ولدي والرضاعه الزجاجيه

[أسيرة الذكريات]

السلام عليكم ورحمة الله وبركاته مساكم الله باالخير أبي أستشيركم وأتمنى تيفودوني ولدي عمره سنه وسبع شهور تعبني في الرضاعه الزجاج مايبي ياكل الى والرضاعه بيده سوا فاضيه أوفيها حليب أوحتى عصير المهم تكون في يده أحاول أفطمه منها وأعوده على الكاسه بس مايبي والله تعبني وفشلني اذا رحنا مكان أو زارونا أحد واذا حرمته منها يقلب الدنيا على راسى ويكسر خاطري وأعطيه اياها .*للعلم انو عندي طفله عمرها شهرين ونص . أفيدوني بحل يرضيه ويرضيني؟

[عيش الحياة]

يا اختي حرام انتي شايفتو كبير على الرضاعة لسا صغير خلية يشرب حليب بالرضاعة حتى ثلاث سنين وبعدها علمية على الكاسة بس في كاسات حلوة في اشكال ومعاه الغطا ومصاصة انا اقول خلية على الرضاعة ولما يكبر انتقلي للكاسة ابو مصاصة عشان يشرب الحليب مفيد له لايصير يكره بعدين..... والله يحفظهم لك

[ليال الشتاء]

صدقت عيش الحياة باقي صغير خليه ياخذ راحته وبما إن عندك نونو حرام تفطميه منها لان كان عنده الامان بس انتي وابوه وجاء البنوته وتزعزع الامان شوي ولو تفطمينه حيتزعزع زياده واما عن مسكة الرضاعة عادي لازم بعد التغير اللي صاير عندك تجيهم (حاله غريبه) انا بنتي لما جبت اخوها بعد شهرين صرت كل ما اسويله حليب لازم اسويلها يعني كل 3 ساعات وخفت عليها من كثرة الحليب والحمدلله فتره وبعدين صارت عادي تاخذها قبل النوم او مرتين او ثلاث
خليه ياخذ راحته اختي فطمت بنتها لما صارت سنتين وعندها اخت صغيره نونو ترضع وتخيلي الحين عمرها يمكن 5 او6 لما تنام تمص في الهواء والله تقطع القلب
خليه براحته متى ماتركها خليها يتركها اهم شيء ما تأثر على نفسيتهم

[يارب احفظلي زوجي]

حبيتي انا عن نجربه لبنتي حطيت في الرضاعه فصي التمر وقلت لها شووفي الحرامي سوا فيها يعء وحطيتها في النافذه من برى كاني رميتها وهي تطالعني اخذت لها من الصيدليه كوب مع غطاء للصغار ولمى تقول ننه اعطيها الكووب بس والله لو تقطعينها مره وحده يكون اريحلك لاني تعبت بعد ابعدها عن الشرب بكوب عوديه بعصير مصاص كل ما طلب الرضاعه وقوليله رميتها من النافذه الحرامي شالها وكذا والله يسهلك

[أنثى برائحة الورد]

انا ابني عمره سنتين بديت بالتدريج معه اول كان ياخدها بالليل والنهار بعدين صرت اعطيه بس بالليل والنهار لما يطلبها اعمل له الحليب بكاسات الاطفال وبعدين قطعتها مره وحده عنه وما سأل فيها لانه اساسا من هو صغير ما اخذها ابدا رضاعته طبيعيه الى سنه وثلاث شهور بدأ ياخد الرضاعه فسهل علي اني افطمه منها كمان بتسد شهيته لكن الحين صار ياكل افضل من اول

بس ابنك انتي صغير خليه ع السنتين ابدئي افطميه

[حجــآزيــۃ]

باقي ي قلبي ولدك صغير خليه يخلص سنتين وبعدين عوديه تدريجيا مو فجأه بين يوم وليله يتركها لانه متعود عليها

الله يحفظه لك