بصراحة كنت أجلت الرد عالموضوع لسببين
أول سبب .. خوفي ينفتح باب واسع للحرب وتبادل الاتهامات وأكون أنا السبب في فتح الباب
الثاني : ماأدري أيهم الأنسب .. أرد هنا بالقروب ولا بالمنتدى ...
هذا سبب التأخير بالرد ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
اممممممم
دايما افكر ... ليش المرأة تحب تكون في كل مكان حتى لو كان المكان ( الخطأ )
مابي أتسرع وأقول .. غير مقدرة العواقب .. فقط لأنها تشعر بالنقص أو الغيرة من الرجل ووجوب المساواة معه في ((كل)) شيء
أرجع للوراء ...
كانت موضة السواقين بالسعودية نادرة أو مقتصرة على الطبقة المترفة جدا وكانت النساء تركب ( الليموزين )
لكن الأمر يبدو إنه ماعجبها ..
تطور الحال وكما هي عادة المرأة ( الحنّ والزن ) لتحقيق مطالبها ... وصارت تنظر إلى إن الليموزين مكلف ومتعب ورجل غريب ممكن يخطفها أو يعتدي عليها أو أو
طبعا .. هذا كله مقدمة للخطوة التالية .. فقالت بكل ضعف ..
ترضى أركب مع رجل غريب ماأدري وين ياخذني وتسرد من قصص ضعاف النفوس للتأثير على زوجها ...
ايش تبين بالضبط؟؟
أنا أبي سواق ..
السواق رجل تحت كفالتنا ونظرنا وخاص لنا .. ترضى في كل مرة أتمرمط واطلع الشارع أدور ليموزين ويمكن ماألقى وأتأخر عن دوامي أو مشواري وانت مو فاضي لي؟؟؟؟!!!
وافق الزوج ولسان حاله يقول : والله فكرة راتب ثابت ولو حصل منه تقصير أو زلة .. طردته شر طردة , ومنها يفكني من أمور أخرى
كان الزوج قبل السواق هو المسؤول عن توصيل الأطفال المدارس ..
عن جلب أغراض المنزل
عن مشاوير الزوجة
لما جاء السواق ... رمى كل حمله عليه و.. على زوجته فصار مايكلف على نفسه أي مشوار . روووحي مع السواق أنا مشغول وتفرغ لمشاويره الخاصة بدون مايحمل هم الأهل اللي تحت مسؤوليته حتى اشتكت الزوجات
لكن المرأة بطبيعتها تملّ وتبحث عن التجديد .. وطبعا هاجس القيادة يشغل المرأة من الثمانينات ...
الآن .. رجعت لزوجها بشكوى جديدة ولبست نفس القناع ..
أنت ترضى أركب مع رجل غريب؟؟!! >> سبحان الله ماكان غريب قبل ماتفكر بالتقدم بالخطوة هذي
وصارت تتحجج بالحجج الشرعية ( الخلوة ) والخطورة والحرام
أتساءل ..
لما كانت تطالب بالسواق .. وين كان أمر الخلوة والحرام ؟
ليش الآن فقط صار حرام ومع ذلك هي للآن مستمرة بممارسة ((الحرام ))
ليش تكون الفتوى الشرعية سلاح ذو حدين ؟؟
ذولا اللي يطالبون بقيادة المرأة الآن ويتحججون بالشرع .. مو هم نفسهم اللي كانوا ينتقدون لما كان أهل الصلاح ينهون عن الخلوة مع السائق ويتهمونهم بالتشدد؟؟؟!!!
أو هي الحاجة للدين لتحقيق مطلب أكبر ؟!!
إلى متى واحنا نستغل الشرع لتحقيق المطالب الشخصية
مرة بحجة سد الذرائع لتحكيم العادات على الدين
ومرة بأطلاق صوت العلماء في وقت الأزمات للوصول لأهداف لا تخفى على الفهيم
والآن لتحقيق أمر أفضل مايقال عنه .. خطير
أنا لا اتكلم عن قيادة المرأة من الناحية الشرعية أبدا فما أنا أهل للفتيا لكني أنظر لها من جهة أخرى وزاوية بعيدة جدا ..
