ارجوكم ساعدوني

[الشمس الشموسة]

أنا من شهرين كنت أتمني أني ما احمل لان عندي طفل عمره سنه ويوم 8/4 من هذا الشهر اتوفي ولدي مع انه كان سليم لكن الحمدالله علي كل شي
اللي ابغاه منكم كيف اتغلب علي حزني عليه مع أني الحمدلله قدرة اصبر وقت وفاته لكن الحين احس بضيق وحزن وأبكي احيانن وكل جزا بالبيت يذكرني فيه وهل يحدث حمل اذا كنت لي شهر مسيبه الحبوب مع العلم ان الحبوب اللي كنت استخدمها كانت جينرا

[قهر انثى]

الله يصبرك ويفرج همك
وانشالله الله يرزقك الحمل ويعوووضك فيه
ماعندي خبره بحبووب الحمل لاني بكريه

[تاج راسه]

الله يعوضك ويجعله شفيع لك يوم القيامة ماتدرين اختي بالاجر العظيم اللي بيكتبلك من الله ويارب مايجي زي هذا اليوم الا وفي حظنك طفل ينسيكي حزنك بس حبيبتي شنو سبب الوفاة ؟
الله يربط على قلبك بالصبر

[آح ـــسآس]

ياقلبي الله يصبر قلبك ويعظم اجرك ويعوضك كل خير يارب
وان شالله انها ماتاأخر انتي راجعي الحين واكشفي على مبايضك وان شالله تحملين هالشهر يارب ويعوضك بأطفال واجد يملون بيتك ياقادر يارحيم
حاسه فيك والله

[حلاااااا]

اسأل الله ان يربط على قلبك

الحمد لله يا اختي اعرف وحده فقدت ثلاثة من ابنائها بيوم واحد

ووفاة ابنك خير من الله له ولك دائما صبري نفسك بأن الله ما اختار له ولك الا كل خير

والمؤمن يبتلى على قدر ايمانه
فالحمد الله على هذا الاختبار من الله

تذكري انه عند صبرك واحتسابك الصبر الجميل تذكري البيت في الجنه ، نعم من قالت الحمد لله وشكرت بنى الله لها بيتا في الجنه

لك مني دعوة في ظهر الغيب اسأل الله الاستجابة انه القادر على ذلك

[عبير 99]

اسال الله العظيم رب العرش العظيم ان يربط على قلبك
ويلهمك السكينه والصبر والسلوان
ويعوضك انه هو الكريم الرزاق


غاليتي زوري طبيبتك .. وان شاء الله تبشرينا قريبا بالحمل ..

[الشمس الشموسة]

حبايبي سبب وفاته ماعرفوا الاطباء بس قبل وفاته بيومين اكل رز قدام حرمه و بعده ارتفعت حرارته وجلس يستفرغ واليوم اللي بعده اتوفي ويقولي الاطباء الجهاز الهضمي من الحنجرة الي المستقيم كله محروق مع انه استفرغ الرز بس سبحان الله كانت نفسها بالرز مع ان ولدي عمره ما اكل الرز الا هذي المره والحمدالله علي كل حال

[Mقمة البرااااائهM]

آآآآآآآه ياشمس بكييييييييييييييت من قلبي....عيييييييييييييييييين حسسسسسسسسسسسسسد اعوووذ بالله أعوووذ بالله..

ياقلبي عليج الله يعوضج يااارب ويصبركم..

يا الله ما أتخيل الموقف يالغاااليه...

حبيبتي تركي الحبوب..وشربي عصير أناناس الربيع..من اول يوم الدوره لين 11 يوم فقط..

المهم لما تجيج الدوره..بكوون متابعه معاج..

الله يرزقج من حيث لاتحتسبين يارب يااارب ياااااارب......

[خوخة زوجي]

لا حوله ولا قوه الا بالله العلي العظيم

الله يصبرج اختي ويعينج ويعووضج خير ان شاءلله ماعليه ان شاءلله تحملين

وتترسين البيت درزن يهاااال

امكن عين ياااقلبي والعين حق وتوصل صاحبهااا للقبر

انتي احتسبي الاجر ورااجعي كثر من دكتووره وشووفي عن حملج

ووقري سوره البقره واستغفري اكثر من مره

والله يصبرج ان شالله بس لاتياسين من رحمه ورزق ربج

[حياتي انا]

انا برائيى انك تحملي عشان تتجاوزي الازمه
وان شاء الله يكون شفيع لك ولاابوه