فيني بوادر ولادة وأنا في الأسبوع 35

[بنت دار بوراشـــــد]

مرحبا خواتـــي شخباركم عساكم بخير...

أنا حامل في الأسبوع الخامس والثلاثين, وهذا الحمل صار بعد توقف 10 سنين وشوي لأني الحمدلله عندي بنتين وولدين وعيالي جبتهم ورا بعض ما في بينهم فرق كبير وكان عمري صغير ذاك الوقت وكنت قاعدة في البيت ما أشتغل, بس من بديت أشتغل وقفت الحمل وقلت الحمدلله اللي عندي خير ونعمه لحد ما أنتقل بيتي المستقل فيني أنا وزوجي وعيالي واللي هو على مشارف أنه يخلص باذن الله, بس الله راد لي اني أحمل عقب هالسنين باللي في بطني (الحمدلله على النعمه) ومن بداية الحمل وأنا أواجه كافة الصعوبات غير كل حمل مر فيني (ترجيع, لوعة جبد, متنرفزه, كارهه نفسي, حساسه) ووايد أشيا تحصل لي للمرة الأولى, وبديت أراجع عند دكتورة عراقية في عيادة خاصة من الشهر الثاني ولما سألتها عن هذي الأعراض قالتلي بأن هذا الشي طبيعي بعد الحمل عقب هالفترة الطويلة, ومرت الأيام والشهور وأنا أراجع في العيادة الخاصة وفتحت ملف في مستشفى دبي الحكومي في الشهر السابع (سوولي سالفة كان المفروض أفتحه من الشهر الرابع!) بس لأني كنت أتابع في عيادة خاصة قلت أفتح في الحكومي متأخر - عفوا أدري بأني قلت قصة حياتي بس حبيت أوضح الوضع أكثر :)- في يوم السبت الماضي ف نفس يوم وقفة عرفه رحت موعدي في العيادة الخاصة, سوتلي تخطيط ف بين عندها بأن عندي آلام ولادة خفيفة بس أنا قلتلها بأني ما أحس بشي, فكتبت لي على فيتامينات وعطتني موعد ثاني حق التشييك, البارحة على الليل زوجي عاشرني من بعد عشرين يوم تقريبآ قالولي لازم أخليه عشان المنطقة ما تيبس وياي, وبعد المعاشره رحت الحمام عزكم الله الا أشوف دم في الكلينكس وايد خفت على الجنين قلت لا يكون أتأذى ولا شي بس الحمدلله من شفت حركته نفس ماهي ارتحت, طبعآ زوجي صار لونه شاحب خاف وايد قلتله بأن لا يحاتي وان زاد علي بروح المستشفى, ضليت يمكن مال ساعتين وأنا أحس بضغط رهيب على المثانه ومثل نغزات في الرحم وكل ما أروح أشيك ألاقي شوية دم مع مخاط في الكلينكس, قلت بنتطر لين الصبح لأني ما أريد الدكاتره في المستشفى الحكومي يلعبون فيني ويشيكون كل حزه (فحص داخلي) الحمدلله قدرت أنام شوي نشيت الصبح أتصلت على دكتورتي وقلتلها على اللي صار قالتلي هذي بوادر بداية توسع رحم وعادي ينزل منك دم بس لا تروحي المستشفى الا لمن يزيد الوجع وطبعآ أنا من خبرتي أعرف متى المفروض أروح ونسيت أضيف سألتها بأني لو ولدت ألحين مافي ضرر على البيبي قالتلي لا لأن حجمه الحمدلله ممتاز ونموه مكتمل باذن الله...
هذي هي قصتي سوري طولت عليكم يا كروشات بس حبيت أشارككم هذي التجربة اللي تحصل لي لأول مره وفعلا كل حمل يختلف عن الثاني سبحان الله, ودعواتكم لي بأن الله يسهلي أموري باذنه, وعفوآ على الاطاله للمره الثانية...

[جلنار2]

الله يهون عليكِ ويقومكِ بالسلامة

[فليك]

اهلا و سهلا بيكي يا غاااليه
الله يخليلك اطفالك و يحميهم و يقومك بالسلامه يارب .
من جد لازم نرضى بالمكتوب و نحمده على كل حال - اهم شي الله يطمننا عليكي و نقرء خبر ولادتك بالصحه و السلامه يارب
تحياتي لكي .

[&الريحانه&]

الله يسهل عليك وتقومي بالسلامه انت واللي ببطنك

[!راما!]

لله يهون عليك يااا رب

[راجيتن الله]

الله يسهل علينا و جميع المسلمات

[بنت دار بوراشـــــد]

تسلمون لي على مروركم الطيب يا جلنار2, flake,الريحانه, راما, راجيتن الله

خلوني أخبركم اش صار معاي, أستمر نزول الدم عندي لين الفجر تقريبآ ومن بعدها توقف بس التقلصات كانت ما زالت موجوده بس شي بسيط ومش هي التقلصات الحقيقية وعدى هالكمن يوم على خير والبارحه على الليل كنت رايحه الحمام -عزكم الله- وشفت دم خفيف في ملابسي الداخلية خفت! لأن هالمره ما كان في جماع ولا أرهقت نفسي, انتظرت حتى الصبح اليوم وقلت لازم أروح المستشفى أطمن, رحت المستشفى وشكيت علي الدكتورة سألتني حصل جماع؟ قلتلها حصل من أربع أيام تقريبآ فقالت لي بأن هذا النزف الخفيف طبيعي لكثرة الأوعية الدموية في الرحم وفي هذي الفترة الرحم يكون جدآ حساس فالنزف بيظل لحد كمن يوم وهذا شي طبيعي, وفحصتني داخلي والرحم كان مسكر وشيكتلي على المشيمة والبيبي وعملتلي تخطيط والحمدلله الأمور كلها طيبة... ريحني كلامها على الأقل عرفت ليش الدم كان ينزل علي...

الله ييسر أمور كل الحوامل يارب ويسهل عليهم ولادتهم ويفرحهم بعيالهم سليمين معافيين ويرزق كل محرومه ومتأخره عن الحمل عاجلآ غير آجل يارب العالمين...

[همس 2]

الله يسسسسسسسسسسهل عليكي وتولدي بالسلامه ...

طمنينا عليكي ...

[ام التوأم ان شاء الله]

الله يسهل عليك وباذن الله يتمم حملك على خير وتفرحي بشوفة ضناك سليم تام معافى