ماذا بعد قيادة المرأة ؟؟؟
بعضهم يغطي علينا أغلب الحقيقة ويجعلنا ننظر للأمر من زاوية عاطفية على اساس إن المرأة لا تستطيع تدبر أمورها وحياتها معطلة وتحتاج بشدة للقيادة حتى تكمل النقص ( وكأن ماينقص المرأة هو القيادة فقط ) ويخفي أنه أنما يريدها أن تقود لأنه يعلم أنها بنفسها سوف تطالب بما يريده منها أن تطالب به
سؤاااال ملحّ بشدة
إذا كان اقتصاد السعودية قائم بنسبة 60% على المرأة وهي ذات دور فاعل وقوي في الاقتصاد وبحسب شهادة الأمريكان والأوربيين والمنتديات الاقتصادية والغرف التجارية ... كل هذا تم وهي لا تقود كما نعلم .. إذن أين التهميش وتكميم المراة ومنعها والتشديد عليها مثلما يقولون؟؟؟؟؟؟
حجتهم باطلة !!
ولو قلنا أن دول الخليج والدول العربية شاهد لنا .. فالمرأة متمسكة بدينها ومع ذلك تقود ولم تتعرض لما يسوءها .. فأقول ..
المرأة العربية لا تغطي وجهها .. إذن الهدف من القيادة بداية ,, هي نزع الحجاب , ثم الوصول لما هو أعظم
ألم اقل لكم أن وراءه ماوراءه ..
لا أريد أن أقول إن السعودية متميزة ومستهدفة حتى لا اتهم بالعنصرية .. لكن المرأة السعودية ليست كغيرها .. وكفى
كما قلت من قبل .. لااااااا أقصد من كلامي هذا الفتيا أو التحريم أو ... إنما قصدت أن أوضح أن وراء قيادة المرأة ماوراءه
آعتذر لكم عن الأطالة .. وتقبلوا تحياتي
قلت لرجلي : تخيل !!
انت بس تخيل ...!
تخيل اني اكون انا ورجال غريب في صندوق واحد ولحالنا ...حتى انفاسي يسمعها ؟
قال: ياساتر!!...
قلت : انا كذا كل يوم ؟
قال بفجعه: ايش تقصدين ؟
قلت: بالسيارة مع السواق
قال: يازينك ساكته
قلت: حقيقة لاتعامى عنها !!
قال: لاتحاولين مو موافق يعني مو موافق.
قلت :ارجوك ...ارجع اوزن الموضوع بمخك..السواقة للحرمة مهمة واتخليها تقضي حاجاتها بدون ماتكون بحاجة لرجل يشاركها مكان ضيق ويختلي فيها بداخله...لاتقول ان السواقة بتطلع بلاوي الحريم كلها...ليه مافيه انظمة وقوانين..مافيه حلال وحرام..انتوا يالرجال نفسكم لولا الانظمة والقوانين ماكان مشيتوا صح..البلد لسه بخير..وفيها الصالح والطالح..ليه تخافون من سواقة الحرمة بالذات وهي كل مجال دخلته وكل مكان اتواجدت فيه من الطب ,,والبنك...الى الكاشيرات بالسوبرماركت..وبمحلات الملابس ..وبملاهي الاطفال!!
قال: لاتحاوليت تأثرين علي !
قلت: الملك عبدالله يقول للحريم ابشروا اسمح لكم بالسواقة لو وافقوا اولياء اموركم وحطوا توقيعهم قدامي..الله يخليك كون اول ولي امر يبادر بهالمهمة الشجاعه !!
قال: لو مابقي غيري ..ماني موافق !!
قلت : انت انسان متحجر!
قال: افضل........ ولااكون متحرر !
