قائمة تجهيزاتي .. للي حابين يستفيدو .. و اللي عندهم آراء و انتقادات بناءة

[Leena.A]

بسم الله الرحمن الرحيم

السلام عليكم و رحمة الله و بركاته

كيفكم يا حلوين و كيف بيبياتكم و أجنتكم ؟؟ إن شاء الله كلكم بخير و صحة و سعادة

كتبت قائمتي للتجهيزات اللي حاجهزها ان شاء الله
و في بالي اللي من السعودية و اللي من هنا عشان لا اشحنه و هوا موجود
و لأني نازلة السعودية قريب بإذن الله مبسوطة اني حألحق تخفيضات سنتربوينت اللي أسعاره أصلا حلوة و رخيصة و بضاعته ممتازة حسب تجارب أختي في سنتربوينت و مذركير و الهرم ..
بس حلو لو كانت مخفضة أكتر عشان اوفر فلوسي استخدمها لأشياء تانية
فــ حاقضي من دي المحلات التلاتة بإذن الله

و حبيت انسخلكم اللي كتبتو يمكن تستفيدو منه في ترتيب قوائم تجهيزاتكم
و لو لقيتو شي ناقص أو ضروري و ما كتبته قولولي الله يعافيكم

طبعا قائمتي عاملة حسابي فيها اني حاولد هنا بعيد عن أهلي و ناسي و صحباتي

يعني في الغربة ما تجيني نفس الهدايا زي في البلد .. كل اللي موجودين في بلدتي ينعدو ع الأصابع ..
يعني ما عندي ضيوووف ولا زيارات كتير فما جهزت توزيعات ولا اتكلفت لضيوف
و بالنسبة للأعشاب اخترت الأشياء الضرورية و المضمونة تقريبا حسب تجارب أختي و حريم أخواني و صحباتي و نصايح مامتي

آسفة اتكلمت كتيييييير .. اتفضلوووو ولا تنسو الآراء و الانتقادات البناءة

أدوات العناية من الصيدلية ..

1. زيت خروع .
2. ماء غريب أو ماء مقطر .
3. مسحة طبية .
4. غسول مطهر للمغطس .. ديتول .. طشت للمغطس ..
5. قرش السرة .
6. سودو كريم .
7. شامبو .. صابون جسم .. بودرة جسم .. كريم جسم .. عطر ليمون .. يعني مجموعة نضافة كاملة .
8. رضاعتين قزاز .. صغيرة و وسط .. لهاية .. معقم الرضاعات و فرشاة تنضيف الرضاعة .
9. حفايض بيبي .. مناديل تمسيح .
10. حفايض صدر .
11. شفاط الحليب .
12. فرشاة شعر و مشط .. قصاصة أضافر .. الماصة لتنضيف الأنف .. يعني مجموعة عناية كاملة .
13. تيرموميتر لقياس درجة الحرارة براون .


أغراض العطار ..

1. يانسون .. كراوية .. شمر .. كمون .. ميرامية ..


ملابس البيبي ..

1. كوافيل برباطاتها .. 4 للبيت .. 2 للخروج .
2. فنايل داخلية .. (0-3) 3 للبيت .. 2 للزيت .. (3-6) 5 للبيت .. 2 للزيت .. (6-9) 6 للبيت .. 2 للزيت .
3. بربتوزات .. (0-3) 4 للبيت .. 2 للنوم .. (3-6) 6 للبيت .. 3 للنوم .. (6-9) 6 للبيت .. 3 للنوم .
4. جونتيات 6 .. مريلات 8 .
5. مناشف 2 .. اسفنجة ترويش و ليفة اسفنجية .
6. شنطة و ملحف طقم .
7. طواقي 4 للبيت و الخروج .


غرفة نوم البيبي و الحمام ..

1. سرير و لحاف .. دولاب .. طاولة تغيير .
2. بانيو .
3. زبالة الحفايض .
4. كرسي هزاز .
5. عربية للخروج .
6. سبتين خزف لعدة الحمام و التيرموميتر و الحفايض .


ملابسي و أغراضي ..

1. أرواب حمل 2 .. روب ولادة 1 .. بأزارير .
2. بجايم حمل 2 .. بيجامة ولادة 1 .. بأزارير .
3. لبس مناسب للخروج من المستشفى .
4. سنتيانات رضاعة 2 .. كلوتات نفاس .

[سلافتي]

مرحبا .. الله يتمم لك ولي بأذن الله ويوصلون هالحلوين بالسلامه
بس عندي ملاحظات بسيطة :-
1-الرضاعه خوذي دكتور براون ماتسبب غازات للبيبي طبعا
انا مادورتها بس يقولون موجوده في سنتر بوينت والتميمي
والمزرعه طبعآ في الشرقيه أذا لقيتيها عطيني خبر(ادور عليها)
طبعا خوذي زجاج فقط
2-الميراميه تجفف الحليب وتزيد فرصة الحمل انتبهي
3-الكوافل خوذي 10 ماجربت بس يقولون ماتكفي مانتي خسرانه شي
البيبي ينلف الى 6 شهور يعني بتكرفيها
4-الملابس حسب الجو وبرضوه كثرتها احسن اذا ماعندك احد يغسل لك
ومافي شي اسمه بيت وطلعه وما ادري ايش البيبي الى شهرين دايم نايم
انا بكريه مثلك بس بحثي كثير عشان كذا عندي معلومات
وبس ادعيلي اليوم بروح اسمع نبض البيبي الدكتوره خوفتني لما جيتها
كان عمره 5 اسابيع تقول مافيه بيبي ان شاء الله تكون غلطانه يارب

[al-sham5h]

ماشاء الله احس تجهيزاتك حسب خبرتي المتواضعه كامله الله يهون علينا يارب ..

