والله خايف و الله لا يوري احد الا شفته

[مهره اصيله]

بسم الله الرحمن الرحيم

السلام عليكم ورحمة الله وبركاته

توي جديده في المنتدى اليوم سجلت و كنت متابعه الى مواضيع المنتدى بشكل عام
و بشكل خاص هذا القسم على الله اللاقي ظالتي فيها لكن مااقول الله يستر

يا حلوات دورتي صار لها 4 ايام متاخره علي و احس بألم مو كل شهر احس فيه
خصوصا اني مريت بحمل ثلالث مرات ......الحمل الاول كان حمل خراج الرحم والنتيجه اتصئصال القناة مع الجنين .... و الحمل الثاني تنزل علي الدوره بعد تأخر
3 ايام وتقعد أيامها العاديه الا هي 5 أيام ...... بعد ما توقف و بعد 3 ايام اذا صار جماع ينزل علي دم فأعرف انه في شي مو طبيعي ... رغم إني احس في اشياء جسمي متغيره بس ما احط في بالي
اقول تخيالت و الحمل الثالث بعد صار نفس الحمل الثاني ...
وطبعاً اروح المستشفى بعد ما ينزل علي دم مره ثانيا بعد الدوره 3 أيام و لا نشوف شي بالسونار ... :( بس يطلع في حمل في تحاليل الدم و الابوال و الله كريم

.............................................

و هالمره احس بألم في صدري من اسبوعين تضخم فيه و ما اقدر ألمسه و احس متحجر وحده متعبني لان احس شايله اثقال و الم في بطني مثل شكات او نغزات و اسفل ظهري
و ساعات تشنجات او شد في فخودي و بعض الاحيان في ذراعاتي و بعض الاحيان احس بألم الدوره بس يرجع يختفي و احس بدوخه بس مو على طول لما اطول بالوقفه او لما اصلي و ارفع راسي من السجود او الركوع و ساعت احس بشد في بطني مره من اليسار و مره من اليمين و ساعات احس بشد من الرحم الى المهبل او فتحت الشرج و عندي وايد غازات و نفس الاعراض الاحسيت فيها حمل الثاني و الثالث .......... و ما ادري ؟؟؟

و أسف اني طولت عليكم لان ما اقدر اقول الى احد و لا ابي افشل روحي
و لا ابي اعطي نفسي شي اكيد و بعدين انصدم ....

تعرفون شنو بنات ... بس خاطري يصير حالي مثل البنات لما اروح السونار اشوفه يناطط داخل رحمي و الله يعطين حمل سليم معافاه قادر كل محرومه على كل شي

بس هذا مو معناته كل شهر احس بهذا الاحساس وايه تذكرت حاسة الشم تخليني اعرف اني حامل حاسة الشم قويه حيل عندي .... و كل شي على الله

أسفه مره ثانيه و ابي رايكم
ادعوا لي ما اشوفها بعد 9 شهور