تجمع كيف تقضين وقتك في المطبخ بشهر رمضان

العاااالي مستواها · 07-12-2011, 08:43 PM

السلام عليكم ورحمة الله وبركاته

هنا تجمعنا عن كيف شغلك في المطبخ وقت رمضان0

بعض الأخوات تقضي أكبر وقت في المطبخ لصنع أنواع الأكل والحلا والمقبلات والسلطات والعصيرات وكل مالذ وطاب0

تفرش السفره والكل يكون ميت جوع وعطش بحكم ان رمضان في الصيف0

كل واحد من افراد الأسره اخذ مايكفيه من أكل وعصيروماء وذهب لصلاة المغرب0

بعد الصلاة يكون بعض الأسر تحضر سفره ثانيه وهوه الفطور الثاني خلصنا من الفطور الثاني0

جاءوقت صلاة العشاء وبعد الصلاه تحضرين قهوه ومعها مايسد به الصائم بعضاً من جوعه0

بعدها تكون صاحبة المنزل هلكانه تعب أو تذهب الى أحد الصديقات للزيارتها أو تذهب للسوق0

يكون وقت السحور قد حان وأنتي أغلب الوقت في المطبخ ويكون سفره عليها من كل الاصناف من الأكل والإيدامات0

هنا سوف نتعلم من بعض كيف تقضين وقت أقل في المطبخ وأكثرفائده

وكل وعضوه منكم تفيدنا من تجاربها في هذا الشهر الكريم0

ربي يدخله علينا بالعفو العافيه والستر يارب العباد اامميين0

(((أختكم العاااالي مستواها)))

روح الورد · 07-12-2011, 09:16 PM

الله يعطيك العاافيه غاااليتي

وطرح موووفق

دافئة المشاعر · 07-12-2011, 09:16 PM

يآهلآ بلعالي
ربي يبلغنآ آجمعين

المطبخ ماشي حالي فيه مو من النوع الي تعشق المطابخ ههههه
برمضان الله يسلمك ادخل من بعد صلاة الظهر واطلع منه بعد صلاة العصر
وارجع ادخله من جديد اجهز السفره واشوف مع الشغاله شمسويه
ترى هذا جدولي اول 10 ايام بعدها اقلل لاني اكون عودت الشغاله شتسوي
وشافت شغلي المتواضع
ع فكره مادخل المطبخ الا برمضان هههههههههه
<~ مدلعه نفسها ماتحب المطبخ

حابه اتعلم منكم اكثر ماشاء الله عليك فن بلمطبخ
متابعه للموضوع ^^

العاااالي مستواها · 07-12-2011, 09:26 PM

روووح الورد منوره ياعسل كيف جدولك في رمضان هل انتي من الي تجلس بالساعات من أجل شوربه وسمبوسه ام تكون ممتازه في الطبخ وما ياخذ منك وقت0

دافئه هوه مو بكم الوقت في المطبخ المهم الكيف هل تحضرين شيئ مميز في رمضان عن الايام الثانيه ام اي شيئ وخلاص المهم اكل يكفي الجوع0

