مايبيلها شي استخدمي للجسم زيوت مخلوطه مثل زيت اللوز المر مع الجلسرين واتروشي بصابونه غار بزيت الزيتون وراح تشوفي بشره نظيفه وصافيه بس الاستمرار مهم
اذاخرجتي من الحمام ادهني جسمك باي مرطب او لوشن
والوجه والرقبه استخدمي غسول نتروجينا او جونسون او كلير اند كلي اللي ترتاحي عليه صباحا ومساء ولاتنسي الماسكات الطبيعيه مثل ملعقه عسل ملعقه خميره ملعقه ماء ورد ملعقه نشاء هذه الماسك يبيض ويصفي اساليني انا مسويت البارح ويفضل مرتين في اليوم
واذا جيتي تنامين ضعي كريم على الوجه والرقبه مثل الدوكين واذا صحيتي لازم لازم تغسلي وانتبهي ترتكبي خطا تغسلين وجهك وتتركين الرقبه لابد كلهم
واليدين والله مافي احلى من الجولسوليد مع الليمون اذا نمتي ادهني يدينك واذاصحيتي اغسليها بصابونه لوكس اي نوع والله بياض ونعومه وصفاء وانا الحين استخدمه ليديني اما الكريمات الباقيه خرطي بس ترطيب
والشعر اي كريم او زيت اذا تبين كريم مكسام والزيت زيت براشوت الازرق وعن تجربه ولاتنسي فاشكول للشعر يفضل باالثوم واي شامبو ترتاحي عليه عادي
من ناحيه اخرى لازم النفاس تغطي راسها عشان الهواء لايدخل والرجلين ضروري مده الاربعين شرابات
والبطن لاتنسن المشد والزيت الزيتون الدافي تدهنين البطن من تحت الى اعلى لمده عشرين دقيقه هذا للي والد طبيعي وتربطين لمده اربعين يوم والله تطلعين ماكنك والد
ايضا قشر القهوه والحلبه والحبه السوداء والعصيده وبكتب طريقتها غير عن الطريقه المعتاده بس طعمها واو ايضا المره لغسول المنطقه الحساسه ايضا يفضل تستخدمي المعطرات للجسم اللي باالفراوله او نوع ثاني بس يكون خفيف والابتعاد عن العطور المركزه
الابتعاد عن الرز العدو االلدود ينفخ الكرش ويترهل البطن باختصار يخرب كل شي سويتيه من الالف الى الياء كما لاتنسي الشمر يشد الجسم
ابتعدى عن الشاي والقهوه توسع المنطقه وتكثر الغازات واشربي بديلا عنها الكمون واليانسون
طريقه العصيده اخذتها من وحده الله يذكرها باالخير كنت اكره العصيده بس هذي الطريقه تحببك فيها
كاس ماء - كاس وربع طحين بر -2 علبه حليب سعوديه يفضل الكبير -- قدر
قبل كل شي تضعين الماء ثم الطحين وكل ماكتيتي شوي حركي عشان مايتكتل الين تخلصي ثم تضعين كاس الحليب ثم تضعين القدر على النار ويكون عل العين الصغير عشان مايحترق ولازم نص ساعه عشان يستوي مع التحريك المستمر وكل ماحستيها ثقلت معك ضعي الحليب مع التحريك الين تخلصي العلبتين قلت كل مااثقلت ركزوا هنا
نص ساعه وتستوي والله يبنات طعمها مجنون ولاهم شكلها مرتب مافيها كتل نجي للاظافات للي تحب ملعقه حلبه مطحونه ملعقه حبه البركه مطحونه بس والطعم ولا اروع
والاهم يبنات الجدول الجدول ضعي لكل برنامج قبل لاتولدين مثلا اذا صحيتي الصبح وش تسوين فتره الظهر ايضا والعصر وش تسوين اذا جنك حريم كيف يكون شكلك المكان اللي بتجلسين فيه بعد الولاده يكون صاد عن الهواء مثلا كيف تختاري مفرشك كي ترتيب اغراض النونو من ناحيه اخرى الاذكار جدا ضروريه ياكثر اللي يحسدن والعين جاهزه خصوصا اذا تغار منك
اللي تبي اسوي الجدول لها وانزله انا حاضره في هذي الصفحه ولاهم يابنات ماتبوحي بجدولك الى احد صدقيني يخرب كل شي تسوينه وياكثر اللقافه في الحريم
دعواتكن لي بان ربي يحقق امنيتي ويخلي زوجي لي ويرزقني ربي بكل خير ويبعد عنا الحسد يارب