الي تعرف عن هرمون الحمل (اتش سي جي) تدخل

[زهرة الحياه]

السلام عليكم حبيباتي


بدخل بموضوعي ياخواتي واتمنى الرد بأسرع وقت منكم بأستشارتكم لي وخبراتكم

انا آخر دوره جاتني بتاريخ 26 شعبان واستمرت معي ثلاث ايام

رحت المستوصف خاص يوم 5 رمضان يعني اليوم التاسع من الدوره كانت حاسه إني حامل وسويت تحليل هرموني وطلعت لي النتيجه بعدها بيوم وكانت نسبة الهرمون 10 وقالت لي الدكتوره إني حامل وتوني في البداية يعني توهـ كان من خمس ايام تقريباً وقالت لي اكيد انا حامل وعطتني حامض الفوليك وانبسطت مرهـ وماكنت مصدقه من فرحتي
الموهم وعطيتني الدكتورهـ بعدها موعد بثلاث ايام علشان تتأكد اذا ارتفعت نسبة الهرمون ولا لا

انا مارحت بسبب زوجي ماكان موجود بسبب ضغوطات العمل
مارحت حللت الا بعد تسعة ايام وطلعت النتيجه وقالت لي الدكتوره مافيه حمل النسبه صارت 1 وعطتني موعد مره ثانيه بعد الاسبوع الرابع والحين انا بدخل في الاسبوع ارابع يعني اذا كنت حامل وهالاسبوع موعد دورتي واحس بألالم نفس الدورهـ وصدري ثقيل وحلمة الثدي صايره حساسه مره بس باقي ثلاث ايام ع الدورهـ او اربعة ايام


بصراحه تحطمت مره مره وقت ما خبرتني إنه مافيه حمل حسيت كأنه مويه بارده علي والقهر انه زوجي كان موجود معاي يعني حتى اهو مادري شلون حالته انصدم

مادري اهما يلعبون علي مره يقلون لي حامل ومره لا
ويعطوني مواعيد كل حين علشان الافلوووس مثلاً ولا فيه خربطه بين تحليلي وتحليل وحده ثانيه لأنه وقت ماسويت الحتيل الثاني في النتيجه ماكنت السستر نفسها كانت وحده ثانيه

والله محتاره هل انا حامل ولا لا تعبت ووقفت ما اخذت الحبوب من بعد ماقالت لي اني موحامل

تعتقدون انه المشي مدة طويله او الوقوف ساعه اوساعتين يؤثر ع نسبة الهرمون انه ينفخقض قبل ما اسحب دم للتحليل

او اذا سويت تحليل في وقت التبويض مثلاً ترتفع ويصير 10


ابي تفسر حق هالتحليلين واحد 10 والثاني 1



واسفه ع الاطاله

والله يعطيكم مرادكم ان شاء الله ويرزق كل محرومه يارب

[**سماسم**]

إن شاء الله تكونين حامل ..
الأفضل يالغاليه تنتظرين لحد موعد فوات الدوره بأربعه أو خمس أيام وسوي تحاليل ..
وطمنينا عنج
,,

[تفاحة حمرا]

يارب تكوني حامل
وعقبالي وعقبال كل منتظرات يارب دعواتك اختي
اللهم لاتذرني فردا وانت خير الوارثين

[لمسة دفا]

حبيت ادعي لك واعطيك هالمعلومات للفائدة ..
القيم الطبيعية لهرمون البروجسترون لإمرأة غير حامل متوسط دورتها الشهرية 28 يومآ
الايام من
(1 - 6) أقل من 100 ng/dL - أقل من 1 ng/mL

الايام من( 7 - 14) 20- 150 ng/dL0.2 - 1.5 ng/mL

الايام من (15 - 28) 250 - 2800 ng/dL2 - 28 ng/mL

القيم الطبيعية لهرمون البروجسترون في فترة الحمل

الثلث الاول (900 - 4700 )ng/dL9 - 47 ng/mL

الثلث الثاني(1700 - 14700) ng/dL17 - 147 ng/mL

الثلث الثالث (5500 - 20000) ng/dL55 - 200 ng/mL

القيم الطبيعية لهرمون البروجسترون بعد سن اليأس

أقل من 100 أو من صفر - 40 ng/dLاقل من 1 ng/mL

الله يرزقك يارب

[همس الرووح ~]

واللهـ ماعندي معلومهـ ممكن تفيدك

بس هم دكاترهـ هالوقت .. مدري شلون بس يلعبون

بحسبتناااا

اصبري حبيبتي وبعدها حللي

ولو بتحللين .. حللي بغير هالمستوصف

حللي ع طول بدون كشف ... وشوفي وش يقولون لك

وان شاء اللهـ حامل وتبشرينا ~

[زهرة الحياه]

اختي لمسة دفا / مافهمت ع النسب اي انتي حطتيها لي

**سماسم**/همس الرووح ~/تفاحة حمرا : خواتي يعطيكم العافيه ع مروركم والله نورتوااا والله يرزقكم بالذريه الصالحه ان شاء الله ويوفقكم

شكلي بأنتظار إلى وقت الدورهـ وبشوف وان شاء الله كاتجي واكون حامل مابي اخرب فرحة زوجي

[جوري الجنوب]

ان شاء الله ياقلبي تكوني حامل
ماعندي خلفيه على موضوعك