تغيرات سريعه في الحمل .. بليز ابي ردوود

[إحسآس]

بسم الله الرحمن الرحيم
السلام عليكم ورحمة الله وبركاته


كيفكم حوامل

إن شاء الله بخيييير

انا احمل نهاية الرابع مرررره .. يوم يومين وداخله ع الخامس

المهم ياحوامل ..

فجأه بطني برز وفجاه حسيت بألم الظهر وفجأه بالثقل


بطني برز خلال يومي يعني صار مدور من بعد الصدر مباشره لييييين الرحم


ظهري صار فيه ألم من عند اكتافي لييين الحوض


الثقل احس هالثقل للي بالشهور الأخيره الثامن والتاسع

حتى قومتي وجلستي صارت غير فجأه

حتى لمن اجلس ع الأرض احس بطني يضايقني

وعندي خفقان مستمر وضيق تنفس ...وآلام بالحووض ..

واحس يديني كأنها بدت تنتفخ (كفوفي)


انا مستغربه من هالتغيرات السرييييييعه + احس انها المفروض تصير في الثامن والتاسع



ابي اجاباتكم .. الله يتمم حملكم وتقر عيونكم بشوفة ضناكم

[احلى من العسل]

حبيبتي روحي المستشفى وشوفي الذغط احتمال يكون عندك بدايه ذغط حمل تطمني حبيبتي على حملك ونفسك الله يتمملك على خير

[إحسآس]

مشكوره اختي احلى من العسل ...

وينكم ابي ردود عشان

لو الحاجه تستدعي للمستشفى اروح الصباح

[احلى من العسل]

حبيبتي لاتستني احدهنى لسن طبيبات انتي ادرى بنفسك احتمال الي حصل معك مومثل الي حصل مع وحده ثانيه والاعراض تتشابه فاالافضل انك تروحي لطبيبتك وتتطمنين يكون احسن خصوصا ان التغيرات سريعه ومفاجئه

[إحسآس]

مشكوره اختي احلى من العسل

يعطيك ألف عافيه يارب

انتي الوحيده اللي عبرتيني

بعد شوي رايحه المستشفى ...

[ماروكوو]

طمنينا ياعسل بس اتوقع طبيعي ياحلوه مافي حمل من غير ماتتعب الوحده

[سهاد-الروح]

احساس كلام احلى من العسل صحيح انا اسمع الي تنتفخ يدينها انه ضغط وارتفاع الضغط للحامل مو كويس روحي حبيبتي ع المستشفى وطمنينا وان شاء الله ما قدامك الا العافية...

[غرام الوجدان]

انشاء الله مافيك الا كل خير بس افضل قيسي ضغطك وبالنسبه للثقل والبطن انا مثلك حبيبتي تجيني أيااام احس اني مرررررره خفيفه واياااام احس بثقل والم في الظهر مثل ماوصفتي وكمان أطرافي بدأت تنتفخ .... نصحتني الدكتوره اني دائما ارفع رجلي عن الارض وخذت لي تحليل زلال طلع مرتفع عندي + وبعدها طلبت مني تحليل تجميع الأبوال وانتي بكرامه لمدة 24 ساعه لأني سبق وتعرضت الى تسمم حمل .... نصيحه حبيبتي روحي للدكتوره وطمني حالك

[احلى من العسل]

قدامك العافيه ان شالله وطمنيناعنك

[إحسآس]

مشكورات حبيباتي على الإهتمام

الله يسعدكم ويتمم حملكم



رحت المستشفى اليوم وماكان فيه إلا دكتوووور.. زوجي قال خليها وقت ثاني

بس دخلت على دكتور الغده << عندي كسل في الغده

وسوى لي قياس الضغط طلع كويس

بالنسبه للنفخ .. الظاهر يتهيأ لي ان كفوفي صارت املى .. لأن حتى الدبله لازالت واسعه

وعن آلام الحوض والعظام .. سوى لي تحليل الكالسيوم قال لأن يمكن عندك نقص فيه .. طلع كويس


بالنسبه للثقل احس ان اليوم اخف من امس بكثير

بس يبيلي ادخل ع الدكتوره الأيام الجايه ..

لأن احس شي خشن في الرحم من تحت مره .. مع اني لما قلت لها المره اللي فاتت قالت هذا طبيعي

بس يمكن لأن تفاجأت بالثقل مرره من بعد صدري لين الرحم من تحت .. ولازلت مستغربه مع ان خف اليوم


بس أحس بدري ع الثقل .. لساتني بدخل الخامس