المكملات الغذائية للحامل

[كوينات]

السلام عليكم ورحمة الله وبركاته


كيف الحوامل اليوم .......

حبيت اتطمن

من زمااان عنكم
المهم ابي اسال البنات اللي جربو بريجنا بلان هذا مكمل غذائي للحامل
وفيه اشيا كثيره مفيده للحامل بس للاسف مالقيته عندنا بالرياض
ولا اتوقع حتى بالسعوديه
ليييييييييييه في دول ثانيه اهتمام اكثر للحوامل ومكملاتهم الغذائيه والسعوديه
لا .....من تشوفنا الدكتوره تكتب حمض فوليك واذ تعبت مره كتبت حديد
وكاليسوم
طيب اللي ماياكلون زين مثل حلالاتي ومعدتهم ماتتقبل الا انواع معينه من الاكل ولا هو مفيد وشلون يعني
والا مالكم شغل بذي
انا مني وعلي ابد ماناسبني الفروز اللي يعطوني اياه واقول للدكتوره غيريه تقول مافيه الا هو للحوامل ماخشت في بالي بس قلت الله كريم
وبعدها لما دخلت الثامن وانا بانتظام استخدم الفروز الا وتقولي عندك انخفاض جامد بالدم
ولازم ابر حديد
وشلون وانا من بدري قايله لك عن هاالفروز
طيب وشلون الحين الاقي شي يفيدني والبيبي في الحمل
وابي الله يجزاكم خير الللي تعرف عن هاللمكمل الغذائي

بريجنا بلان

او اي فيتاميات موازيه له تعلمني وباي صيدليه لانو تعبنا من هاللدكاتره اللي ماهم الا فروز وطقته والله اخبر الدول الاجنبيه يكتبون مكملات غذائيه ومتنوعه عندهم على حسب النقص اللي عندك وحتى بدو بالدول الخليجيه بس السعوديه لا والف لا بس ع الفورز وباقي الشله المعروفه
الله المستعان

[كوينات]

معقوله محد يعرفه

[**سماسم**]

إن شاء الله يفيدونج الأخوات بمكانه ..
والله يسهل عليج يالغاليه
,,

[كوينات]

تسلمين سماسم يعطيك العافيه

[تفووق الوصف]

أول مره أسمع عنه.
ماعندي فكره أبد.الله يسهل عليك وعلينا جميعآ.

إن شاء الله يفيدونك الكروشات الباقيات.
دعواتكم.
تحياتي.

[كيداهم]

انا مثلك بالضبط حاليا اخذ ابر حديد لأن فروز ما ناسبتني وصار الدم عندي تسعه بس قالت لي الدكتوره بعد الابر مفروض يصير دمي 12 بس لازم احافظ على النسبه لين او لد حاليا انا في بداية الشهر الثامن بس كتبت لي مكمل غذائي حلو كنت استخدمه من بداية حمل وقفته فتره يوم شافت دمي صار تسعه كتبته لي ثاني مره اسمه ارنيتال مرسوم على كرتونه حرمه حامل وهو فيه كل انواع الفيتامينات حتى الفوليك أسأليها واخذيه وادعي لي ان الله يهون علي وعلى كل الحوامل

[أم ابني]

هذا احسسسسن حديد للحامل اسمه فيروجلوبين انا كنت استخدمه بحملي الاول مع انه طوول عمري فيني فقر دم بس الحمدلله بحملي الاول لمى اخذت هالنوع راح فقر الدم ..

[rooraa]

وانا كاتبتلي نفس هادا النوع الحديد بس ما بقدر اخدو لانو طعمو مرا يقررررررررف اخدو بالغصب ويوم ويوم والدكتوره قالتلي حبتين باليوم بس ما قدرت
بس في حملي السابق الدكتوره كتبتلي على مكمل غذائي وفي هادا الحمل كتبتلي على حبوب فيها كل الفيتامينات لاني نفسك ما اكل ابدن
بس بحاول ازبط الدم قد ما اقدر بشرب عصير بنجر كل يوم ويارب يزبط معايا معايا فقر دم حاد الله يستر

[Queen DadoOo]

مو كل الدكتورات مايهتمو بالحوامل ممكن دكتورتك ماتعرف انا اول ماحملت اعطتني حمض الفوليك ومكمل غذائي من غير ما اطلب ولما دخلت الرابع كتبتلي فيروز وكالسيوم مع مكمل غذائي وطلبتها تغيرلي الحديد ماناسبتني على طول غيرتها كتبت لي فيروفيت والحمدلله
غيري الدكتورة ممكن ماتعرف
والحبوب فيروجلوبين مرة كويسة للحديد

[أنـــ غير ـــا]

انا الدكتوره اعطتني حليب fabimilk (فبى ميلك اوبتمم)
مكمل غذائي من الشهر التاني بس انا كسلانه مو دايما اشربه
ويمكن لو تغيري الدكتوره احسنلك ادا مو مرتاحه معها