كل ماحاولت انسي يذكروني من جد نفسيتي دمااااااااااااار

[بنت مكه20]

السلام عليكم ورحمة الله وبركاته


حبيباتي عارفه اني كثرة عليكم وخاصه في قسم اعراض الحمل باسالتي ومواضيعي ولكن لي اسبوع مهمومه وهمى مايعلم فيه الا رب العالمين

زوجة اخوي من رابع شهر حملت وجاءها ولد ماشاء الله وانا معتبرته كانه ولدي وبين وقت ووقت تقولي لاتحملي بدري ، لاتتعبي خليكي كذا اخرجي انتي واخوي(زوجي) وتمشوا بدون ماتربطوا نفسكم بعيال
ومو عارفه ان هالكلام يجرحنى ، ومره شافني اوخوي وقلي احسن لاتحملي بدري تسوي غلطتنا ماخلصنا 4 سنينن الا مرتين زوجتى حامل وهي الان على وشك الانجاب

وزجي مسكين حابه انه احمل وانا كمان ولكن صابرين ولي سنه الان متزوجه


الشهر اللي راح تاخرت شهر ونص وكامل وفرحت وقلت اخيرا راح اسكتهم


ولكن يوم 9 شوال جات وكانت 3 ايام والرابع طهرت وقلت خيرة
سلفتي لها 8 سنين ماحملت وراضيه هي وزجها ولكن من كثر النق عليها زوج سلفتي اللي هو ولد خالتي قال : انا وزوجتى احرار مانبي نحمل الان


المهم قبل اسبوع جاني خبر فرحني وزعلني مررررررررررررررره


الخبر : سلفتي حامل
والله فرحت لها من كل قلبي وهي كانها اخت ليه بس اللي مزعلني ان الانظار بدات عليه الان
واحسهم يقولون الكل حمل الا انتي وانا عارفه كل شئ بامر الله



هل تنصحوني اروح اكشف عن دكتورة والا لسى بدري لما اوصل سنتين اروح واكشف


مع العلم ان الدورة اللي قبل اللي راحت جات يومين بس والثالث طهرت
والدورة اللي قبلها يوم واحد


والاعراض اللي معي وقبل فترة شفت عند الثدي الايسر زي الخطوط من الجلد متحجرة شويه وجلست نص يوم وخلصت


المهم
الي معي الان الم في اسفل ظهري وبطني احس كان فيه كورة ونغزات واحيان حاله من الشبع غريبة يعني غداء مااتغدي


هل اذا تناولت حمض الفوليك يساعد لان زوجي راقض اتناول اي ادويه بدون حاجه

وفين ممكن القي تحليل كلير بلو في جده


والله احاول اشيل موضوع الحمل من بالي بس اللي جنبي مايرحمون

وزوجي لما عرف ان اخوه زوجته حامل قال يالله خلينا نحمل

[وسناء]

صباح الخير أخيتي
ليش تقولين مستعجلة الحين صار لك قريب سنتين وتقولين تنتظرين
انا خمس شهور وماقدرت اصبر اكثروكان ودي قبل بس زوجي كان يقول انتظري اشوي
انا من رايي روووووووووووووحي اكيد
وبعدين كذا الناس اذا الوحده حملت عالطوول تكلموا واذا ضلت تكلموا من راقب الناس مات هماً
أنتي روحي وخلي الباقي على الله
والله يكتب لك الي فيه خير وصلاح

[بنت مكه20]

مشكوره قلبي لانك الوحيده اللي عبرتيني وان شاء الله خير ودعواتك معي

[ام الهادي]

ربنا يفرج همك ويرزقك الذرية الصالحة يا رب روحي للدكتورة واتطمني وبالمناسبة من اسباب تاخر الحمل القلق والتوتر الدائم خلي نفسيتك مرتاحة وتوكلي على الله ولا تهتمي بكلام الناس

[زح ــمة ح ــكي]

انا صاري نفسك بالظبط تزوجت انا وبنت عمي وخالتي فيوم واحد وكلهم حملو
وكل الانظار كانت علي
انتي موحامل؟ ليش؟
كنت انجرح صراحه من هالكلام
بس رحت للدكتوره لقيت عندي التهابات وتعالجت منها والحمد لله
واستخدمت كلوميدمنشط للمبايض
والحمد لله على كل حال
بس اختي اكثري من الاستغفار
واقرئي صوره البقره كل يوم ولاتفكرين بالحمل ابدا انسيه هذا هو علاجك انشاء الله استمريت عليها والحمد لله حملت
وعقبالك يارب الله يرزقك الذريه الصالحه

[بنت مكه20]

انا من طبعي مااحب الادوية ولا اتناولها حتى البنادول مااشربه الا في الحالات اللي مره ماعاد اقدر استحمل الالم

وكل شي بامر رب العالمين


ابتوكل على الله وادري ماراح يخيبني

بس هل ممكن الوحده تحمل بعد الدورة بااسبوع

[سموة الشوق]

هلا وغلا أختي الغالية
نصيحتي روحي للطبيبة تكشف عليك يالغلا

ولاتهوجسين

وخليك من هالناس وهروجهم

ماوراهم إلا النق

اللقافة ورفع الضغط

لاحول ولاقوة إلا بالله

وطمنينا عنك يوم تروحين للطبيبة وش تقول لك

مافيك إلا العافية

الله يرزقنا واياكي الحمل بالذرية الطيبة من عنده ونفرح كلنا ياااااااااااااارب

[rose]

حبيبتي لاتزعلي الفوليك مايعتبر دوا بقدر مايعتبر انه حمض مهم للجسم وفعال انا اعرف انه يقوي الرحم ويهيئة للحمل باذن الله
كلير بلو تلقيه بجدة باي فرع من فروع صيدليات دان

[هڻدآ๓ــه]

طبعا روحي اكشفي..انا من 4 شهر من زواجي رحت كشفت

طلعت سليمه بعدها يشهرين زوجي حلل طلع عنده بطء بالحيوانات

نصيحتي اذا طلعتي سليمه خل زوجج يفحص..وباذن الله مافيكم الا العافيه

[دلـــوعــه عـــــبوديـ]

روحي حللي يمكن يكون عند كيس او التهابات او مو منك التاخير من زوجك ولازم هوا يحلل

انتي نفس اختي الحين صار لها سنه ماحملت وانظار الناس وام زوجها عليها
يارب يرزقها ويرزقك الذريه الصالحه