رجعت وجبت لكم قصه ولادتي باحلى بنوته الله يحفضهالي

[توته البنوته]

السلام عليكم ورحمه الله وبركاته كيفكم ياكروشات انشاءالله تمام اليوم الحمدالله انا تمام وبنتي كمان تمام <<حبيت انقلكم قصت ولادتي المميزه <<طبعاقبل مااولدكان في شويه مغص الي ههوايوم 18الي هوايوم الجمعه وفي الليل رحناالبرمع قرايب زوجي وانبصطناالمهم في رملا زي الجبل عاليه مراوتحدى زوجي مع عيال خالته انوبيطلع منو لانو عندنا جيب المهم وقلت لي زوجي انابطلع معاك ورحت وطلعناالجبل هاداوحسيت بالم في ضهري من قوت الطلعه الي طلعناهاالمهم خلصنا وحنارايحين للبيت قالي زوجي انزلي امشي شويه والله اناماامشي مراواستغليت الفرصه لاني عندي شويه الم في ضهري ونزلت مشيت حوالي ساعه وبعدها رحت البيت وقبل ماانام شربت زيت الخروع وقمت ثاني يوم الصبح ممغوصه مراورحت للحمام الله يكرمكم وبعدها بدا معايه شويه مغص الين 11الصبح وراح وبعدها نمت الين العصرالساعه 4قمت عشان اصلي ورحت للحمام ووالااشوف دم في الاندرويه انامراخفت ورحت لي زوجي ابكي ووجهي رايح اصفروانتفض ووريت زوجي بس قال لاتخافي دقي على امك اوامي وقوليلها السالفه المهم ودقيت على الاثنين وكلهم قالو روحي المستشفى بالرغم ماعندي طلق بس رحت لي مستشفى النوروكشفت وقالت 2سانتي وادوني قائمه عر يضه بس خرجت وقال زوجي مادام اهلك في مكه روحيلهم اخاف تولدي في اي وقت ورحت وجلست عند امي وشربتني جمي الانواع الي تولدوبرضوومافي طلق والمغرب جاني طلق الين العشاءونزل عليا دم كثير بس اختي قالت ماتروحي المستشفى الي وانتي فيكي طلق مزبوط <<<سوري طولت عليكم القصه بس والله اعرني مااعرف اختصرالله يعينكم معاياهههههه>>>المهم رحت المستشفى في الليل الساعه 4رحت حراءوكشفت قالت مفتوح عندك3ونص وكتبت تنويم بس اختي خرجتني على مسؤليتهاعشان لايلعبو فياالمهم رجعت البيت وشربتني اختي بلقوه زيت الخروع يخ مرا قرف تصدقوقاروره كامله مع عصير البرتقال واخويا يصارخ ويقلها مودحين تعطيها الزيت لان اخويا التاني في جده واخدالسياره واناقيد شربت الزيت المهم جالس اخويا معايا وقال دخيلك لاتمشي اخاف تولدين الحين وابتلش فيكي وماعندي ساره وساريدق على اخويا الصغير ويقولوتعال لااختك تولدالمهم جاني النوم مرا ونمت وصحيت الساعه 6ونص والساعه 7 ونص جاني الطلق ودق عليا زوجي وقلي ها في الم قلتلو ايه بس قلي امشي في الصطح بس ورحت امشي وصحي اخويال الصرخه الي صرختهاوخلاني ادخل وقال الله يستر عليكي لاتمشين الين يجي اخوكي مسكين كان مراخايف ودخلت للبيت الساعه8وجاه اخويه وجاب فطوروععبال مافطروانااستويت صرت اضرب اخوياالصغير من قوه الالم ومن قوه مني خايفه مراصاريضحكوعليا يحسبو انو لسه ماحولدلاني مرا مدلعه بس وشالت مرت اخوياالصفره وجلست فوق الكنبه وحاسه انو في شي يبغى يخرج مني ومصاحبه الالم وجاتني اختي تقولي ها في الم زاديعني ووقلت ايوه وهناقربناوقفت وجيت رايحه البس العبايه الا طحت من قوه الالم وسرت اصارخ واقول في شي بينزل مني اخاف البنت حتخرج هوا بالفعل كنت حولد في البيت لبستني اختي العبايه واخويا شالني ووداني السياره تخيلومن دون جزمه الله يكرمكم رحت للمستشفى وبسرعه دخلت الطوارئ وولدت وجبت احلى بنوته الله يحفضهاليه يارب وهيا اللحمدالله سليمه وسميتها<<حلا>>وانشاءالله تحليلي ايامي يارب وطلعوني الكشك عشان الخياطه بس صارت معي مشكله مااقدر ابول الله يكرمكم وحطوني تحت الملاحضه وبعدين خرجت تاني يوم ودحين خلصت 16 يوم والحمدالله شفتو كيف ولادتي سهله الحمدالله كلو بفضل الله ثم بفضل المشي وسوره مريم والكرسي والزلزله وادعي من الله انو تسهل ولاده كل حامل ووترزق كل محرومه ومعليش طولتها وهي قصيره وسامحوني لاني طولت عليكم

[اميرةفى امانيها]

مبرووك واللة يخليلك حلا

[أغلى جود]

الحمدلله على السلامه
وتتربى بعزج حلا

[توته البنوته]

تسلمون حبايبي وعقبالكم يارب

[بنت فلسطين]

الف الحمدلله عالسلامه ومبروك البيبي عقبالنا يا رب نقوم بالسلامه

[االبنفسج]

مبرووك واللة يخليلك حلا

[فديت خلودي]

اشوي وببكي حسيت نفسي محلك
المهم الحمدلله علي سلامتك
تتربي بعزكم يارب

[RAMA2011]

الف الحمدلله ع سلامتك ياعسل وربي يحفظ لك عروستك وتتربى بعزكم باذن الله.

[أم ولاء]

الفـ مبروووووووووكـ ....
الحمدلله على سلآمتج وسلآمة البنوووته ..
الحمدلله ماولدتي في البيت كان ابتلشوو فيك الشباب هههههههههههـ ..
تتربى بعزكمـ ان شااء الله

[ورد الشمال]

الف الحمدلله على سلامتك وسلامة البنوتة
يارب يحفظها لك وتشوفيها عروس : )
عقبالنا يارب