العاااالي مستواها · 07-12-2011, 09:38 PM

العااالي مستواها في رمضان

احضر للفطور من الظهر اذا ماعندي عزايم

المهم عندنا في الفطور القهوه العربيه والتمر والقشطه

والسمبوسه وعصير سن كويك برتقال او التانج0

تجي الفطائر والمقبلات كل يوم اسوي شكل حسب رغبة الشعب السعودي0

هذا للفطور الاول ياقمرااات

روح الورد · 07-12-2011, 10:17 PM

اناادخل الظهراجهز لي طبق اوطبقين حلااوفطايراوصواني

اخذهم معي لبيت اهل زوجي اواهلي

رمضان حلوووبالجمعه والوناسه

والعباده ولماارجع الساعه 11اجهزالسحور

العاااالي مستواها · 07-12-2011, 10:20 PM

ماشاءالله روووح الورد احلا شيئ في رمضان الجمعه

تحسين بالصيام مع الناس غير

ربي يكتب لنا الاجر اجمعين

سموة الشوق · 07-12-2011, 10:55 PM

الله على رمضان وأجوائها

الله يبلغنا رمضان ونحن باتم صحه وعافية

والله يعيننا على الصيام والقيام

وعلى المطبخ

له نكهة خاصة في رمضان
بالنسبة لجدولي

أدخل المطبخ على الساعة 11 تقريبا وأسوي الجلي والكراميل أو الحلى إن كان ياخذ وقت بالثلاجة
متعودة أسويها بدري وأحطها بالثلاجة
وبعد صلاة الظهر أبدا اجهز حشوات الفطائر او حشوات الطبق الرئيسي
وأخرج من هالمطبخ اللي مايخلص شغله
وبالعصر أكمل من عصيرات وتجهيز للسفرة
وسفرتنا مثلك يالعالي سفرتين
قبل الصلاة وبعد الصلاة
طبعا الرطب والقهوة واللبن والعصير المثلج والسمبوسة قبل الصلاة وبعد الصلاة الوجبة الرئيسية والحلا
ثم غفوة قبل القيام
وبعد التراويح زيارات للأهل وجمعات
وعلى 12 الليل أفكر واجهز للسحور
وسحورنا قبل الفجر بساعه تقريبا

▂▃ سوسو القمر ▃▂ · 07-12-2011, 11:44 PM

يعطيك العافيه العالي ع المووضووع النااااااااااااااااااااااااااااااايس

شسموه انا اعشق الطبخ بس هذا مو يعني انو وقتي كله طبخ
لا
انا منظمه وقتي
يعني الاشياء الي اقدر افرزنها هذي اسويها قبل رمضاان مثل الايام هذي
الف السمبوسه والسبرنج رول وكورات الزيتوون ورولات التوست افرزنها قبل رمضاان
بكذا يكون نص الشغل رااح

ادش المطبخ العصر واسووي البااقي من عصير وقهوه وهيك واذا بوه وقت سويت حلا
ع فكره انا عايشه مع اهل زووجي ونفطر سواء
فشغل الثقيل من رز وشوربات مااسويه الا مره بالاسبووع بس
وطبعا داايم احرررص ان نخلص سفرتنا قبل الاذان اقل شي ربع سااعه
ماحب شغل بسرعه بسرعه اذن اذن
او يذن وانتي بالمطبخ
رمضاان شهر عبااده مو بس اكل وسهر
الله يعينا ع صياامه وقيااامه
ودي لكِ

((عاشقة الورد)) · 07-13-2011, 12:33 AM

والله عن نفسي اكون كسلانه برمضان ادخل المطبخ 4 ويكون باقي لصلاه المغرب 2 ولاكن ما شاء الله عليا اسوي شربا ومعجنات ووالعصير واجهز السفرا وطبعا البيت انضفو من الفجر والحلا برضو بعد الفجر مشكوره العالي على موضيع الحلووووا وان استفيد منك اول باول

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور لتنظيم المطبخ لكل جزء في المطبخ	عزيزة النفس	المـنـتـدى الـعـام	12	05-29-2012 01:08 PM
تجمع الحمل لشهر رمضان	ابتسامتي سر سعادتي	منتدى علاج العقم و تأخر الحمل	563	08-31-2011 06:41 AM
@@كل ماتحتاجه السيدهـ الحامل في رمضان أسئله وأجوبه وفتاوي وأحكام للحوامل في رمضان@@	Mقمة البرااااائهM	المنتدى الاسلامي العام	8	08-03-2011 05:43 AM
مراتك......ولا.. ....شغلك	اقصوصه	المـنـتـدى الـعـام	8	11-20-2010 07:10 PM
@@ الى صاحبة المطبخ في رمضان @@	Mقمة البرااااائهM	قسم التغذية	2	08-01-2010 08:38 PM