أعراااض حمل لكن لا يوجد دليل على الحمل !

[ولائية]

السلام عليكم ورحمة الله وبركاته

أخواتي كيفكم ...

باختصار لدي ثلاثة أطفال اصغرهم سنتين ... الحمد لله والله يرزق كل محروم

منذ اكثر من شهرين ولدي أعراض الحمل اقول لنفسي يمكن وهم لكن مو قادره مع هلأعراض ..

عملت تحليل دم قبل شهر ومافي حمل وتحليل بول كم مره يمكن 5 مرات مره طلع لي خط فاااتح

..

الدوره ابدا ما أحسها طبيهيه لا بالون والا بعددها ونفس الماي سايله وعادة دورتي مو أقل من 9 ايام الحين 5 وخفيفه بس ول يومين وتكون لونها فاتح وسائله

واعراض الحمل كلها بيني

الصدر كبرات وحكه بالحلمات

والبول اكرمكم الله اصفر وفيه بعض الخيوط البيضاء وقطع مثل القطن

افرازات لون ابيض بدون حكه ولا رائحه واحياناً مثل الحليب سئله

فقدان شهيه ماعدا المكرونه هههه والنسكفيه اموت فيه بشكل مو طبيعي

بطني كبران وخشن ونغزات جهة المبيض الأيمن

ألم بالظهر
ومرت عليي ايام ألم بلفخذ الأيمن من فوق لين الركبه

أحيانا ألم مثل الدوره في غييير موعدها وكأن شي ينز مني لكن لما اروح الحمام لا يوجد شي !

وخط فاتح بني من السره لين تحت ما اعرف إذا كان من الحمل الأولي او لا

تجيني حراره فجأه ترتفع درجة حرارتي

وإذا اكل اي شي كأني ماكله غوزي بطني ينتفخ واحيانا تعب مو طبيعي وارهاق

ههه وفي شي غريب يحصل لي بس إذا احمل بحملي ثلاث اطفالي عند الحمل يبدأ ضرس العقل بالنمو ههه والحين نفس الشي فقط إذا أحمل ينمو الضرس يعني لازم يبى يسوي عندي نقص كالسيوم

ومرت عليي ايام صداع مو طبيعي وأرق اول مره يجيني مثله

عملت اشعة سونار قالت لي الدكتوره مافي تكيسات وجدار الرحم سميك ومايبين في شي

انا بجن ليش بطني كبران مع ان اكلي خفيف وانا مو سمينه الكل ملاحظ بطني

قلت يمكن قولون لكن ما عندي ولا شي من أعراض القولون !

سويت رياضة البطن شربت اعشاب مو متغير شي

خبرتكم يابنات والله محتاره أخاف أكثر من الرياضه ويطلع في بطني شي ويتأذى

اتقول لي حماتي ان حملها مابين لا بتحليل الدم ولا البول إلا بوقت متأخر !

واسفه على الإطاله

[( دلووعة فؤاادي)]

ماعندي خلفيه بس يااااارب مايصير الا الي تمنين ياااااارب

[وردة الأحساء]

ويمكن تكوني حامل ... يعني أكيد بيختلف حملك عن الثلاثة السابقة مو كل مرة مثل بعض ... أختي حامل وعندها ثلاث والحين تقول ماأحس بأعراض الحمل ؟؟؟>>> تعالي ليكون أنتي اختي؟؟؟

أكيد أختي في الله

بالنسبة للألم اللي من الفخذ والركبة هذي فيني وباقي على الدورة كم يوم ياربي نكون حوامل

[ولائية]

دلوعه ... مشكورة والله يقضى حوائجكم ..

وردة الاحساء ... هههه المشكله كلها اني مستغربه من بطني كبران وخشن ومتعقده منه

[#ام جوان#]

الله يرزقك اختي بالذريه الصالحه
ويسر امرك ماقد جربت الحمل بس حبيت ادعيلك

[tefa]

أنت عندك كام سنه

[روح ماما]

والله مدري شقولك ماعندي خبره
انا محتاجه احد يساعدني اول حمل لي وماعندي احد

[جوري الجنوب]

حالتك غريبه

[مؤمنه بربي]

الله ييسرلك سوي دم مره ثانيه يمكن يبان

[فليك]

احتمال كبير تكوني حامل
و مو شرط يبان بالتحليل بس التحليل المنزلي مااا يخطئ ابدا

انتبهي على نفسك و لا تشربي اعشاب و تسوي رياضه الا لمن تتأكدي
مووووفقه عيوني