السفر بالسيارة للحامل؟

[فرحة طفل]

صباح او مساء الورد اخواتي

حبيت استشيركم واشوف تجاربكم في موضوع السفر بالسيارة

انا في الشرقية حاليا ومظطرة اني ارجع لاهلي في الرياض الثلاثاء القادم وارجع

الجمعة وبعد اسبوعين راح ارجع الرياض واستقر هناك

هل فيه خطر علما اني في بداية الشهر الثاني

ارائكم وتجاربكم تهمني ولكم جزيل الشكر

[لغة صمتي]

ان شاء الله ما فيه خطر
بس انتو ريحو كل ساعه عشان تمدي ظهرك وتحركي جسمك
عشان الدم يتحرك الله يسهل عليك وعليه

[اللؤللؤة البيضاء]

افادة اكثر من الغاليات

[أحلى حلم]

انشالله ما عليك شر استودعيه الرحمن والله الحافظ سبحانه .. انا بمجربه طريق الرياض مافيه حفريات ولا شي اللي تخافين منها نزلي كرسي السياره ورفعي ارجولك انشالله تروحين وترجعين بالسلامه ...

[السوسن]

استشيري طبيبتك وهي ادرى بحالتك اذا تسمح او لا

[أم الشيخ خلودي]

ان شاء الله مايضر بس اهم شي تكون سواقة رجلك راكده واستشيري طبيبتك يختلف حامل عن حامل
انا سافرت كذا مره من الرياض للشرقيه والحمدلله ماتعبت لان الطريق سهل
الله يهون عليك

[فرحة طفل]

الله يجزاكم خير جميعا بالنسبة لطبيبتي استشرتها وقالت ما فيه خطر إن شاءالله بس ما فهمتها اني بروح وارجع بعدين بروح مره ثانية الله يكتب الله فيه الخير يا رب ومشكوووووورين
وننتظر المزيد.....

[أم دلع 1]

على حسب خالتك الصحيه فالافضل استشاره الطبيب

[فرفورة نجد]

ان شاءالله مافيه ضرر .. انا زيك في بداية الثاني ومسافره من الرياض للطايف والحمدلله ماصار لي شي .. وكل ماحسيت بتعب تمددت وتمغطت :) وسواقة زوجي رااااااكده

[سحر البراءه]

انشاء الله مافي شي

انا سافرت من الشرقيه للرياض

ورجعت بعد 3 ايام للشرقيه بالسياره

وانا رحت مع اهلي وكان ابوي يخليني انسدح ورى

بس رجعت مع عمي ولا في مجال اني انسدح

وقعدت 3 ايام بعد السفر رجولي تعورني ماقدر اصعد الدرج يعني مافيني ارفع رجلي

والحمدلله عدت انتبهي للنقطه هذي لاتصيرين طول الوقت جالسه مدي رجولي وانسدحي

والله يتمم لك على خير

على فكره انا لما رحت كان لي 3 شهور