كان عندي مراجعة وولدت

[ام عمار]

السلام عليكم ورحمة الله وبركاته
كيفكم ياامورات وحشتوني كثير
بحكي لكم حكايتي"بالتفصيل الممل">>الله يعينكم علي هههههههههه
اولا الحمدلله ولدت قبل اربعة شهور بالضبط>>>>>قديييمة مرررة
رحت يوم 4شوال للمستشفى الساعة 8صباحا كان عندي مراجعة رحنا مشي انا وزوجي المستشفى قريب من بيتنا سووا لي تخطيط وانتظرت كثييير تاخرت الدكتورة مادخلت لها الا11,30 حتى زوجي عصب ليه ذا التأخير وكنا بنرجع البيت لكن نادت علي ودخلت لها قالت تحسي بالم قلت مغص خفيف مثل قبل الدورة بس مايعور مررة قالت التخطيط فيه شوية طلق تعالي اسوي لك سونار واشوف
بس كشفت علي تغير وجهها وخوفتني "طبعا كان باقي اسبوعين على موعد ولادتي"
وكنت اتمنى اولد قبل لايسافر زوجي"
المهم قالت الدكتورة نزل عليك مويه؟؟ قلت لا ولاشي
قالت متأكدة؟؟؟؟؟؟؟؟!!!!!!!!!
قلت اكيد بس ليه؟
قالت المويه مرة قليلة.كشفت علي من تحت قالت الرحم مقفل
"عورتني وبكيت"):
قالت لازم تتنومين اليوم وبكرة نعطيك طلق صناعي ونولدك
انا!!!!!!!!!!!!!مشاعر مختلطة فرحانة وخايفة ومو مستوعبة شي
كملت اوراقي وكتبت كل شي سالتها اذا خذت الطلق اولد على طول؟"ماعندي سالفة"
قالت بما ان المويه قليلة اذا تاخرتي في الولادة ومانفع الطلق راح نعمل لك عملية عشان نبض البيبي والاكسجين
oooo
انا خفت مرة لان هذي اول ولادة واول مولود قبل سنة اجهضت وكنت خايفة افقد البيبي للمرة الثانية
كلمت زوجي وقلت له كمل اوراقي لاني بكرة بولد قال خلك من الهبال اطلعي استناك زحمة وشمس وقرف "ماصدقني لانه في الصباح قال لي تخيلي تقولك الدكتورة بتولدين؟قلت ان شاء الله"عشان كذا يحسبني العب عليه
قلت له الممرضة تركب لي ابرة المغذي جيب امي والشنطة وتعال قال من جدك,
حاولت الممرضة بس مالقت عرق من الخوف عطتني الدكتورة ورقة اعطيها زوجي قلت له انا جايه "قال ماقلت انك تكذبين علي"عطيته الورقة وحكيت له السالفة وفرح مرررة "طبعا الممرضة تنتظرني عشان تركب لي الابرة"
قلت يالله البيت قال بيدورون عليك قلت ماعلي منهم بجهز نفسي ماني مستعدة
رجعنا وقلت لماما جهزي اغراضك بكرة بولد ماصدقتني لين شافتني طلعت شنطتي وغيرت ملابسي وشيكت على نفسي قامت امي تبكي "فر حة وخوف"
طبعا انا بنتها الوحيدة والباقين عيال
رجعت المستشفى والممرضة تحوس تدور علي بالمستشفى "انتي فين روه انا ينادي انتي كتير مابيه يجي"قلت رحت البيت اخذ اغراضي
قالت اااووووووه ليس مابيه كلام
مانسى كيف ركبت لي المغذي الخبلة ركبت الابرة وفتحتها وتضغط عالعرق وتصب دم في علب التحليل ماتسحب بالابرة الا تكب كب وانا بدوخ اصلا عندي فقر دم والمنظر يفجع عدمت يدي والارض وملابسها والموجودات انفجعوا وهاوشوها
المهم رحت قسم التنويم وماما الله يحفظها ماتشيلها رجليها من الخوف
طبعا حضرتي قررت في نفسي اني ماخذ الطلق لعدة اسباب
1/خايفة عالبيبي لايتعب من الطلق ويصير فيه شي "الدكتورة خوفتني"
2/ماابغى كشف من تحت كل شوي لانها عورتني
3/خايفة من شق العجان والخياطة
