وهي مدرسه ياخواتي خافو الله في هالغلى في الايجار
خير الامور اوسطها

[أم ريـم]

يااا حياااتي الله يكون بعووونك

[احلى من العسل]

انامن جده بس فيه مكاتب يئجرون شغالات بالساعه ممكن تسئلي وتاخذي وحده كم ساعه تنضف وتروح
ومافيهاشي لوخواتك ساعدوك
الله يكون بعونك ويساعدك

[صبُر]

هونيها وتهون
وعأدي مافيها شي إن امك واخواتك يساعدونك
هم عارفين ظروفك واكيد تهمهم راحتك وصحتك وصحة جنينك
اما عن حماتك عادي قولي لهأ أن وضعك مايسمح بزيارات هالفتره
واكيد راح تتفهمك
بس لاتضغطي على نفسك ولا شي
ويارب تولدين بالسلامه
اما عن الشغاله مأعرف =(

[ام حزوومي]

ياحياتي والله حاسه فيك بس لاتحملي نفسك فوق طاقتها وممكن تحيبي وحده يوم واحد ترتب لك الشي الثقيل ووتمسح الجدار والابواب والدواليب والباقي تقدري انتي تهتمي فيه وحاولي ماتجمعي الشغل عليكي يعني اول باول واكيد حماتك راح تساعدك من غير ما تتكلمي