يا ناااس بنتي ما يبقى في بطنها شي..

[عيـ سعود ـون]

صباح الخيرات والليرات والذهبات
وشسمه اذكر اخر مره دخلت فيذا وانا اسحب كرشتي
بس للاسف ضيعت نكي واضطريت اسجل من جديد
ندخل في الموضوع:

انا بنوتي عمرها ثلاث شهور واسبوع بالضبط
ومن يوم جبتها للحين وهي تستفرغ كل حليبها
اعطيتها بالبدايه حليب سميلاك وبعدين غيرته لسميلاك كمفورت عشان
كان معاها مغص
وبعدين مافاد معها ونصحتني وحده بنوفالاك واخذته ناسبها للمغص
بس مافاد باقي تستفرغ
وبعدين اخذت لها من راسي بليميل بلس وزاد استفراغها
(لاتلوموني قليلة خبرة هذي اول مولوده لي
وبعد ما يئست رحت لدكتور اطفال بمستشفى الجافل وصرف لها نوفالاك اي ار
مضاد للترجيع مع شراب
واحس برضو باقي تستفرغ
وزنها بس 4 كيلو وثمانمية غرام كل من شافها قال بنتك كأنها بالاربعين

علموني وش اسوي معها الله يسعدكم تعبت حيل حتى في الزيارات لما ارضعها
تبهذلني بالمره توسخ نفسها وتوسخني معها

ولكم جزيل الشكر

[نوره عثامنه]

والله ما عندي فكره بس انشالله البنات يفيدوكي والله يشفيلك ياها

[عنقود عنب]

إن شاء الله قدامها العافيه
وديها دكتور ثاني ولاتكثرين تغيير الحليب لاتتعب معدتها زود
ورضعيها من صدرك يختي تزيد مناعتها وخفيف على معدتها
وإذا بتعطينها رضعات صناعيه ترا سيميلاك معروف ثقيل أشوف أحسن حليب للأطفال رونالاك ونظمي وقت رضعتها لو عطيتيها في وقت ماتحتاج راح تطلع الزايد أكيد وأهم شي خليها تتكرع ولاتحركينها واجد بعد الرضاعه وخليها مرفوعه بعد الرضاعة 25 دقيقة عشان ينزل الحليب هذي وصاني عليها الدكتور
عموماً أذكر أمي كانت تقول لي بعض الأطفال كذا يبتلون يستفرغون الله يكرمك ألين يتمون السنه عاد شوفي الدكتور وش يقول وعطيها كمون بموية بس خففيه يمكن براد داخلها يوم الولادة وأدهني بطنها بزيت زيتون ترتاح من المغص بإذن الله
ولاتنسين تدفييينها وأهم شي راجعي الدكتور عشان مسألة الوزن
ربي يحميها لك ويرزقك برها

[4يو]

حبيتي انا بكري كان زي بنتك ماخليت دكتور ولاحليب الا استخدمته حتى تصوير اشعه سويت وقت الرضاعه واكتش الدكتور انه الوضع عادي لانو العضله مدري فم المعده وسيع وبعد السنه يقفل طبيعي من نفسه يعني لاتخافين هذا شي طبيعي وانا اعطني الدكتور حليب الصحه الحمد لله كان مناسب ولدي ماشاء الله الحين عمره 6سنوات وبخير

[عطر فواح]

الله يخليها لك يارب
سبحان الله كأنك تتكلمين عن بنتي بنفس عمر بنتك وجننتني با الترجيع وزنها 4بس
وديتها الدكتور وصرف لها بليمل بلسar الخاص بالترجيع والحمد لله كأنها احسن من قبل مازال الترجيع لاكن اخف من قبل ع الاقل يجلس في بطنها لو شويه جربيه لبنتك وان شاء الله يفيدها انتبهي ترا تتعبي معدت بنتك بتغيير حليبها كل شويه ولا تنسي ارفعيها بعد ماترضعيها ع الاقل 10دقايق

[أم ترتيل]

حبيبتي عادي هدا طبيعي للاطفال بس لا تغيري الحليب واايد مو زين لمعدتها ومافي افضل من حليب الام اخف على معدتها وخليها تتكرع بعد الرضاعه , انا كنت استخدم سيميلاك لبنتي للمغص وبعدين سيميلاك كومفورت بس حسيته ثقيل واايد والحين استخدم لها نوفولاك اي تي 1 خاص للمغص ارتاحت عليه واحسه خفيف وماله ريحه. الله يشافي بنوتتج وتصير بخير وصحه

[همس آلوجدان]

الله يخلي لك البنووووووته
خيتو تغيير الحليب للطفل يخليه كثير الترجيع حاولي تثبتي على حليب واحد
وانصحك برونالاك وطبعا رونالاك انواع اخدي المناسب لطفلتك ..

واني عن نفسي بداية الولاده كنت ارضع طبيعي ولمن قمت احاول اشربه صناعي
كل مره اشربه يرجع قرابة لمدة شهر لين ماتعود على الصناعي ..

ولد حماتي كذا الحين هو بعمر ولدي بس اصغر منه باسبوع لمن تشربه امه صناعي على طول يرجعه لانه متعود ع الطبيعي

حاولي تعودي بنتك ع حليب معين ورضعات صناعيه معينه وان شاء الله تتعود
بالتوفيق

[حسنا]

الله يشفيها يااارب العالمييين

[وضوح وشموخ]

عادي جدا انا ابني البكر خلص 5 شهور وهو يطلع بس كانت مرت اخوي الله يذكرها بالخير تطمني وتقولي والله اولادي يجلسون لين الشهر السادس البعض تكون معدتة حساسة
انتي خذي حليب خفيف وخليك لاتغيري النوع كل شوي لان الترجيع مو من الحليب من الطفل نفسه وبعد كل رضعة حاولي تخلينة يكرع
والله يعافيها لك ويسهل لنا الولادة ويرزقنا الي نتمنى امين يارب