قلت: طيب ..طيب...ابغاك بس تجلسني قدام الدكسون واتعلمني السواقة ..يمكن يحصل ظرف لاسمح الله واحتاجها.........
>>>>وووووواستميرت بالاقناع ..الى ان وافق يعلمني !!
قلت : مشكورة يازوجي العزيز
قال: بس وين اعلمك؟
قلت : باي مكان المهم امسك الدركسون؟
قال : ويش بينك وبينه هالدركسون؟
قلت: احبه
قال: وهو يحبك!.؟
قلت: خله يجربني اول
>>يلمحووون ..مايذكرونكم بقصة سابقه ؟؟
قال: طيب يالله..مشينا
قلت بفرح : بتخليه يجربني!!...اااااقصد اجربه....اااااقصد اسوووووووووووق...لالا لامو مصدقة نفسي..انا اصلا دايم اقول عنك انسان عصري ...ومتحضر
وماتشوفون غير غباري ..رحت جهزت عبايتي وشنطتي وجوالي (عشان احر صديقاتي وانا اسوق)..
ووووووويوم جيت اطلع..قال زوجي: يامهبوله نعالك !!
قلت: مو لابسه كيف ادعس وامسك فرامل بالكعب!!...ووركضت برى البيت ووقفت جنب سيارتي ..اااقصد سيارته ومالقيته !!!
رجعت له قلت : اشفيك ؟
قال: نسيتي شي ؟
قلت : ايش ؟
قال: رخصة السواقة !!
قلت: اقول امش وسحبته بهدومه وركبنا ...انا ركبت مكان السواق وهو جنبي !
قال: مانتي شايفة فيه شي غلط ؟
قلت: عادي انا السواق !!
قال: وانتي تعلمتي لسه انتي ووجهك ؟
قلت: علمني وانت محلك !!
قال: ماينفع !
قلت: طيب تعال اجلس وانا بحضنك.. المهم انا الي امسك الدكسون>>احبه
قال: وان شاء الله كيف اشوف اذا راسك بيصقع السقف !
قلت : ماهو لازم اتشوف انت بس تكلم وانا انفذ !
قال: يارب انت بليتني وانا صابر ..اكتب لي الاجر يارب !!
قلت : امين...بس ويش رايك ؟
قال : اقول اسمعي الكلام ولا ترى بطلت اعلمك !
نزلت بأسف وودعت دركسوني ..وركبت بمكاني الازلي>>اكرهه
وصار يعطيني تعليمات وارشادات ويوريني كل شبر قدام السواق واهميته له
وقال: انتهت الحصة الاولى!
قلت بدهشة : انتهينا والسيارة محلها ماتحركت..ولسى حنا بحوش بيتنا!!
قال: قلت لك هذي الحصة الاولى.
نزلت ورجعت البيت وقلت بنفسي : يمن عليّ ..خلني اسوق بس واذكره علومه هذي كلها
وجا موعد الحصة الثانية ..وهالمرة اختار البر ...( وطلعت بدون نعال بعد )ورحنا وساق شوي ووراني كيف امشي مستقيمه واركز اهتمامي على الخط قدامي وكيف استخدم الفرامل وكيف اهدي السرعه لو شفت ناس قدامي ..والخ
وجا موعد الحصة الثالثة وبرضه بالبر لكن هالمرة لبست نعال حسيت شكلي يفشل !!...
قال هالمرة اعلمك كيف تلفين؟!!
قلت : ونااااااااااسة
وقال لي ركزي عالمرايا بالسيارة وبالذات اليسار ولازم تعطين خبر الي وراك ماهو يطري عليك بس وتلفين...وووووووالخ
قلت: طيب انت جايبني بهالطعوس وين السيارات الي اعلمها اني بالف!!
قال:والحل؟
قلت: ودني وسط البلد خلني اطبق؟!!
قال: اوب يالمحترفة...وبعدين انتي تبغيني انسجن بسبتك ؟
قلت : طيب لازم مكان مأهول بالناس عشان اخذ خبرة
قال : والله لتعدسينهم كلهم
قلت : عادي كم ضحية المهم اتعلم !!
