نفاس لي 13 يوم واحس نفسي خربانه ساعدوني

[ام احلى بيبي]

السلام عليكم ورحمة الله وبركاته

شلونكم خواتي؟؟

خواتي انا اعترف من ولدت لي 13 يوم وانا هامله نفسي من ناحية ان ادفي نفسي وماالبس جواريب برجلي وكل يوم او يومين اسبح مااتحمل

بس اشرب مشروبات حاره واكلت عصيده اول ايام ..

المهم امس بالليل كنت ابي اقوم ولا اسمع صوت طلع من تحت وجد متضاااايقه ومو عارفه شسوي الله يخليكم شنو اللي اقدر اسويه لنفسي مني لاخر النفاس علشان اطلع من النفاس مو خربانه بالمره

[شموسه]

وين خربانه تو الناس للحين ماضبطت العمليه التجميليه يبيلها 40 يوم بالضبط علشان يرجع كل شي تمام

بس اخذي تمر مع رشاد واخلطيهم واشربي معاها قهوه عربيه وحطي عنزروت داخل القهوه واشربي

واخذيلج بابونج مريح للغازات

وابعدي عن البيسي لو تشربين منه شوي ياثر عليج انتبهي

والحمدالله على السلامه

والف مبروووووووووووووك ماجبتي

[شموسه]

http://forum.hwaml.com/t45822.html

[ام احلى بيبي]

فديتكم خواتي شكرا لردودكم

[سمار]

غاليتي حمدلله على السلامه اول شي غلطانه بعدم أهتمامك بنفسك من تغطية راسك ولبس الشراريب وبنطلون تحت الملابس لأنها كلها تحافظ على جسمك وتمنع دخول الهوى من أي مكان بجسمك حتى مع أذنيك على شان كذا أمهاتنا يقولون نغطي الراس بطرحه طول فترة النفاس
وثاني شي الأغذيه والمشروبات الحاره واللي تفيدك وتعوض عليك الدم وقلة الأكل فترة الحمل واللي بتطرد الهوى والصوت اللي تقولي بعدين راح تكوني مو تمام إذا ماأهتميتي بنفسك
وإذا كذا عمليات التجميل والمراكز المتخصصه فيها ياكثرها بس أهم شي الغذا والتدفيه مثل ماقلتلك
ثالث شي مافيه شي أسمه خرباااانه قولي متغيره أو مو تمام
مايصير نقول عن أنفسنا كذا أبداً أبداً إذا حنا نقول كذا أجل الرجل وش يقولون يقولون محتاجين مشوار للصناعيه ولا يودونا التشليح الله يسامحك على هالوصف لاتسمحي لأحد يقوله أبداً لك ولاعنك ولاعن أي أحد ابدً
أمانه لاتزعلي مني بس لانكون قاسين في وصف أنفسنا ولانسمح لأحد بهالشي


ألف ألف ألف ميروك والحمدلله على سلامتك والله يحفظه لك ويديمك أنتي وأبوه فوق راسه


وللمره المليون آسفه إذا كلامي زعلك

[ماﺀ السماء]

رايي من راي الاخت سمااااااااااااااااار

ميه بالميه