محتاره في تجهيز النونو وابي مساعدتكم

[فرفورة نجد]

بنات مساكم الله بالخير
انا بعد اسبوعين تقريبآ راح ادخل الثامن بإذن الله
ودي اجهز لي وللبيبي بس محتااااااااااااره ومااعرف وش اشتري
ابيكم تساعدوني في اللبس المهم اللي مااقدر استغني عنه في المستشفى
وبالنسبه للبيبي راح تجيني هداااااااايا كثيييييير بعد الولاده وماأبي أكثر له
بلللللللللللللللللللللللليز ساعدووووووووني ولكم دعوااااااااااااتي
أبي شي في حدود المعقول وبدون مبالغه

[حبيبة حسونها]

انا مثلك وبكريه وماادري كيف انظم الي باخذهم والحين اني في الثامن ومره تعبانه وماخلصت شي
يالا ان شاء الله يفيدوك البنات بس ماحبيت ادخل وله ارد

[A.N.A]

سلام :)

انا بكريه واليوم اخر يوم لي بالثامن بعد وتحمست وخلصت تجهيز ومثلك ما احب اكثر
لان الهدايا بتكمل كثيير ومعتمده عليها وما ابي اشتري وانا ماراح استفيد من الكثره والبيبي بسرعه يكبر
سويتي لست ومشيت عليه

الملابس:

ملابس داخليه :

اللي تجي مجموعه مع بعض
اخذت من سنتر بوينت
مجموعه وحده نيوبورن > مكونه من 3 قطع
ومجموعتين > مكونه من 7 قطع مدري 10 من( صفرلثلاثه شهور )

* ملابس حلوه :
3 نيوبورن
5 ( من صفر ل 3 شهور)
وحاولي تاخذين اشياء مشبوكه خصوصا النيوبورن عشان سر البيبي

* بجايم قطن
اللي تجي مجموعه مع بعض 3 بجايم مع بعض
خوذي مجموعه وحده نيو بورن = 3 بجامات
وثنتين من (صفر لـ 3 اشهر ) = صارو 6 بجامات

> انصحك هنا بـ next - mothercare


خلصتي ؟ لبقي عليها مهادات تناسب اللبس الكشخه فقط
انا اخذت مهادات قطن من محلات عاديه للكرف ومهادات تريكو وحركات من دبنهامز ومذركير
ونسقتها ع اللبس الزين

كذا خلصتي كل شي يخص ملابس البيبي

لاتنسين تشترين
فوطه عشان تروشينه واشياء النظافه شامبو واسفنجه و و و ..

< طبعا انا شريت هالملابس وخلصت ومن دخلت الثامن والناس كل ما طلعت تجيب لي ملابس للنونو الين طفح خخخ وحسيتها صارت كثار ان شا الله الحق البسه اياهم




اغراض المستشفى :

انا امس جهزت شنطتي
حطيت لبسين حلوات للبيبي مع مهاداتهم
واخذت فوطه للبيبي
وقبعه قطن وسدارتين عشان ما يسعبل علي خخخخ

واخذت لي فازلين مقدر استغني عنه
وبجامه + وفوطه + مشط وبكلات وكحل عشان اضبط نفسي اذا جا احد :d

وبس

احس كثرت كلام بس ان شاء الله تلقين من بين الثرثره شي ينفعك .. :)

[*قلب(H)حبيبي*]

الله يساعدك و تجهزين أحلى جهاز للبيبي
أنا بكرية و ما أعرف شي و أتمنى أستفيد من خبرات البنات

[فرفورة نجد]

يسلمووووووووووووو على الردوووووووووود
وخاصه ana
وبإنتظار البنات الباقيات :)

[مهتويه]

خيتو مثلك لساتني بكريه
بتلقين مواضيع كثيره في المنتدى بتفيدك
انا سويت زحمه وكتبت الأغراض إلي بشتريها في ورقه
والله وماجبت خبرها يوم طبيت السوق خخخخ
وشيرت أشياء كنت مفكره ما أشتريها
لذلك أول نصيحه خذي معك أحد للسوق وفهميه وش تبين
+ خلي تجهيزك لفترة النفاس وإذا طلعتي شوفي وش جاك هدايا ثم روحي كملي تسوق
تضمنين ما تسرفين وتضمنين جنسه بعد:/

وبالتوفييييق

[شوق الحب]

ؤانا بكرريه واتمنى استفيد معكم

[اميره بكلمتي 2]

الله يسهل عليكم يابنااات ياارب
واهم شي يابنات تجهزون نفسكم قبل الولاده وتجهزين سرير لك وللبيبي وخاصه بغرفة استقبال الضيووف
ويكون المفرش على سريرك طقم مع سريرالبيبي تلاقونها في محلات تجهيز المواليد
وانتي اهم شي تلبسين روب لنفاسك موشرط تتزينين قدام الناس بعد ماتطلعين
حتى محد يعطيك عين ويقول عنك ذي مو نفاس وتعرفون الباقي يابنات



والله ييسر عليكم ياارب وتبشروونا عنكم وانا مثلكم يوم كنت بكر كنت مرره محتاره ومحد يساعدني ولكن لما كنت ازور الحريم اللي يولدون شفت وتعرفت على اشياء منهم كنت اجهلها وحبيت افيدكم وادعولي معكم يابناااات .

[اخت حمودي]

يسلمووووووووووووووووووو