ماقدر أتحمل أكثر...

[مالك القلب]

السلام عليكم ورحمة الله وبركاته
كيف حالكم خواتي؟

خواتي انا تعبت خاطري بياهل طول الوقت دموعي على خدي مب قادرة اشوف اللي حولي عندهم يهال وانا لا تعبت والله تعبت
دايم ادعي ربي انه يرزقني ويصبرني بس والله تعبانة وايد
يمكن اغلبكم يعرف اني اجهضت مرتين رحت لممرخة وقالت انا ماقدر افيدج بشي لازم تروحين لحد يقرا عليج بس ما قدرت ما تيسرت اموري ولا قدرت اروح المستشفى اشوف سبب الاجهاض وزوجي واهلي يقولولي صبري بس انا تعبت من الصبر ماقدر امنع نفسي من اني افكر باليهال

كل ما اروح السوق اوقف عند قسم الاطفال وامسك الملابس واقول فخاطريه متى بيكون عندي ياهل وبجي اشتريله اغراض كل اللي حولي خايفين على عيالهم مني ولا يرضون المهم والاعبهم مع انهم اهلي الله يسامحهم بس

يالسة ادور واقرا كل شي يساعد على الحمل بس اخاف احمل واجهضت مرة ثالثة
شو اسوي ياربي ماقدر اتحمل نظرات زوجي لما يشوف يهال احس بمووت لانه طيب ويموت عاليهال بس مايقدر يقولي شي صابر ويحاول يصبرني

سامحوني خواتي كلامي مش مرتب بس مالي غيركم اشكيله محد راضي يفهم شوقي لليهال يقولون لاحقه عالشقا والتعب بس انا اريد هذا التعب اباهم بكل همهم وتعبهم
على فكرة انا في قلبي حسد على حد بالعكس اتمنالهم الخير والله
يارب صبرني وارزقني بالحمل الثابت والسليم يارب
رب لا تذرني فردا وانت خير الوارثين

دعواتكم خواتي

[اسماء2]

ياعمري عليك والله دموعي نزلت لاني مثلك ولاكن عمري ماحملت
حبيبتي خلي امل بالله ورحي شوفي الطبيبة واش السبب اسقاط والحمد الله انك قدرتي تحملي مرتين يعني تقدري تحملي مرة اخرى وان شاء الله هذي المرة الثلثة ثبتة يارب ويارب يخفف عليك القلق يارب ويرزقك بذرية الصلحة يارب

[شموخ المملكة]

الله يرزقش بذرية الصالحة انا وياكي في السرعة وقت انتي تحملني وتسقطني لم انا ومرة حمل ولي اكثر من 12سنة انتظر الحمل بسرعة ذهبت الي عدة المستشفيات وممرخة اكثر من مره ولم يعطني فائيدة ومادري وش اسوي ايضا ستخدمت اشىء الاعشاب ولم استفيدمنها الله يرزقني بذرية الصالحة اسالكم الدعاء

[حنين الجنة]

الله كريم اختى وبشر الصابرين

وان شاء الله ربي بيرزقك الخلف الصالح

بس اهم شي حبيبتى لازم تسوين فحوصات وتعرفين سبب الاجهاض اللى صارلك قبل

ولا تخافين انا اعرف اكثر من واحده اجهضت وبعدين حملت وربي عطاهم الذرية

عليك بالاستغفاااااااار

[لن أيئس]

الله يرزقكم باالذريه الصالحه المعافاه الجميله ..

ويرزقني وكل منتظر ياااااارب بحق هاالآذآن يارب العالمين ..

انصحكم تروحون لشيخ يقرأعليكم ماراح تندمون ..

بعض الآحيان يكون عين او حسد عافانا الله وياكم ..

وعليكم باالدعاء والاستغفار والصدقه وقيام الليل ..

[سمار]

عليك أختي الغاليه بالقرآن والدعاء مثل ماقالت الممرخه
والإغتسال بماء المطر ففيه شفاء
القرآن القرآن القرآن فصدقيني أن أكثر من أصادف بالمستشفى ألحظ ان ليس هناك علاج لهن سوى القرآن وليست المستشفيات ولكن قد يتكاسلون أو يخافون ماقد يكتشفون

[na3ooma]

لا حول ولا قوة الا بالله , دمعت عيوني من كلامك
حبيبتي , مجرد انه حصل حمل مرتين معناه انك باذن الله طيبة وماعندك مشاكل تمنع الحمل
بس لازم تروحي لدكتورة استشارية تشوفي سبب الاجهاضين علشان تساعدك باذن الله تتجنبيه المره الجاية , أسأل الله العلي القدير انه يرزقك بالحمل السليم المعافى عاجلا غير اجل

[آح ـــسآس]

ياقلبي انتي كلنا بالهوآ سوآ
شوفي حبيبتي كل يوم اقري على نفسك سوره البقره كامله ومن تحملين استمري عليها كل يوم اعرف وحده من حملت زوجها كل يوم يقرا عليها البقره ويوم وداها لاهلها بالشهر السابع سقطت لانها لهت عن القران وقرايته
اذا انتي سليمه واجهاضاتك سليمه
اذا ابدي اقري على نفسك في رقيه شرعيه بالنت اسمعيها يمدحونها بس ماجربتها صراحه تصدقي قال رسولنا عليه الصلاه والسلام(داوو مرضاكم بالصدقات)
اهتمي بنفسك خوذي فوليك اسيد من الحين عشان يهيئ الرحم للجنين
ومن تاخذين بشارة حملك اقري على نفسك ليل ونهار
وياكريم يقر عينك وعين زوجك بشوفه ضناك يارب
كل يوم اقرا ردودك في مواضيع البنات احسها مليانه غموض
ماكنتي تشكين لأحد بس كنتي تكتبين الله كريم وكانت اغلب ردودك كذا
وكنت اتعجب منها واقول ماشاء الله وراء هذي الردود امرآه قويه
ويوم شفت شكواك حسيت فييييييييييييك عصرني الالم
حسيت بالشعور الي الوحده لما تتظاهر للناس بأنها مرتاحه وهي بجواتها تتقطع
الله يرزققك ياقلبي
موضوعك بكاني
بكاني
بكاني
لأنني أشعر بما تشعرينه
أمس كالمجنونه بالسوق
كل مامريت من ملابس اطفال ادعي بصوت عالي اقول يارب لاتحرمني يارب لاتحرمني
الله يآجرني في مصيبتي وياجرك يارب ويرزقنا يااااااااااكريم
الحمدلله الحمدلله الحمدلله
اسفه طولت بس موضوعك ع الجرح
الله يشيل همك ويرزققك ياكريم

[حوريه السعوديه]

الله يرزقج ويرزقنا لاتنسي الدعاء والاستغفار

[ام ارجواااااان]

قسم بالله اني حزنت
انا 4 اسقاطات وصبرت
وعوضني الله عزوجل ببنت ملت دنيتي الله يحفظها
اصبري والله بيرزقك
يارب ارزقها بالذرية الصالحه اللهم امين