انا مشتركه جديده رحبوا فيني

[محبه الاسلام]

السلام عليكم ورحمة الله وبركاته
انا مشتركه جديده رحبوا فيني ولدي مشكله ابيكم تساعدوني في حلها انا لدي الرهاب الاجتماعي مره كارهه كل شي في حياتي احس ماني مبسوطه ابدا حتى الزواج تملكت مافرحت وتحدد موعد زواجي ومافرحت قعدت اصيح ابيه يتاجل بسبب الرهاب والله اني في حاله مايعلمها الاالله حتى من اهلي واخواني وخواتي اتلعثم بالكلام وابلع ريقي كل شوي وربكه واحس اني ممله والناس تراقبني بنظراتهم ويشفقون علي حتى اني اتمنى ان فيني مرض سكر اوغيره وماهو الرهااااب من كثر ماهو مزعجني ..وفتحت ع النت ادور علاج له حصلت هذا المنتدى وقريت عن وحده اسمها بيسان تقول كان فيها وبعد ماانخطبت وتزوجت تقول اختفى انبسطت قلت يمكن يختفي اذا تزوجت اتمنى يارب ..قولوا لي تجاربكم للي جربوا اوسمعو عن علااااج..

[سمار]

عزيزتي أولاً حياك الله بيننا
ثانياً أتمنى تلجأي لأهل الأختصاص هم راح يفيدوك أكثر مننا
أتمنى ماتزعلي من رأيي وللمره الثانيه حياك الله بيننا

[Om KHaled]

حياكِ الله أختي
المعذرة أرجو نقل هالموضوع لمكانه المناسب

[محبه الاسلام]

شكرا للي ردوا علي واي اهل اختصاص انا ماخبرت اهلي ان فيني شي فاروح لدكتور نفسي والله صعبه ومااتوقع بيفيدوني ع حسب ماقراته بالنت بس انا قلت ابي من تجارب اللي مروا بحالتي الله يسعدكم ماابي غير دعواتكم الله يحفظكم بصراحه حبيت هذا المنتدى حصلت قبول ع طول فيه ورد ونشاط مشكوووورييين جدا جدا..

[محبه الاسلام]

اي والله احسن نقله لمكانه المناسب بس انا استعجلت وحسبت ان ماله مكان مناسب لاني ماحصلت له مكان مناسب في منتدى ثاني شكرا ع التنبيه وع الرد

[دافئة المشاعر]

محبة الاسلام
حياك الله اختي بيننا نورتي المكان وتشرفنا بتواجدك

بنسبة لمشكلتك
ممكن اسآالك كم سؤال عشان افهمك اكثر واساعدك ان وجدت لدي معلومات
ليش عندك هلمشكله هل بسبب:
فقد الثقه بنفس ؟؟
واذا نعم من اي ناحيه هل لانك خجوله كثير؟؟
او تحسين بنقص بشخصيتك كآسلوب او كشكل او ..؟؟

السؤال الثاني
هل صار لك حادثه معينه بصغر اثرت ع نظرتك بناس؟؟
واذا نعم
هل الحادث نفسيه او اخلاقيه اوفقد عزيز واستوحاش؟
((بين قوسين)) استواحش يعني وحده دائمه بعد الفقد

والسؤال الاخير
هل عندك دائما الشعور بلخوف؟


جآآآري النقل للقسم الانسب
لتجدي تعليقات اكثر ورؤيه اشمل
...~>

[محبه الاسلام]

هل بسبب:
فقد الثقه بنفس ؟؟
يمكن
واذا نعم من اي ناحيه هل لانك خجوله كثير؟؟
نعم انا خجووله مررره
او تحسين بنقص بشخصيتك كآسلوب او كشكل او ..؟؟
باسلوب ليس بالشكل
هل صار لك حادثه معينه بصغر اثرت ع نظرتك بناس؟؟
ماتذكر بس مااتوقع واذا نعم
هل الحادث نفسيه او اخلاقيه اوفقد عزيز واستوحاش؟
يمكن اخلاقيه((بين قوسين)) استواحش يعني وحده دائمه بعد الفقد

هل عندك دائما الشعور بلخوف؟
مومره.. بس انا اثلعثم بالكلام وابلع ريقي كل شوي واحس الناس تراقبني بنظراتهم حتى اهلي واحسهم يشفقوون علي ويلاحظون تصرفي

[دافئة المشاعر]

هلآ حبيبتي
لاتخافين مشكلتك مو كبيره
وتنحل مع الايام وتعودك على البيئه واختلاطك بناس
كلها مسألة وقت وتعود الشخص الي مو متعود على الناس
مو بسرعه راح يتآقلم شوي شوي لين يتعود عليهم

شوفي ياعيوني
ماحد احسن منك ولا اهم منك ولا متميز عنك
والاسلوب كل شخص وله شخصيته
في منا الي مايستحي بلمره
وفي منا الخجول جدا
وفي منا الوسط
والناس اجناس مو المميز والجريء اهم من اي احد
ممكن الخجول هو افضل من اي شخص مايستحي ولا عنده ذوق
ليش هلآرتباك فيك وانتي من اجمل بنات جيلك واطيبهم
وبعد قربتي تتزوجين
يعني مانخطبتي من فراغ الا فيك ميزه ويتشرف اي رجل ياخذك
واي بيت تنورينه

طلعي لاتقعدين فلبيت كثير ولو مو قادره شوي شوي لين تتعودين
بنسبه لنظرات اهلك
صدقيني انتي زارعه هلآوهام براسك انهم ينظرون لك كذا وهو عكس الي براسك تماما
دئما حوارك الداخلي مع نفسك بسلبي
ليش ماتحولينه للايجابي
اول ماتصحين الصبح ابتسمي وقولي بنفسك
انا سعيده
انا قويه
انا ممميزه

جربي هلوصفه كل يوم تقولينها بقتناع وببتسامه مع التوكل على الله
وذكره والسؤاله بتتغير حياتك للافضل

على فكره الزواج
اهم خطوه لتطورك وخروجك من حالتك
راح ترتاحين بآذن الله مع الايام اهم شي خليك قويه من داخل
وتقربي لله كل ساعه وكل لحظه

همسه
احتكي كثير فينا بلمنتدى هذي اول خطوه
لتطور حالتك
وانا اعتبريني مثل اختك
وحياك الله بآي وقت ان حابه اي استفسار

[محبه الاسلام]

بعد عمري والله ونعم الاخت الله يوفقك ويحفظك وييحقق كل امانيك ...كلامك كثيييير ريحني وزادني حماس اني اصيرقويه وواثقه وكل شي الله يخليك لمحبينك وان شاءالله اتحسن واخبرك بكل شي يصير معي ويييني من زمااان عنك الحمدلله اللي خلاني اعرفك قبل اتزوج وان شاء الله نتواصل ع طووووووول...بس ترى يمكن احيان انشغل واطوول مارد تعرفين مشغوووله واتجهز لزواجي بالعيد ارجوا منك الدعوات لي بالشفاء والسعاده والتوفيق واكررررر شكري لك...

[دافئة المشاعر]

ياقلبي انتي المهم انك ارتحتي وان شاء الله بتدريج تتحسن حالتك
ولآلآلآلآلآ وآلف لآ لليآس
ربي يسعدك ويوفقك ويكون عليك زواج مبروك
تملئه الموده والرحمه والحب الآبدي

همسه لعروستنا
ثقفي نفسك من جميع النواحي الزوجيه
وخذي راحتك المنتدى منك وفيك ومفتوح للجميع متى مافضيتي ^^
حافظك الرحمن