اخت زوجي تبغاه يتزوج

[احلاهم]

امس زارنا اخو ازوجي وكنا نسولف انا وزوجته وقالت لي بصراحه اخت زوجي قالت له انا ابغى اخويه يتزوج لازم يتزوج ونشوف عياله ورد عليها اخوه وقالها احنا اجتمعنا وكلمناه يتزوج وقلناله من حقك تتزوج انت كلمها وخليها ترضى ومافيها شي وقالهم زوجي اصلا زوجتي سليمه ومافيها شي العيب مني انا مع انه سليم ومافيه شي وانا مرتاح ولا تتدخلو بحياتي بس اخته مااقتنعت وقالت لهم انا بكلمه بنفسي واقنعه بصراحه انا انصدمت لانه قريبه مني كتييييييييييير معقوله تطعني بظهر طيب انا ايش ذنبي والله ماتحملت اسكت وقلت لزوجي على الكلام قالي انت ماهمك بكلامهم اذا شفتي اختي خدها ورمان او فمها مكسور اعرفي انها كلمتني وورديت عليها بطريقتي بنات ماتتصورو قد ايش نفسيتي تعبت مع اني نسيت الهم وبديت اتفائل ومبسوطه واكتشف انهم يحفرو من تحتي هي مطلقه وزوجها تزوج عليها ثنتين وتبغى تطلع عقدها علي ايش اسوي اكلمها والا اطنش بس الله موجود وانشاءالله احمل واسكتهم كلهم باذن واحد احد يعني بالله لو عندي اولاد هما ايش بيستفيدو والله اخويه جلس 3 سنين ماخلف ولا واحد مننا فكر يزوجه والحمد لله زوجته دحين حامل بشهرين امانه عليكم مالي بعد الله الا انتم بايش تنصحوني

[ميهاف]

هلا ياقلبي ..
طنشيها ماعليك منها ومثل ماقلتي هي تطلع عقدها وامراضها فيك ..
والحمدلله عندك زوج راضي ويحبك ..
عيشي حياتك واتركي الهم مافيه شي يستاهل ...
وياااارب ياااكريم يارحيم مايجي رمضان الا واحناا حوااامل بإذن الله بالاطفال المعافين ..
اااميييييييييييييييييييين ..

[اميرة علاوي]

انا من النوع الي اوقف الناس عند حدودهم
عشان ما يطفلو بحياتي الخاصه
واخت زوجك نفس النوعيه الي لازم تتوقف عند حدها
وانتي خليكي واثقه في نفسك والله كريم
وطالما زوجك معاكي خلاص ماله داعي تقهري نفسك
باي شي
طنشيهم ولا تعيريهم اي اهتمام
حتى لو فتحت الموضوع قدامك مره ثانيه اعمل نفسك مو مهتمه ابدا
والله يرزقك يارب

[برين]

يا ربي ايش هالخرابيط من جد اقهرت عليكي انت اكيد مالك متزوجه كثير...استغرب والله اصلا ما احد رح يشيل عنك العيل ولا يرضعو ولا يسهر علي لو مرض وله يحمله عنك في بطنه 9 شهور هم بس يتكلمون و يثرثرون لانو ما عندهم سالفه و لين تحملين انشالله برضو ما رح يعجبهم رح يصيروا يقولو يييييي جابت بنت لازم ولد و لو جبتي ولد يقولون ييي نبي اخ لولد اخويه,شي يقهر يااااااااااااااااااااااااااااااااااااااا رب تفك عنا همومنا و تصبرنا و ترزقنا زوجة اخويه معها مرض من و هي 5 سنين و ما ندخل فيها نخاف نجرح شعورها سبحان الله,بس زوجك مشالله عليه و لا يهمك منهم هو يباكي و حملك قريب انشالله ان الله مع الصابرين

[عروس البحر]