[fufualmoon]

ما شاء الله كللل شيء تقريبا كتبتيه
يعطيك العاافية
من جد استفدت منه
امور الصيدليه هذه كانت ممسوحه من عندي هههههه

[أم الحبايب]

الله يتمم لك على خير يارب

[احلى ليان]

ربي يتمملك على خير

[Leena.A]

المشاركة الأصلية كتبت بواسطة سلافتي

مرحبا .. الله يتمم لك ولي بأذن الله ويوصلون هالحلوين بالسلامه
بس عندي ملاحظات بسيطة :-
1-الرضاعه خوذي دكتور براون ماتسبب غازات للبيبي طبعا
انا مادورتها بس يقولون موجوده في سنتر بوينت والتميمي
والمزرعه طبعآ في الشرقيه أذا لقيتيها عطيني خبر(ادور عليها)
طبعا خوذي زجاج فقط
2-الميراميه تجفف الحليب وتزيد فرصة الحمل انتبهي
3-الكوافل خوذي 10 ماجربت بس يقولون ماتكفي مانتي خسرانه شي
البيبي ينلف الى 6 شهور يعني بتكرفيها
4-الملابس حسب الجو وبرضوه كثرتها احسن اذا ماعندك احد يغسل لك
ومافي شي اسمه بيت وطلعه وما ادري ايش البيبي الى شهرين دايم نايم
انا بكريه مثلك بس بحثي كثير عشان كذا عندي معلومات
وبس ادعيلي اليوم بروح اسمع نبض البيبي الدكتوره خوفتني لما جيتها
كان عمره 5 اسابيع تقول مافيه بيبي ان شاء الله تكون غلطانه يارب

آمييييين يآآرب يجيبلنا ساعة السلامة السهلة و يرزق كل من دعت و اتمنت الذرية الصالحة عاجلا غير آجلا يآآآرب ..

ما فهمت حبيبتي كيف الرضاعة براون ما تسبب غازات ؟؟ يعني تقصدي نوع حليب معين أو نوع رضاعة معينة ؟؟ أعتقد الرضاعة نوعها ماله شغل بالغازات .. و أنا جايبة الرضاعتين بس لليانسون و التمر المرقد .. و بإذن الله ناوية أرضع طبيييعي لأنه رزقه من الله ..
أما بالنسبة للأنواع قرأت من تجارب بنات كتير في كزا منتدى عن دي الرضاعات
Chicco & NUK & Philips AVENT
طبعا قزاااز صح أفضل للتعقيم و النضافة .. و كلها ألمانية و موجودة هنا الحمدلله .. و تلاقيها في السعودية في الصيدليات .. يقولو مررة ممتازة حتى حلماتها ما تلصق و مناسبة لعمر البيبي ..


الميرامية .. جزااااكي الله خيير انك قلتيلي .. تصدقي كنت احسبها تدر الحليب !! يبغالي ارجع اقرأ عنها و انتبه ما أشربها و أنا أرضع ..

الكوافل يمكن ازيد كم وحدة على قولك ماعندي أحد يغسل كل يوم

الملابس قلت اجيبها ع القد ما أزود .. عشان لا تزيد و ما تستخدم حرام .. و لو احتجت زيادة الاسواق موجودة

بالنسبة لملابس البيت و الخروج انا ماحاجيب اشياء مطرزة مثلا أو فيها شغل .. لأ بس اللي أقصده انها تنكرف أقل من حقت البيت و هنا عندي خروجاتنا مع ازواجنا و اصحابنا كتير .. فــ لبسين أو تلاتة كفاية لبرا البيت .. أفضل انها تكون مختلفة عن حقت البيت حتى لو ملفوف ..

تسسسسلمي على ردك الحلو و ملاحظاتك المهمة .. الله يطمن قلبك على البيبي و يقر عيونك بشوفته و سلامته

[Leena.A]

المشاركة الأصلية كتبت بواسطة al-sham5h

ماشاء الله احس تجهيزاتك حسب خبرتي المتواضعه كامله الله يهون علينا يارب ..

اللهم آميييييين .. تسلمي على الرد الجميل

[Leena.A]

المشاركة الأصلية كتبت بواسطة fufualmoon

ما شاء الله كللل شيء تقريبا كتبتيه
يعطيك العاافية
من جد استفدت منه
امور الصيدليه هذه كانت ممسوحه من عندي هههههه

فوفو القمرة .. انا كنت زيك في البداية ماااااني عارفة من فين أبدأ اكتب وللا اجهز وللا اشتري ..

أبغى اجيب كل شي و ابغى اسوي كل شي هههههههه بس ايش الاشياء ياربي .. مادري !!

إلين قرأت مواضيع البنات جزاهم الله خير عن تجهيز البيبي و استفدت منها و رتبت أفكاري و كتبت احتياجاتي حسب وضعي ..

انتبهي لا تنسي أشياء الصيدلية و تورطي بعدين

الله يسهلنا كلنا يارب

[Leena.A]

المشاركة الأصلية كتبت بواسطة أم الحبايب

الله يتمم لك على خير يارب

و إيااكي حبيبتي .. الله يتمملنا على خيييير و صحة سلامة و سعادة
و يقر أعيننا بشوفة و ضمة حبايب قلوبنا و سلامتهم يآآرب ..

تسلمي على الرد الجميل :)