قال: يارب انت بليتني وانا صابر ..اكتب لي الاجر يارب !!
قلت : امين... خلاص باتخيل ان حولي سيارات وبالف !!
قال : زين
وومشيت ..ولفييت خمسية لفة..قال:خلاص خلاص خلااااص ....انتهينا راسي صار يلف من سواقتك!!
قلت : شوف الحصة الجاية ابغاك تعلمني التفحيط!!
قال : يارب انك ...
كملت عنه : بليته وهو صابر اكتب له الاجر يارب امين امين .....
ورجعنا البيت
وسمعته يكلم بالتلفون ويقول : والله بس اسكتها صجتني اختكم!!
ويوم انتهى قلت له : مين هذي الي اتسكتها!!
قال: مو انتي!!
قلت بعصبية : عارفه انك اتكلم واحد من اخواني ..واصلا انت مثلهم ...روح صف معهم ...روووووووووووح ..كلكم اعداء المرأة ...ماتبونها اتسوق عشان ماتسحب البساط منكم ..لكن انا اوريك ماعاد ابغى منك شي ..والملك عبدالله بروح له..وباخذ معي صاحباتي وصاحبات صاحباتي وبنوقف قدامه ونطلبه وبيوافق!!
قال بسخرية: طيب لاتنسين اتقولين له ان زوجي يبغى زيادة راتب!!
خصرته..ورحت نمت وانا زعلانه
وقام بيروح للدوام وانا لسه نايمه!!
قال: هيييييييييييه اتاخرتي عالدوام؟!!
قلت له: ماني رايحه عندي موعد!
قال : الله ..لحقتي تاخذين من ابونا عبدالله موعد!!
قلت : ايه
قال : وين باحلامك!
قلت : بكيفك لاتصدق..............>>>>وانتوا بعد لاتصدقون
قال: طيب لاتنسين الي وصيتك..قولي له زوجي يبي زيادة راتب ..وترقية بعد!!
قلت : ايه هين باقوله اني مو متزوجة اصلا!!
قال : اخص عالنذالة ..هذا وانا معلمك السواقة ..وكل يوم تفرين بي بالطعوووس قلبتي راسي!!
قلت : طيب ..طيب ..لاتبكي علي ..باقوله زيادة راتب بس بشرط نصها لي!!
قال : موافق
وراح لدوامه وهو مبسووووووووووط >>مصدق
:::::::::::
وجا من الداوم الساعه واحدة الظهر..لقاني لسه نايمه!!
قال: خير وين موعدنا ؟!
قلت : دقوا علي وقالوا الملك ينتظركم ... وقلت اني مصدعه اجلوها السنة الجاية... ووافقوا!!
قال : يعني راحت الزيادة !!
قلت باحباط : وراحت السواقة
قال: يحيا العدل
قلت : اقول شف ترى انا من امس معطيتك وجه...قلت لك الملك عبدالله مايبغانا ..يبغاكم انتوا..روح وقول له انك موافق..وشوف كم رجال بيصف معك ويقول وانا موافق بعد...
قال : بس انا مو موافق!!
قلت : ياربي ..انا كيف اقنعك..معقولة بيشيب راسي وانا لسه مامسكت الدركسون ورزيت نفسي قدامه!
قال : بس هذا الي تبين ..ابشري ..... كل يوم افتح لك باب السيارة ورزي نفسك قدامه وارجعي!!
قلت : تنكت انت ووجهك..هين ..هين..يجي اليوم الي انسوق وربك يفرجها....
end
>>>>يارب اسوق ............قبل اصير عجوز
04-01-2011, 05:43 PM
متى اجلس ورى الدرلاكسون واسووق
حب ومرح 
رد: متى اجلس ورى الدرلاكسون واسووق
جديد منتدى ملتقى عضوات حوامل
العرض العادي