4/لوما نفع الطلق بعمل عملية"خلني اخذها من غير طلق"
باختصار ابغى اغمض وافتح القى البيبي جنبي وهو بخير
قلت لامي قالت سوي العملية احسن لك لايموت البيبي وتتعبين من الطلق وماينفع
فرحت انا لان ماما موافقة
جات الدكتورة المناوبة في الليل قلبت راس امي قالت العملية مو سهلة والتخدير ممكن ياثر عليكم ووووووووو
امي خافت وقالت تاخذين الطلق وانتي ماتشوفين الدرب لاتموتين انتي واللي بطنك انا ماتحمل افقد احد بعد ابوك توكلي على الله وخذي التحميلة وانا ابكي مابغاها بسوي عمليه جوا الممرضات الصباح يعطوني الطلق قلت انا صومت نفسي وبسوي عملية
قالوا مفيه كويس عمليه قلت طيب باخذ الطلق لكن لوما اولد بعد ساعة ياويلكم مني
نادوا الدكتورة قالت جربي واذا مانفع سوينا العملية قلت اعتبريني جربت ومانفع يالله سوي لي العملية
قالت اخر كلام قلت وماعندي غيره
جهزوني وجاء دكتور التخدير يسالني اساله كثيرة وجاء استشاري الولادة ونصحني اغير رأيي لكني اصريت واستخرت قالوا مافيه فايدة منك خلاص عمليه
تسبحت وركبوا لي القسطرة المفروض عمليتي 11 تاخرت لحد2,30 كان فيه ولادات طارئة قبلي واللي عمل لي العملية الاستشاري موالدكتورة
دخلت وعملتها مدري متى طلعت لكن بديت افوق العصر وارجع انام كنت اتالم من بطني وجاء زوجي وامه وجدته وماكنت حاسه في نفسي
صحصحت في الليل وسالت وش جبت قالت امي جالك اللي تمنيتي بنوتة صعنونة مررررررة وزنها 2,600
قلت جيبيها ابغى اشوفها جابتها فديتهم امي وبنتي قلت فديتها صغيرة مرة معرف اشيلها حاولت ارضعها بس ماقدرت وماعرف كيف ارضعها
شالت الممرضة القسطرة اليوم الثاني الصباح اجبروني امشي عشان لايصير جلطة
كنت تعبانة ومقدر احس بطني ثقيل وبينفتح لما المسه احسه مخدر ومنمل اصعب شي الوقوف والجلوس وماكنت اقدر انام على جنوبي الا بعد مافكيت الخيط بديت احاول نمت في المستشفى اسبوع بنتي ودوها الحضانة عشان فيها صفار يوم ورجعوها عرضتها للشمس في الغرفة من الشباك وكنت اعطيها سكر نبات في مويه والحمدلله خف
للاسف بنتي الحين ماترضع مني لاني عودتها عالرضاعة
كنت اسحب لها من صدري لكن صار فيني التهاب وماكملت
رجعت تنومت مرة ثانية بعد اسبوع مع بنتي اختنقت بغت تموت الله يحفظها
كان فيها بلغم واستفرغت لكن ماقدرت تطلع البلغم من حلقها واختنقت صارت زرقاء وماتتنفس كانت عند امي وانا نايمه ومادريت عن شي الا لما جت امي تاخذ ملابسها قالت بنتك وديناها المستشفى عشان البلغم تاخذ اكسجين وماقالت لي عن اللي صار الا اليوم الثاني تنومنا اسبوع عشان يتطمنون عليها وصرت مرة اخاف عليها
سميتها لجين الله يحفظها ويحفظ عيالكم
ويرزق كل المحرومين
هذي حكايتي الطويلة
سامحوني طولت عليكم كثير

[حياتي عيالي]

الف الف مبروك حبيبتي ولو انها جت متاخرة والله يخلي لك لجين

[ام عمار]

الله يبارك فيك يالغاليه

[صدفة عمر]

::


الحمد لله ع سلامتك وسلامة البنوتة مبروووووووووك


::

[حبيبي]

الحمد الله على سلامتك وسلامت لجين

[ام مراوي]

الف مبرووووووووووووك
الحمدلله على السلامه
تتربى بعزكم ان شاء الله