سؤال هام والله يعلم وش كثر محيرني ومخرب نفسيتي ..........

[أم ملوكة]

بسم الله الرحمن الرحيم

السلام عليكم ورحمة الله وبركاته

حبيباتي أنا حامل بتوأم والحمدلله وفي الأسبوع الثالث من الثامن بس أمس سويت سونار وقالت الدكتورة احتمال عندي ولادة مبكرة,
والمشكلة أنه واحد نازل في الحوض وراسه تحت والثاني راسه فوق وأنا ودي أولد طبيعي بس تقول الدكتورة أنه صعب نخاطر ,
فأحسن لك راجعي عند مستشفى حكومي عشان عندهم جميع الإمكانيات سواء طبيعي أو عملية ..
وسؤالي

من صار لها مثلي وولدت طبيعي لأن ولدي البكر كان بعملية قيصرية لأن الماء انفجر معاي ولا فيه طلق وخافوا على الولد وسووا لي عملية ؟؟؟

ريحوني الله يريحكم من كل شر وادعوا لي بتيسير الامر وتفريج كربي وأن يجعل ولآدتي سهلة ميسرة وأن يرزقني بأطفال سالمين معافين كاملي الخلقة والخلق......

[يازين الصبر]

الله يسهل ولادتك ياقلبي وتشوفينهم سالمين يارب بس ياقلبي زوجه عمي ولدت عيالها تؤام طبيعي بس ولاده مبكره ان شاءالله طبيعي وخالتي ولدتهم طبيعي بعد اهم شي ارتاحي نفسيا وامشي وعليك بالتمر نصيحه ودعواتك لي بالحمل الثابت

[زهرة النرجس]

مااعندي فكرة رح ادعيلك ربي يسهل ولادتك وتكون طبيعية باذن الله يارب

[غنو حياتي]

سلام ام ملوكه
الله ييسر لك باقي فتره حملك
لاتخافين وتشيلين هم
لاتفكرين كثير لان هذا مو كويس لك
والعمليه حتى لو قرروها اعتقد انها افضل لك واسلم
لانهم بيكونوا ادرى
اتخيلي تجيبي الاول طبيعي الثاني قيصري
تعب مضاعف

انا حامل بتوام ويارب ثبتهم وان شاء الله ابيهم بعمليه ان كان هذا فيه خير لي
طمنينا
وياليت تزورينا بتجمعنا راح تستانسين لان فيه كروشات مثل حالتك ووضعك

[تعبت اعاني]

ماشاء الله ربي يقومك بالسلامة استخيري الله بالولادة واللي فيه خير لك ربي يسره لك،،
بس مثل حالتك ما اعتقد يجازفون بيسونلك عملية ان ربي شاء،،
انتي الجأي لله واكثري الدعاء

[ملاذ الورد]

ماشاء الله
حبيتي انتي نفس خالتي قالو لها واحد راسه فوق والثاني تحت وهم خيروها بس قالو تعب عليك وسوت عمليه وهي في متشفى حكومي
والحمد لله جابتهم وكلهم بخير

[أم ملوكة]

الله يجزاك كل من رد علي بالفردوس الأعلى
والله يسعدكن ويريح بالكن زي ماريحتن بالي
والله يرزقكن الذرية الصالحة ويثبت حملكن ولا يحرمكن الأجر..

[تاج راسه]

ماعندي علم حبيبتي بس اللي عندي دعوة صادقة بان الله ييسر لك ولادتك وتفرحين بشوفتهم بصحة وسلامة

[شذها غير]

ماشاء الله
تبين نصيحتي توكلي على الله صحيح اني اخاف من العمليه بس لو كنت حامل بتؤام بختارها والله يكتب لك الي فيه خيره

[أم ملوكة]

اسعدني ردودكن والله يعطيكن كل ما تمننه