{موضوع مميز}تجاربكم مع الاجهزة المنزلية

منتهى الرقة · 03-15-2011, 09:12 AM

السلام عليكم ورحمة الله

اخواتي ربات البيوت السنعات
كلنا نعرف ان التكنلوجيا جالسة تتطور كل يوم
كل يوم نكتشف حاجه جديدة واختراع جديد
والدعايات دايم تغريا
ونقول خلاص هذي رح تكون العصا السحرية الي تحل مشاكلنا بس للاسف غالبا ماتكون بالجودة الي نتمناها
او تكون خدعة من التجار الي هدفهم مادي بحت

فحبيت افتح موضوع نستفيد فيه من تجارب بعض عشان نقلل الخسائر المادية والنفسيه
رح نتكلم عن الاجهزة المنزلية بجميع انواعها
غسالات افران مكانس استشوار ...الخ

نبغى نعرف..
الاجهزة الي استفدتي منها؟؟ ودايم توقفين مندهشة من قدرة الجهاز العجيبة؟؟
الاجهزة الي تحسفتي انك شريتيها؟؟لانك مااستفدتي منها او لان صناعتها كانت رديئة؟؟
افضل شركة اجهزة بنظرك؟؟ من ناحية الجودة والسعر؟؟

اتمنى اشوف تفاعلكم

منتهى الرقة · 03-15-2011, 10:13 AM

رح ابدا انا اول واقولكم الاجهزة الي عندي بالبيت

1/ غسالة اتوماتيك LG

تغسل وتنشف 100%
صارلها عندي اكثر من سنة وماشفت منها اعطال
عيبها ان الملابس تطلع مجعدة ولازم تنكوي << وهذا الشي الي مااحبه

2/ مكواة بخار من امجوي صطحها سيراميك

تتعبا مويه يعني تضغطين الزر الي يرش مويه وانتي تكوين
مااعجبتني ابدا
استخدمها عادي بدون المويه
وكثير حرقتلي ملابس مع ان العامل قال انها سيراميك وماتحرق ابداااااااااا

3/مكنسة سامسونج
ماعليها تمشي الحال

4/ ميكرويف سامسونج
استخدمه للتسخين بس حلو ماعليه

5/ خلاط مولينكس مع مطحنة

الخلاط نادراا مااستخدمه
والمطحنة اندر

6/ خلاط براون

جاي خلاط مع مضرب بيض مع عصا هرس
كنت استخدمه عشان اكل ولدي وللطماطم بعد
ومضرب البيض للكيك
اما عصا الهرس مادري وش فايدتها

7/ شواية كهربائية فيلبس

قليل استخدمها اوقات استخدمها لتحميص التوست
اما اللحوم ماعمري جربتها

8/ قطاعة خضار كهربائية

استخدمتها مره وحده عشان اجربها وبعدها ركنتها بالدولاب
هي حلوه للعائلة الكبيرة او وقت العزايم
اما لتجهيز اكل شخصين فهي مضيعة للوقت اقطع بيدي اسرع واوفر الغسيل

هذي الاجهزة الي عندي
بقى بس ثلاجة وتلفزيون واستشوار ومكينة ازالة الشعر
كلها حلوه ومالها مشاكل

الحين بقولكم الاجهزة الي ابي اشتريها بس ابغى اشوف رايكم وتجاربكم اول

1/ مكواة بخار
مثل هذي احسها سريعة

2/ قلاية كهربائية
عشان افتك من طرطشت الزيت على الفرن
3/ مكنسة كهربائية للسيراميك
وشفت بعد مكنسة كهربائية ذاتية تكنسلك البيت وانتي جالسه ونااااااااااااااااااااسه الي تعرف عنها شي تقولي
4/ غسالة صحون وش رايكم فيها
احنا عددنا 3 يعني 3 صحون و3 ملاعق بس

انتظركم

المستانسه بالله · 03-15-2011, 11:19 PM

اامممم والله موضوع حلو انا نفسي اسال عن المكواه اللي بالبخااار

روح الورد · 03-15-2011, 11:33 PM

مووووضوووع رااائع
اناعندي غساله ونشافه
وعند مولاينكس محضرالطعام وحماصه وخلاط وفرامه
ودي بشوايه
والكوايه هذي عااجبتني بس خايفه منهامن جربها ومكنسة الغبار

ام تميم 66 · 03-15-2011, 11:39 PM

عندي الغساله اوتومتيك من lg بصراحه روعه
المكرويف من دايو
خلاط ست البيت من مولينكس
شاشة التلفزيون من lg
الثلاجه منlg انا مرتاحه مع الشركه علشان كذا اكثر اجهزة بيتي من عندهم

روح الورد · 03-15-2011, 11:47 PM

المكروويف ال جي
التلفزيونات سوني
الغساله سبيدكوين
النشافه امانا

meso · 01-13-2013, 09:38 AM

هلا وغلا
طرح جميييييييييييل ومميز
العصا الكهربائيه يالغاليه تهرس لك الفواكه اذا تبغى عصير
وتهرس لك الطماطم للطباخ
وتفرم البطاطا فرم زييييين وتسوى عصير جزر مع برتقال واااااو جربيها
عندى غساله نيكاى زينه.
خلاط مونليكس مافيه كلام طبعا
والعصا الكهربائيه
ويسلمووووو ولى عودة ان شاء الله

منتهى الرقة · 03-16-2011, 03:51 PM

اسعدتني ردودكم

بالنسبة لمكواة البخار كل مغاسل الملابس يستخدمونها يعني اكيد انها حلوه
بس انا خايفه يكون استخدامها صعب او تكون ثقيلة ومااقدر اتحكم فيها

ننتظر الباقين

افراح · 03-16-2011, 07:35 PM

اما انا ابي اسألكم عن عصارة للعصير ايش رايكم بافضل شركه
تقبلي مروري

منتهى الرقة · 03-18-2011, 09:52 PM

اهلين افراح
اشوف مولينكس افضل شركة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اللبنة المنزلية مقدمة من المطبخ اللبناني	غلا الشوق	قسم التغذية	1	12-29-2010 06:11 PM
تحذير عن لمبات التوفير المنزلية	demoshka	المـنـتـدى الـعـام	35	10-22-2010 06:38 AM
مواجهة بين الاجهزة الامنية ومطلوبين في ينبع	الشوق عطري	المـنـتـدى الـعـام	4	09-27-2009 09:06 AM
الحدائق المنزلية	الشوق عطري	المـنـتـدى الـعـام	0	09-19-2009 03:30 AM