اذا جات اخت زوجك وكلمت زوجك قولي والله للعقد النفسيه مستشفيات وطنشي وروحي .............
ماهب صاحيه تبغا كف قهرتني ..... قوليلها ليش تبغين كل ناس زيك ناقصين إحمدي ربي على اللي انتي فيه وامسكي لسانك يامنافقه
الله معاك حبيبتي ودام زوجك واقف بصفك احمدي الله
بس انتبهي بيجي يوم وينسحب لكلام اهله انتبهي وقوليله اذا بتتزوج علي ماراح اسامحك........وبطلق
حبيبتي عندي دكتور في جده مره ممتاز والله كل اللي يروحون عنده بعد الله يحملن بتوأم أو أكثر أو واحد تبغين رقمه؟؟؟؟؟

[Rancy]

كم صار لك متزوجه ..؟ < فضول :(
عزيزتي طنشي واعتبري نفسك ماسمعتي شيء .. واذا قابلتها تظآهر بالبرود قد ماتقدرين
وحاولي تكوني قريبه من زوجك ولاتخلينهم ينفردوا به ..
ولا تتقابلين ويااهم كثير .. مهما كان هذه اخت زوجك يعني صعب انك تزعلينها يتآثر زوجك حتى لو لم يتكلم ..
وصلي باواخر الليل .. وادعي هالدعاء والله ثم والله لاني موظفه انام بدري وكنت اصلي الساعه 1 ليلاً وادعي هالدعاء في اقل من اسبوع ربي صرف عني الي كنت خائفه منه ..
اللهم من ارادني واراد المسلمين بسوء او سحر او تفرقه بيني وبين زوجي اللهم اشغله بنفسه ورد كيده بنحره واجعل تدميره في تدبيره واشدد عليه وطأتك وقدر له اسوء المصائر ياالله ..


وادعية الهم والحزن .. والاستغفار

واكثري من الدعاء ..
واسفه للاطاله ..

[احلاهم]

تسلملولي يارب والله انفجرت من البكاء لما قريت ردودكم انا لي 6 سنين متزوجه الحمد لله اني بعيده عن اهل زوجي ومانزورهم الا بالاعياد بس هم بمدينه ثانيه اللهم لك الحمد كما ينبغي لجلال وجهك وعظيم سلطانك هي تكلمني بالجوال وانا طبعي ماابين لاحد اني زعلانه منه وماازعل من احد حتى لو غلط علي اسامحه المشكله اني قبل يومين قلت لزوجي جيب اختك عندنا عشان تسوي عمره وتغير جو حرام نفسيتها تعبانه بس انصدمت اليوم من كلامها وقلت لزوجي ماعاد ابغاها تجي عندي جلس يضحك علي وقال لي انا محد يقدر ياثر علي بس تعرفو كتر الدق يفك اللحام

[احلاهم]

عروس البحر ارسليلي رقم الدكتور يارب يجعل سبب حملي عنده صديق زوجي بالعمل زوجته ماحملت من 5 سنين وراحو عند الدكتور عبدالرحمن خليفه هو سوداني وعيادته بالعماريه مدري تعرفيه او سمعتي عنه

[تعبت اعاني]

حسبي الله ونعم الوكيل فيهم،،
نصيحه مني لاتسكتين اعطيهم بوجهم علشان مايتمادون عليك ويفرون راس زوجك،،
واحمدي الله ان زوجك واقف معك هذي رحمة من الله بحد ذاتها،،
ياااااااااااااارب ياحي ياقيوم يرزقك ويفرح قلبك بالذرية الصالحه يارب ينصرك عليهم،،الحمل ماهو بيدك لو بيدك كان حملتي بس كله حكمه وتدبير من رب العالمين ارضي وانا اختك بقضاء الله واكثري الدعااااااء،،
حسبي الله ونعم الوكيل والله ان قلبي اوجععني عليك تذكرت موقف مر عليه انا شخصياً،،
بس انا زوجي للاسف ماوقف معاي بس الحمد لله ربي اخذ لي حقي منهم كلهم ياااااااااارب لك الحمد لااحصي ثناء عليك انت كما اثنيت على نفسك،،لاتسكتييييييييين من تجربة ترى بتتعبين فرغي اللي بصدرك اول بأول،،
والله راح ادعي لك ماراح انساك بإذن الله احنا مالنا لاحول ولا قوة الا بالله،،

[عروس البحر]

أحلاهم انا توني فتحت موضوع كامل في نفس القسم