أبا أحمل وقالت لي الدكتوره ..؟ بليز ادخلو

[أم مهره]

السلام عليكم حبيباتي طبعا بعد اطلاعي على المنتدى الرائع حبيت أعرض عليكم موضوعي وأبا رأيكم فيه ؟؟

بنات أنا أحب الأطفال .. وزوجي يموت في الأطفال ف حبيت اني أحمل .. طبعا في يوم بعد ما صار جماع بيني وبين ريلي .. بعدها بساعه نزل مني شي نفس الشفاف لزج واصفر .. وبعدها نزل مني دم .. ف أنا خفت قلت بروح عند الدكتوره افحص .. رحت عندها وسوت لي سونار وقبل ما تعملي قالت انتي متى دورتج قلت لها 16 - 4 كانت وأنا يوم رحت عندها كان تاريخ 30 تقريبا قالت هذا يمكن يكون عندج أيام التوبيض أحيانا بيننزل على شكل دم بعد ما سوت لي سونار قالت انتي كم عمرج قلت لها 19 قالت تبين تحملين قلت لها طبعا ؟؟ قالت احتمال كبير تكونين هالشهر حامل .. وأنا فرحت طبعا وعطتني مثبت للحمل اسمه ديفستون. وقالت استخدميه لمده 15 يوم إذا اجت الدوره اقطعيه ،، وقالت بتحسين بألم في جهه اليسار وبتحسين انج تروحين الحمام تبولين دائما الله يعزكم حبيباتي وكمان قالت لي لا تتحركين وآيد ويفضل أنه ما يصير جماع ..
قلت لها انتي شو شفتي في السونار .. قالت شفت عندك أباضه ،،

ايه بخصوص الدم إلي نزله شلت منه عينه واليوم رحت عندها وقالت لي هذا التهاب بسيط جدا وعطني مضاد بس قالت عشان إذا عندك حمل ينظف إلي داخل وكذا

الحين باقي على دورتي تقريبا 6 أيام ...

أنا حاسه بألم في الشمال بس شوي مو وآيد ..
وااائييد أرؤوح الحمام ..

إلي أبا أعرفه هو شو إلي ممكن شافته بالسونار والي خلاها تعتقد اني أكون حامل ..
وثاني شيء شو تقصد أنا شفت عندك أباضه ..
علما بأن دورتي منتظمه جدا كل 29 يوم تقريبا ..
وهل ممكن السونار يكشف إذا في حمل ؟
وإذا في التهاب ولو بسيط يأثر عالحمل ؟

[أم مهره]

حبيباتي أي وحده تعرف أي معلومه تحطها وبدعيلها من خاطري

[malak ahmed]

ربنا يرزقك بالحمل السليم المعافي عن قريب ان شاءالله

[أم مهره]

المشاركة الأصلية كتبت بواسطة malak ahmed

ربنا يرزقك بالحمل السليم المعافي عن قريب ان شاءالله

أمييئين حياتي مشكوره

[أم مهره]

معقوله 28 مشاهده ورد واحد ..

[ام اسهم]

حبيبتي ربما لها وجهت نظر الدكتورة بس اكثري من الاستغفار وربي يفرح قلبك بس انا ما عندي خلفية بس حبيت ادعيلك

[امنيتي اسمع كلمة ماما]

ان شاء الله تكوني حامل
بس انا ماعندي اي فكره
بس ماحبيت اخرج بدون ماارد
الله يرزقك بالذريه الصالحه ويثبت حملك بس هاااااااااااه لو انتي حامل
انتبهي ماتبشرينا
اللهم ارزقني بالذريه الصالحه
وارزق كل محرومه

[بـــوشـــي]

الدم هذا عادي جدا التهاب كان معي وانا حامل بالشهر الثاني ومايضر بس لاتتعبين نفسك
والسونار اكيد يبان فيه الحمل لانها تشوف كيس النونو
غريبه ماسوت لك تحليل دم وبول؟؟
والدفستون مايضر حتى اللي مو حوامل ياخذونه عشان ينظم الدورة
الله يرزقك الحمل ويثبته لك
ادعيلي يكون معي ولد

[أم مهره]

مشكورين حبايبي عالمرور والله فرحوتني ،،،
وبوشي ما سوت لي تحليل دم معني كنت متوقعه أنها تقولي ،، وقالت لي سوي بنفسك انتي تحليل بول تاريخ 14 يعني بعد 6 أيام وتعالي على طول ،،

[أم مهره]

بوشي حياتي أن شاء الله راح يكون معاك وللد والله بدعيلك في صلاتي حبيبتي