متوحمه على زوجي

[فجر الحب]

السلام عليكم ورحمة الله وبركاته

يا خواتي بإختصار متوحمه على زوجي بدرجة محد يتصورها ...

مو طايقته مابي اشوفه ولا اكلمه ودايما ريحته مو حلوة ...

مو بيدي والله احاول اقرب منه احس روحي أتعب لان أضغط على نفسي عشان مايحس علي ومايتضايق

وانه أصلا متعلقة فيه وايد حتى سفر ما أخليه يسافر عني..ولا أخليه بروحه في البيت أو انام عند أهلي ...

ومن حملت وانه تعبانة من هالموضوع مرة ... وصلت الخامس والوحام مايخف بالعكس كثر من قبل..

حتى حقوقه ما أقدر اعطيه وكاسر خاطري بس مو بيدي والله ...

من يقرب صوبي تلعي نفسي وراسي يدور ... صايرة كارهته بمعنى الكلمة

ولما اقعد معاه بمكان واحد لازم بينا مسافة ومن يتكلم احس روحي خلاص مابي اسمع صوته واروح محل ثاني...

اخاف اقوله مايتقبل مع انه دايما يقولي انتي شكلك متوحمه علي
او اخاف يتعود على الوضع انه بعيد عني وحتى لين خق الوحام او ولدت يكون تعود


شنو تنصحوني اسوي ؟؟؟؟؟؟

[هلا بعمري]

الله يعينك يارب حاولي تنسين او تتناسين لاتفكرين بهالموضوع وان شاء الله خلاص بيخف

[محبوبة ميمو]

عادي حبيبتي اليس من الافضل لو تقوليله لكي ما يحس انك كارهاته بجد سوف يتفهم حالتك هانت كم اسبوع وتخلصي الوحام الله يعينك ويصبرك امييييين يارب العالمين

[فجر الحب]

شكرا على الردود ...

بس بجد مو طايقة نفسي ...

بحملي الأول ما صار فيني نفس الشيء مع ان وحامي كان أكثر

الله كريم ويسهل علينا يارب

[ام سيد علي]

الله يعينك قولي الحمد الله

اني ماجاني وحام الاخفيف الحمد الله

واصبري ان الله مع الصابرين

[فجر الحب]

اختي ام اكرار

ان شاء الله نكون من الصابرين

[حلمي اشوفك دنيتي]

وربي مثلك ووووووووووووووحام مو طبيعي على زوجي وريحته ووووريحة بيتي كله وووووربي مااقدر وغصب حاسه فيك من يقرب لي شوي وارجع ومثل ماقلتي حقوقه مستحيل يارب يصبرهم علينا ويقومنا بالسلامة

[حلا جدة]

الله يعينك ياقلبي
انا برأيي تقولي له وتفهميه الوضع وأن هذا الشي مو بيدك وغصب عنك

[ام تميم 66]

حبيبتي لازم تقوليلة لا بكرة انتي الى بتتحسفين يا الغلا والله يفرجهاا لك ياارب عااجل غير اجل ياارب,,,

[انا القمر]

الله يكون بعونك حبيبتي